News

One City. One Voice. One Iligan. 💙

Iliganons, Christal needs our support.

As your Mayor, I have seen how strong and united Iligan City can be when we come together for one cause. Today, I am reaching out to every Iliganon—here at home and abroad—to please help us support our Miss World Philippines - Iligan City who is proudly representing our city on the national stage.

We are currently at Rank 6. With your help, we can move forward and secure a place in the Top 15 and beyond. This is not just about a pageant—it is about showing the world the heart, discipline, and bayanihan spirit of Iligan City.

Tara na, Iligan. Tabang ta, dungan ta.

Your vote is a simple act, but together, it carries the voice of an entire city.

🗳️ Please vote here:

👉 https://missworldphilippines.sqors.com/christal-2589

📅 Voting is open until February 3, 2026 | 4:00 PM

Daghang salamat sa inyong padayon nga suporta.

Padayon ta sa pagpasigarbo sa Iligan City. Padayon, Asenso Iliganons! 🌊✨

#OneIligan

#SupportMissIliganCity

#IliganToTheWorld

#MissWorldPhilippines

#BeautyWithAPurpose

𝐋𝐆𝐔 𝐈𝐋𝐈𝐆𝐀𝐍 𝐌𝐈𝐏𝐀𝐇𝐈𝐆𝐀𝐘𝐎𝐍 𝐎𝐆 𝐏𝐑𝐄-𝐖𝐎𝐑𝐊𝐒𝐇𝐎𝐏 𝐀𝐋𝐀𝐍𝐆 𝐒𝐀 𝐂𝐃𝐏

Mipahigayon og pre-workshop ang lokal nga kagamhanan sa Iligan alang sa Comprehensive Development Plan sa 2026 -2031. Tumong sa Pre-Workshop mao ang pag-align sa mga prayoridad sa matag sektor, pagklaro sa mga papel ug responsibilidad, ug pagsiguro nga andam ang tanang departamento ug opisina sa paghimo sa CDP 2026-2031.

Diin ang resulta niini nga aktibidad mahimong importanteng input sa mga sunod nga planning sessions nga ipahigayon sa February.

Samtang gitagaan og importansya ni Dawin Manubag, ang City Administrator ang pagpakusog sa monitoring, implementation ug evaluation diin gitumbok sab niya nga kinahanglan nga na align kini sa national standard.

"Ang CDP will only be appreciated if we have implemented it . Ang LGU we know nga we have challenges daghan ta'g limitations sa atong resources ang pinaka importante is ang ato gyong pagtibangay," matud ni Manubag.

𝐌𝐆𝐀 𝐁𝐀𝐊𝐀𝐍𝐓𝐄𝐍𝐆 𝐒𝐓𝐀𝐋𝐋𝐒 𝐆𝐈-𝐀𝐖𝐀𝐑𝐃 𝐍𝐆𝐀𝐃𝐓𝐎 𝐒𝐀 𝐌𝐆𝐀 𝐕𝐄𝐍𝐃𝐎𝐑𝐒 𝐒𝐀 𝐓𝐀𝐌𝐁𝐎 𝐌𝐀𝐑𝐊𝐄𝐓, 𝐋𝐈𝐕𝐄𝐒𝐓𝐎𝐂𝐊 𝐀𝐔𝐂𝐓𝐈𝐎𝐍 𝐌𝐀𝐑𝐊𝐄𝐓

Gi-award ang mga bakanteng pwesto sa 39 ka aplikante sa Livestock Auction Market ug laing 39 sa Tambo Market.

Sumala ni Agnes Clerigo Maingat, Head sa Economic Enterprise Development and Management Office (EEDMO), kinahanglan ampingan sa mga vendors ang ilang mga pwesto pinaagi sa pagbayad sa saktong renta, dili mag sige og sira-abri sa stalls, ug ang nagpangalan sa pwesto ang kinahanglan mamaligya.

Matud ni Loina Romanillos, hepe sa Slaughter, mahimo nang gamiton ang mga pwesto sa Livestock Auction Market human makatuman ang mga vendors sa ilang mga rekisitos.

Nagtuo si Maingat nga ang pagkapuno sa mga bakanteng pwesto makadugang sa kita sa siyudad ug makakab-ot sa target nga koleksyon.

Janice G. Magsayo

�𝐔𝐒𝐈𝐍𝐄𝐒𝐒 𝐏𝐄𝐑𝐌𝐈𝐓 𝐑𝐄𝐍𝐄𝐖𝐀𝐋 & 𝐍𝐄𝐖 𝐁𝐔𝐒𝐈𝐍𝐄𝐒𝐒 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐄𝐗𝐓𝐄𝐍𝐃𝐄𝐃 𝐔𝐍𝐓𝐈𝐋 𝐅𝐄𝐁𝐑𝐔𝐀𝐑𝐘 𝟐𝟎, 𝟐𝟎𝟐𝟔

Na-aprobar kini sa Sangguniang Panlungsod pinaagi sa City Ordinance No. 26-7746 kaniadtong Enero 20, 2026.

Dugang detalye sa Treasurer's Office - Iligan City, https://www.facebook.com/share/p/1MRFsuHTpw/

#extended #penaltyfreeextension #CTOIligan

#AsensoIliganon #IliganCity

𝐍𝐀𝐆𝐏𝐀𝐃𝐀𝐘𝐎𝐍 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐀𝐍𝐆 𝐏𝐀𝐆𝐏𝐀𝐍𝐆 𝐁𝐀𝐊𝐔𝐍𝐀 𝐊𝐎𝐍𝐓𝐑𝐀 𝐌𝐄𝐀𝐒𝐋𝐄𝐒 𝐔𝐆 𝐑𝐔𝐁𝐄𝐋𝐋𝐀

Ania ang mga barangay nga naka schedule sa Iligan diin gipahigayon karung adlawa, Enero 21, 2026, ang pagpangbakuna sa mga bata kontra Measles ug Rubella.

Pdayong gi awhag sa lokal nga pangagamhanan ang mga ginikanan sa pagdala sa ilang mga bata edad 6 hangtud 59 ka bulan.

Gi-abisohan ang ubang purok og barangay nga magpaabot sa ilang schedule aron mas hapsay ug organisado ang pagpangbakuna.

𝐃𝐄𝐀𝐃𝐋𝐈𝐍𝐄 𝐒𝐀 𝐏𝐀𝐆-𝐑𝐄𝐍𝐄𝐖 𝐒𝐀 𝐁𝐔𝐒𝐈𝐍𝐄𝐒𝐒 𝐏𝐄𝐑𝐌𝐈𝐓 𝐆𝐈-𝐄𝐗𝐓𝐄𝐍𝐃 𝐇𝐀𝐍𝐆𝐓𝐎𝐃 𝐏𝐄𝐁𝐑𝐄𝐑𝐎 20, 2026

Aprobado sa Konseho sa Iligan ang ordinansa nga nag-extend sa deadline para sa pag-renew sa business permit ug pagparehistro og bag-ong negosyo hangtod sa Pebrero 20, 2026.

Giduso ni Councilor Ramil Emborong, Chairperson sa Committee on Ways and Means, Franchise, Permits and Licenses, ang ordinansa, ug gisuportahan kini ni Councilor Marlene Young, Chairperson sa Committee on Trade, Commerce and Industry.

Tuyo niini nga mahatagan og dugang panahon ang mga taxpayers sa pag-comply nga dili na kinahanglan magbayad og interest, penalties, ug uban pang bayranan. Gi-aprubahan na kini sa ikatulo ug katapusang pagbasa.

Giklaro ni Konsehal Providencio Abragan Jr. nga alang lang sa business permit ang maong extention ug walay labot niini ang real estate tax ug ubang taxes.

𝐁𝐄𝐋𝐌𝐎𝐍𝐓𝐄, 𝐌𝐈𝐃𝐔𝐒𝐎 𝐎𝐆 𝐎𝐑𝐃𝐈𝐍𝐀𝐍𝐒𝐀 𝐍𝐆𝐀 𝐌𝐀𝐆𝐇𝐀𝐓𝐀𝐆 𝐓𝐀𝐗 𝐈𝐍𝐂𝐄𝐍𝐓𝐈𝐕𝐄 𝐒𝐀 𝐌𝐆𝐀 𝐌𝐎-𝐆𝐀𝐌𝐈𝐓 𝐎𝐆 𝐄𝐋𝐄𝐂𝐓𝐑𝐈𝐂 𝐕𝐄𝐇𝐈𝐂𝐋𝐄

isugdan na sa Konseho sa Iligan ang paghisgot sa ordinansa nga mag-localize sa Republic Act No. 11697, o ang Electric Vehicle Industry Development Act.

Gisugyot ni Councilor Vincenro King C. Belmonte, Chairperson sa Committee on Sports and Recreation, ang ordinansa nga nagtumong sa pagpalambo, pag-regulate, ug paghatag og insentibo sa paggamit sa mga electric vehicle (EV) sa Iligan.

Tinguha niini nga madasig ang mga nanag-iya og sakyanan nga mobalhin sa pag-gamit og electric vehicles.

Ang electric vehicle mga sakyanan nga dunay electric nga motor imbis makina nga gagamit og gasolina. I-charge kini sa charging station o balay. Mas maayo alang sa kinaiyahan ang pag-gamit niini tungod wala kiniy aso ug dili sab saba.

Gi-aprubahan ang unang pagbasa sa ordinansa.

A meaningful start to the week as we gathered for today’s Weekly Flag Ceremony

filled with fun, valuable information, health reminders, and updates that help us further strengthen our services for the people of Iligan.

Thank you to the City Accounting Office for hosting an engaging and informative program that reminds us that good governance also begins within—through teamwork, wellness, and shared commitment to public service.

Padayon ta sa pag-alagad nga matinud-anon ug may kasingkasing para sa katawhan sa Iligan. 💙

#FreddieSiao #MayorSiao #SerbisyongSiaoSerbisyongWow #MayorSiaoCares #AsensoIliganon

𝐓𝐈𝐍𝐀𝐆𝐎 𝐅𝐀𝐋𝐋𝐒 𝐆𝐈𝐏𝐋𝐀𝐍𝐎 𝐍𝐆𝐀 𝐇𝐈𝐌𝐔𝐎𝐍𝐆 𝐖𝐎𝐑𝐋𝐃-𝐂𝐋𝐀𝐒𝐒 𝐄𝐂𝐎-𝐓𝐎𝐔𝐑𝐈𝐒𝐌 𝐇𝐔𝐁

Gipangunahan ni Darwin J. Manubag, City Administrator, ang pag-inspeksyon sa Tinago Falls kagahapong adlawa, Enero 19, 2026. Subay kini sa plano ni Mayor Frederick W. Siao nga palamboon ang mga tourist destination sa Iligan.

Tumong niini nga masiguro nga ang Tinago Falls adunay modernong pasilidad ug malungtarong imprastraktura.

Kauban ang mga opisyal gikan sa City Tourism Office, EEDMO, ug Barangay Council sa Barangay Buru-un, gi-assess ang mga lugar nga kinahanglan ayohon, ilisan, ug dugangan aron maserbisyohan ang nagkadaghan nga mga bisita.

Plano nga butangan og Wi-Fi ang Tinago Falls, magtukod og food court, ayohon ang swimming pool, ug magtukod og bag-ong mga kasilyas.

Importante usab ang pagbutang og communication stations ug pagpalig-on sa mga safety railings aron masiguro ang kaluwasan sa mga turista.

Gawas sa imprastraktura, plano usab nga himuon ang Tinago nga venue para sa mga cultural exhibits ug landscape events nga magsaulog sa kultura sa Iligan.

Tumong sa City Government, ubos sa liderato ni Mayor Siao, nga mahimong world-class eco-tourism hub ang Tinago Falls.

[Enero 20, 2026 | Janice G. Magsayo]

Photo credit: Iligan City Administrator's Office FB Page

𝐕𝐀𝐍𝐈𝐓𝐄𝐀, 𝐊𝐈𝐍𝐆’𝐒 𝐏𝐈𝐙𝐙𝐀, 𝐃𝐔𝐆𝐀𝐍𝐆 𝐍𝐆𝐀 𝐇𝐀𝐋𝐀𝐋-𝐂𝐄𝐑𝐓𝐈𝐅𝐈𝐄𝐃 𝐍𝐆𝐀 𝐊𝐀𝐍-𝐀𝐍𝐀𝐍 𝐒𝐀 𝐈𝐋𝐈𝐆𝐀𝐍

Gidawat sa Vanitea Cafe ang Halal Company Certification gikan sa Fiqh and Halal Council of the Philippines, Inc., Enero 19, 2026.

Ang Vanitea ang ika-upat nga establisyamento sa Iligan nga Halal-Certified. Nagpasabot nga ang Vanitea walay Haram nga pagkaon, ingredients, ug nasunod ang Halal requirements sa Islamic Law uf World Halal Standards. Balido ang sertipikasyon hangtud tuig 2027. Ang Vanitea Cafe anaa sa 2nd Floor sa Pegalan Tailoring sa M. Obach St. sa Brgy. Poblacion, Iligan.

Sumala sa tag-iya nga si Rasmia M. Maca-agir, ang Halal dili lamang nagpasabot nga walay pork sa ilang pagkaon, apan nag siguro kini nga limpyo ang pagkaon gikan sa ingredients, preparasyon, ug bisan ang ilang mga gamit.

Gipangusgan ni Princess Almerah D. Lucman, ang Provincial Head sa National Commission on Muslim Filipinos (NCMF) Iligan City Field Office, nga ma-certify sab ang mga small ug medium enterprises. Alayon kini sa panlantaw ni Mayor Frederick Siao nga dunay halal options sa Iligan alang sa Muslim Community.

Dungan nga nahatagan og Halal Certification karung adlawa ang King’s Pizza atbang sa Robinson’s Mall.

Sumala ni Darwin Manubag, ang City Administrator, plano sa LGU nga maghimo og brochure sa tanang halal-certified nga mga kan-anan sa Iligan aron ma-promotar sa mga bisita sa Iligan.

Gipasalamatan ni Lucman si FIQH Aleem Shahani D. Mustapha, M.A, D. Hum, ang Presidente sa Fiqh and Halal Council of the Philippines kinsa nanguna sa pag-inspeksyon ug proseso sa pag-certify.

Mitambong sab sa paghatag og certification si DTI-Lanao del Norte Director Jane Tabuclin, Naz Mangoranda, ang Officer-in-Charge sa Office of the Muslim-Higaunon Cultural Center ug mga staff, ug Anita Cipriano sa Halal Council.

𝐌𝐀𝐘𝐎𝐑 𝐒𝐈𝐀𝐎 𝐍𝐀𝐍𝐆𝐀𝐘𝐎 𝐎𝐆 𝐒𝐏𝐄𝐂𝐈𝐀𝐋𝐈𝐙𝐄𝐃 𝐍𝐆𝐀 𝐇𝐎𝐒𝐏𝐈𝐓𝐀𝐋 𝐒𝐀 𝐃𝐎𝐇-𝟏𝟎

Gihangyo ni Mayor Frederick Siao ang Department of Health (DOH) Region 10, pinaagi sa mga representatante niini, nga hatagan ang Iligan og usa ka specialized hospital aron maminusan ang paghuot sa mga pasyente sa Gregorio T. Lluch Memorial Hospital (GTLMH).

Matud ni Mayor Siao nga limitado na ang luna sa GTLMH ug dili na kini mapadako pa. Tungod niini, mihangyo siya sa DOH nga kung mahimo, pahatagan ang siyudad og pondo alang sa usa ka bag-ong hospital pinaagi sa usa ka Republic Act ug sa Kongreso.

Nagpahibalo usab si Mayor Siao sa mga ginikanan nga adunay mga anak nga nag edad og unom ka bulan hangtod 5 ka tuig nga pabakunahan ang ilang mga anak batok sa tipdas (MR) alang sa ilang proteksyon.

Janice G. Magsayo

A warm New Year’s Call with BJMP Iligan

Jail Chief Inspector Carmelo Corsame and Jail Senior Inspector Krizza Jane Bermudo.

They shared their appreciation for the City Government’s continuous support, and more importantly, we talked about how strong coordination between our institutions directly affects the safety and peace of our communities.

Kung lig-on ang panaghiusa sa local government ug BJMP, mas luwas ang atong syudad, mas protektado ang katawhan, ug mas sigurado nga ang balaod ginatuman nga adunay pagrespeto sa dignidad sa tawo. Mao ni ang klase sa serbisyo nga dili kaayo makita, pero dako kaayo ug epekto sa adlaw-adlaw nga kinabuhi sa mga Iliganon.

Padayon ta sa panaghiusa ug suporta sa mga nag-alagad sa katawhan, kay ang kalinaw ug kahapsay sa syudad benepisyo sa tanan. 💙

Strengthening peace, order, and public safety remains a top priority of our administration.

Yesterday, we successfully convened the 1st Quarter Joint Meeting of the City Peace and Order Council (CPOC) and the City Anti-Drug Abuse Council (CADAC), bringing together our uniformed services, national agencies, barangays, and partner institutions.

We reviewed our crime situation, traffic and road safety measures, anti-illegal drugs programs, and insurgency concerns, and more importantly, agreed on concrete actions moving forward— from stricter traffic management and speed limit enforcement, to sustained campaigns against illegal drugs, firearms, and criminality.

💬 Ang tumong ani nga panagtigum dili lang para sa reports, kundili para masiguro nga ang matag Iliganon makabati og safety sa ilang adlaw-adlaw nga kinabuhi—sa dalan, sa barangay, ug sa ilang panimalay.

I am proud to share that Iligan continues to show improving peace and order indicators and strong inter-agency cooperation. These efforts translate to safer streets, protected communities, and a more secure environment for our families, businesses, and visitors.

Padayon ta sa panaghiusa ug kooperasyon. Peace and order is a shared responsibility, and together, we will keep Iligan safe, disciplined, and moving forward. 💙

#SaferIligan

#PeaceAndOrder

#PublicSafety

#CPOC

#CADAC

#SerbisyongSiaoSerbisyongWow #FreddieSiao #MayorSiao #MayorSiaoCares #AsensoIliganon

DAISY MIRASOL, BAG-ONG KAGAWAD SA BARANGAY TIBANGA

Pormal nato nga gi-appoint si Ms. Daisy O. Mirasol isip Barangay Kagawad sa Barangay Tibanga, subay sa Barangay Resolution No. 004, Series of 2026, ug sumala sa Local Government Code of 1991.

Kini nga appointment resulta sa rekomendasyon sa Sangguniang Barangay sa Tibanga, nga nagpakita sa ilang pagsalig sa kapasidad ni Kagawad Mirasol sa pag-alagad sa katawhan. Importante kaayo nga mapuno ang mga bakanteng posisyon aron mapadayon ang hapsay nga pangdumala ug mas mapaligon ang paghatod sa serbisyo sa barangay.

Ginalauman ug gisaligan nato nga matuman ni Kagawad Mirasol ang iyang mga responsibilidad uban ang integridad, disiplina, ug tinuod nga kadasig sa pagserbisyo sa iyang mga ka-barangay.

Padayon ta sa pagtinabangay alang sa malinawon, lig-on, ug progresibong Barangay Tibanga. Alang sa katawhan, kanunay. Padayon, Asenso Iliganon!

#BarangayTibanga #FreddieSiao #MayorSiao #SerbisyongSiaoSerbisyongWow

#IliganCity #AsensoIliganon

LOOK | Empowering the Voice of the Youth 🎙️

Malipayon kong gidawat kagahapon ang Grade 12 Alexandrite students of ICNHS nga mibisita sa City Hall para sa ilang interview alang sa ICNHS Spotlight. Makapadasig kaayo makita nga ang atong kabatan-onan aktibong interesado sa leadership, governance, ug public service.

📢 Abangan nato ang ilang live podcast:

“Mula sa Pangarap hanggang Serbisyo”

📅 January 16, 2026

⏰ 3:00 PM

📍 LIVE via RADiO City High

This meaningful conversation will highlight leadership beyond position—service, accountability, ug malasakit sa katawhan.

Padayon ta sa pagpalig-on sa tingog sa kabatan-onan. Atangi ug paminawa! Padayon, Asenso Iliganon! 💙

#FreddieSiao #MayorSiao #SerbisyongSiaoSerbisyongWow #AsensoIliganon

𝐖𝐀𝐋𝐀𝐘 𝐏𝐀𝐆𝐓𝐀𝐀𝐒 𝐒𝐀 𝐁𝐔𝐒𝐈𝐍𝐄𝐒𝐒 𝐓𝐀𝐗 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 – 𝐂𝐈𝐓𝐘 𝐓𝐑𝐄𝐀𝐒𝐔𝐑𝐄𝐑

Gipahibalo ni City Treasurer Atty. Laurentino P. Badelles, CPA, MDM nga walay pagtaas sa business tax rates sa Iligan City para sa 2026 business permit renewal. Giklaro niya nga ang City Government nagpadayon sa pag-implementar sa 2010 Iligan City Revenue Code.

Kung adunay pagbag-o sa total nga bayranan, kini tungod sa Declared Gross Sales, diin ang business tax gi-base sa porsyento sa gross sales/receipts nga gideklarar sa taxpayer sa miaging tuig, o sa Regulatory Fees, nga naglakip sa sanitary permits, barangay clearances, ug garbage fees.

Ang City Treasurer’s Office, pinaagi sa Business Tax Fees Division (BTFD), nagpahigayon og business tax mapping kada tuig aron masiguro nga saktong narehistro, naklasipikar, ug nabayran ang mga negosyo. Kung walay mapresentar nga financial statements, ang City Treasurer’s Office adunay katungod nga magbase sa Presumptive Income Levels sa pag-assess sa business tax.

Giawhag ni Atty. Badelles ang mga negosyante nga mobisita sa City Treasurer's Office kung adunay mga pangutana o reklamo bahin sa ilang assessment.

𝐃𝐏𝐖𝐇 𝐆𝐈𝐀𝐖𝐇𝐀𝐆 𝐒𝐀 𝐏𝐀𝐆-𝐀𝐘𝐎 𝐒𝐀 𝐃𝐈𝐕𝐄𝐑𝐒𝐈𝐎𝐍 𝐑𝐎𝐀𝐃 𝐓𝐔𝐍𝐆𝐎𝐃 𝐒𝐀 𝐁𝐀𝐇𝐀

Giawhag sa Sangguniang Panlungsod ang Department of Public Works and Highways (DPWH) nga unahon ang pag-ayo sa mga dapit sa Iligan City Diversion Road (kabahin sa Iligan City Circumferential Road-3 or C3) nga kanunay bahaan.

Kini agi'g tubag sa report, evaluation, findings, ug recommendations sa City Planning and Development Office (CPDO). Tumong sa resolusyon nga mapanalipdan ang publiko ug suportahan ang Iligan Development Goal 12: "Ang Solusyon Sa Drainage ug Baha."

Ang resolusyon giduso ni Councilor Thomas Derrick P. Siao, Committee Chairperson sa Public Works and Infrastructure, ug giaprobahan kini sa konseho.

Janice G. Magsayo

𝐔𝐍𝐃𝐄𝐑𝐆𝐑𝐎𝐔𝐍𝐃 𝐂𝐀𝐁𝐋𝐈𝐍𝐆 𝐏𝐑𝐎𝐆𝐑𝐀𝐌 𝐒𝐀 𝐈𝐋𝐈𝐆𝐀𝐍, 𝐔𝐒𝐀 𝐍𝐀 𝐊𝐀 𝐁𝐀𝐋𝐀𝐎𝐃

Gi-aprobahan na sa ikatulo ug katapusang pagbasa ang ordinansa nga mag-institutionalize sa Underground Cabling Program sa Iligan City.

Kini nagpasabot nga anam-anam nang ilubong ang mga kable sa kuryente ug komunikasyon sa siyudad. Ang pilot area magsugod gikan sa Old Gaisano Mall paingon sa kanhi Senator Tomas LL. Cabili Statue sa Barangay Poblacion.

Gimandoan ang tanang cable ug utility companies nga motuman sa ordinansa ug makig-coordinate sa mga ahensya sa gobyerno. Adunay multa o silot sa mga dili motuman.

Giduso kini nga ordinansa ni Konsehal Marlene L. Young kinsa Committee Chairperson sa Energy sa 19th Council.

Janice G. Magsayo

𝐀𝐆𝐑𝐈𝐂𝐔𝐋𝐓𝐔𝐑𝐄 𝐒𝐓𝐔𝐃𝐄𝐍𝐓𝐒 𝐒𝐀 𝐌𝐒𝐔 𝐌𝐀𝐑𝐀𝐖𝐈, 𝐆𝐀-𝐅𝐈𝐄𝐋𝐃 𝐄𝐗𝐏𝐎𝐒𝐔𝐑𝐄 𝐕𝐈𝐒𝐈𝐓 𝐒𝐀 𝐒𝐋𝐀𝐔𝐆𝐇𝐓𝐄𝐑𝐇𝐎𝐔𝐒𝐄 𝐒𝐀 𝐈𝐋𝐈𝐆𝐀𝐍

Mibisita ang 70 ka estudyante sa agrikultura ug usa ka faculty member gikan sa Mindanao State University–Main Campus, Marawi City, sa Iligan City Slaughterhouse.

Kabahin kini sa ilang kurso nga ANS 003 – Slaughter Processes and Marketing of Farm Animals.

Gitudluan ang mga estudyante sa aktuwal nga operasyon sa slaughterhouse, gikan sa pagdawat sa hayop, inspeksyon sa buhi pa, pag-ihaw, inspeksyon sa karne, ug pagmarka sa karne nga angay kan-on. Gipahinumdoman usab sila sa importansya sa animal welfare, food safety, ug sanitation.

Gipasabot ni Engr. Loina M. Romanillos, ang Division Head sa Slaughterhouse, nga ang Iligan City Slaughterhouse adunay Double “AA” accreditation sa National Meat Inspection Service (NMIS). Ang field exposure visit naghatag sa mga estudyante og kahibalo bahin sa meat processing ug inspection.

�𝐀𝐋𝐀𝐔𝐃𝐍𝐎𝐍 𝐒𝐀 𝐏𝐀𝐆𝐇𝐀𝐓𝐀𝐆 𝐎𝐆 𝐈𝐍𝐒𝐄𝐍𝐓𝐈𝐁𝐎 𝐒𝐀 𝐌𝐆𝐀 𝐑𝐄𝐓𝐈𝐑𝐀𝐃𝐎𝐍𝐆 𝐄𝐌𝐏𝐋𝐄𝐘𝐀𝐃𝐎 𝐒𝐀 𝐈𝐋𝐈𝐆𝐀𝐍, 𝐏𝐀𝐒𝐀𝐃𝐎 𝐒𝐀 𝐔𝐍𝐀𝐍𝐆 𝐏𝐀𝐆𝐁𝐀𝐒𝐀

Giaprobahan sa unang pagbasa ang proposed ordinance nga maghatag og Service Incentive Award ngadto sa mga retiradong empleyado sa LGU Iligan .

Ubos sa proposed ordinance, makadawat og P5,000 ang mga compulsory retirees ug P4,000 matag tuig ang mga optional retirees. Kini retroactive sugod niadtong Enero 2025.

Ang proposed ordinance gipangamahanan ni Councilor Providencio A. Abragan, Jr., Committee Chairperson sa Senior Citizens and Veteran Affairs.

Janice G. Magsayo

We would like to hear from you

Send us your feedback, comments and suggestions to help improve our services

Iligan City

What's Happening

One City. One Voice. One Iligan. 💙

𝐋𝐆𝐔 𝐈𝐋𝐈𝐆𝐀𝐍 𝐌𝐈𝐏𝐀𝐇𝐈𝐆𝐀𝐘𝐎𝐍 𝐎𝐆 𝐏𝐑𝐄-𝐖𝐎𝐑𝐊𝐒𝐇𝐎𝐏 𝐀𝐋𝐀𝐍𝐆 𝐒𝐀 𝐂𝐃𝐏

�𝐔𝐒𝐈𝐍𝐄𝐒𝐒 𝐏𝐄𝐑𝐌𝐈𝐓 𝐑𝐄𝐍𝐄𝐖𝐀𝐋 & 𝐍𝐄𝐖 𝐁𝐔𝐒𝐈𝐍𝐄𝐒𝐒 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐄𝐗𝐓𝐄𝐍𝐃𝐄𝐃 𝐔𝐍𝐓𝐈𝐋 𝐅𝐄𝐁𝐑𝐔𝐀𝐑𝐘 𝟐𝟎, 𝟐𝟎𝟐𝟔

𝐍𝐀𝐆𝐏𝐀𝐃𝐀𝐘𝐎𝐍 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐀𝐍𝐆 𝐏𝐀𝐆𝐏𝐀𝐍𝐆 𝐁𝐀𝐊𝐔𝐍𝐀 𝐊𝐎𝐍𝐓𝐑𝐀 𝐌𝐄𝐀𝐒𝐋𝐄𝐒 𝐔𝐆 𝐑𝐔𝐁𝐄𝐋𝐋𝐀

𝐃𝐄𝐀𝐃𝐋𝐈𝐍𝐄 𝐒𝐀 𝐏𝐀𝐆-𝐑𝐄𝐍𝐄𝐖 𝐒𝐀 𝐁𝐔𝐒𝐈𝐍𝐄𝐒𝐒 𝐏𝐄𝐑𝐌𝐈𝐓 𝐆𝐈-𝐄𝐗𝐓𝐄𝐍𝐃 𝐇𝐀𝐍𝐆𝐓𝐎𝐃 𝐏𝐄𝐁𝐑𝐄𝐑𝐎 20, 2026

A meaningful start to the week as we gathered for today’s Weekly Flag Ceremony

𝐓𝐈𝐍𝐀𝐆𝐎 𝐅𝐀𝐋𝐋𝐒 𝐆𝐈𝐏𝐋𝐀𝐍𝐎 𝐍𝐆𝐀 𝐇𝐈𝐌𝐔𝐎𝐍𝐆 𝐖𝐎𝐑𝐋𝐃-𝐂𝐋𝐀𝐒𝐒 𝐄𝐂𝐎-𝐓𝐎𝐔𝐑𝐈𝐒𝐌 𝐇𝐔𝐁

𝐕𝐀𝐍𝐈𝐓𝐄𝐀, 𝐊𝐈𝐍𝐆’𝐒 𝐏𝐈𝐙𝐙𝐀, 𝐃𝐔𝐆𝐀𝐍𝐆 𝐍𝐆𝐀 𝐇𝐀𝐋𝐀𝐋-𝐂𝐄𝐑𝐓𝐈𝐅𝐈𝐄𝐃 𝐍𝐆𝐀 𝐊𝐀𝐍-𝐀𝐍𝐀𝐍 𝐒𝐀 𝐈𝐋𝐈𝐆𝐀𝐍

𝐌𝐀𝐘𝐎𝐑 𝐒𝐈𝐀𝐎 𝐍𝐀𝐍𝐆𝐀𝐘𝐎 𝐎𝐆 𝐒𝐏𝐄𝐂𝐈𝐀𝐋𝐈𝐙𝐄𝐃 𝐍𝐆𝐀 𝐇𝐎𝐒𝐏𝐈𝐓𝐀𝐋 𝐒𝐀 𝐃𝐎𝐇-𝟏𝟎

A warm New Year’s Call with BJMP Iligan

Strengthening peace, order, and public safety remains a top priority of our administration.

DAISY MIRASOL, BAG-ONG KAGAWAD SA BARANGAY TIBANGA

LOOK | Empowering the Voice of the Youth 🎙️

𝐖𝐀𝐋𝐀𝐘 𝐏𝐀𝐆𝐓𝐀𝐀𝐒 𝐒𝐀 𝐁𝐔𝐒𝐈𝐍𝐄𝐒𝐒 𝐓𝐀𝐗 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 – 𝐂𝐈𝐓𝐘 𝐓𝐑𝐄𝐀𝐒𝐔𝐑𝐄𝐑

𝐃𝐏𝐖𝐇 𝐆𝐈𝐀𝐖𝐇𝐀𝐆 𝐒𝐀 𝐏𝐀𝐆-𝐀𝐘𝐎 𝐒𝐀 𝐃𝐈𝐕𝐄𝐑𝐒𝐈𝐎𝐍 𝐑𝐎𝐀𝐃 𝐓𝐔𝐍𝐆𝐎𝐃 𝐒𝐀 𝐁𝐀𝐇𝐀

𝐔𝐍𝐃𝐄𝐑𝐆𝐑𝐎𝐔𝐍𝐃 𝐂𝐀𝐁𝐋𝐈𝐍𝐆 𝐏𝐑𝐎𝐆𝐑𝐀𝐌 𝐒𝐀 𝐈𝐋𝐈𝐆𝐀𝐍, 𝐔𝐒𝐀 𝐍𝐀 𝐊𝐀 𝐁𝐀𝐋𝐀𝐎𝐃