News

SUPPORTING ILIGAN’S YOUNG CHAMPIONS | TIGERS FOOTBALL CLUB ⚽️

Today, I had the joy of meeting some of Iligan’s youngest football players — the kids of Tigers Football Club, many of whom are just 12 years under, and some bag-o lang nag-Grade 1! 🥹

Makita gyud nimo ilang kadasig ug kalipay. These young Iliganons remind us that talent and passion start early — and when we nurture their dreams, we’re really investing in a brighter, more disciplined, and more united future for our city. 💪

As they gear up for the First Tigers FC Football Festival karong November 22–23 sa Ludo Field, Bayug, Hinaplanon, our city proudly stands behind them — uban ang suporta sa ilang mga ginikanan, coaches, ug atong komunidad.

Padayon mga batang Iliganon! May your love for football continue to grow, and may your teamwork and sportsmanship inspire others to chase their goals — on and off the field.

Padayon, Asenso Iliganon!

#TigersFootballClub

#BatangIliganon

#IliganForTheYouth

#MayorFreddieSiao #MayorSiao

#TeamIligan #FreddieSiao #AsensoIliganon

𝐈𝐋𝐈𝐆𝐀𝐍, 𝐍𝐀𝐆-𝐈𝐍𝐔𝐒𝐀𝐑𝐀𝐍𝐆 𝐒𝐘𝐔𝐃𝐀𝐃 𝐒𝐀 𝐑𝐄𝐇𝐈𝐘𝐎𝐍 𝐍𝐆𝐀 𝐍𝐀𝐊𝐀𝐃𝐀𝐖𝐀𝐓 𝐎𝐅 𝐆𝐑𝐄𝐄𝐍 𝐁𝐀𝐍𝐍𝐄𝐑 𝐎𝐅 𝐂𝐎𝐌𝐏𝐋𝐈𝐀𝐍𝐂𝐄

Gipresentar atol sa flag ceremony ang ang Green Banner Seal of Compliance (GBSC) nga nadawat sa LGU sa 2025 Regional Nutrition Awarding Ceremony.

Unang higayon nga nakadawat ang LGU-Iligan sa maong award. Karung tuiga, nag-inusara sab ang Iligan nga siyudad sa Rehiyon 10 nga nakadawat niini.

Gawas pa sa GBSC, ika-6 nga pwesto sab sa Regional Nutrition Webby Awards Year 6 ang LGU-Iligan. Samtang ang Barangay Nutrition Scholar nga si Gemma Abu gikan sa Barangay Tipanoy nahimong Finalist sa 2024 Regional Outstanding Barangay Nutrition Scholar.

Sumala ni Verne Padilla, Chief of Staff, ang mga pasidungog nga nadawat sa City Health Office pinaagi sa City Nutrition Committee nagpakita nga epektibo ang pagpatuman sa City Nutrition Action Plan 2024, uban sa paningkamot sa mga miyembro nga departamento ug opisina sa lokal nga kagamhanan nga kabahin sa City Nutrition Committee.

Si Padilla ang midawat sa award isip representante ni Mayor Frederick Siao. Kauban niya si Dr. Glenn Manarpaac kinsa ang City Health Officer, ug Camilla Albao, ang Coordinator sa City Nutrition Committee, didto sa Cagayan de Oro City niadtong Nobyembre 6, 2025.

Janice G. Magsayo

𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐆𝐈𝐏𝐀𝐇𝐈𝐆𝐀𝐘𝐎𝐍 𝐀𝐋𝐀𝐍𝐆 𝐒𝐀 𝐒𝐔𝐆𝐘𝐎𝐓 𝐍𝐆𝐀 𝐎𝐑𝐃𝐈𝐍𝐀𝐍𝐒𝐀 𝐏𝐀𝐆𝐏𝐀𝐋𝐈𝐆-𝐎𝐍 𝐒𝐀 𝐏𝐀𝐆𝐃𝐔𝐌𝐀𝐋𝐀 𝐒𝐀 𝐌𝐆𝐀 𝐏𝐀𝐌𝐏𝐔𝐁𝐋𝐈𝐊𝐎𝐍𝐆 𝐌𝐄𝐑𝐊𝐀𝐃𝐎

Gipahigayon kaganina, Nobiyembre 10, 2025 ang public hearing kabahin sa sugyot nga ordinansa nga Supervision and Control of Public Market ni Councilor Bernard Pacaña, ang Committee Chairperson on Economic Enterprise.

Sa hearing, gihisgutan ang mga restrictions ug prohibitions nga ipatuman sasa Palao Market, Tambo Market, ug Central Market sama sa pagtulog sulod sa merkado, pag-inom ug ilimnon makahubog, pagbitbit ug pagpuyo sa mga langyaw nga hayop (stray animals), panigarilyo gawas sa gi-designate nga smoking area ug pagluto, gawas lamang sa mga karenderya section.

Gihisgutan usab ang plano pag-adopt sa e-wallet payment system gamit ang PayMaya, GCash ug uban pa aron mas mapadali ug luwas nga transaksiyon sa merkado.

Tinguha niini nga mapalambo ang kalimpyo, seguridad, ug kahapsay sa operasyon sa mga pampublikong merkado sa dakbayan.

Gipadayag sa Economic Enterprise Development and Management Office (EEDMO) nga padayon silang mangolekta ug suhestiyon gikan sa mga vendors ug katawhan aron mas mapaayo pa ang mga polisiya nga ipatuman sa merkado.

Samiera Darimbang, Rosemarie Perez

𝐈𝐂𝐀𝐃𝐀𝐂 𝐍𝐀𝐍𝐆𝐀𝐍𝐃𝐀𝐌 𝐒𝐀 𝐒𝐄𝐋𝐄𝐁𝐑𝐀𝐒𝐘𝐎𝐍 𝐒𝐀 𝐃𝐀𝐏𝐂 𝐖𝐄𝐄𝐊

Giandam na Iligan City Anti-Drug Abuse Council (CADAO) ang tinuig nga selebrasyon sa Drug Abuse Prevention and Control (DAPC) Week 2025 nga ipahigayon sa

Nobyembre 17–22, 2025. Kini isip kampanya batok sa iligal nga droga. Karong tuiga duna kini tema nga “Sa Bagong Pilipinas, Kalusugan ay Pinapahalagahan, Droga ay Inaayawan.”

Mitambong sa meeting ang Iligan City Police Office, Bureau of Jail Management and Penology, Gender and Development, ug uban pang ahensiya sa lokal nga gobyerno.

Ang kalihukan ilunsad sa Nobiyembre 17, 2025 sa Anahaw Amphitheater ug sundan kini pinaagi sa motorcade nga maglibot sa mga nag-unang dalan sa syudad. Aduna sab press conference, drug symposium sa mga eskwelahan, mangrove tree planting, Kapehan sa DAPC diin himoon ang mga diskusyon nga may kalabutan sa mga programa sa anti-illegal drug sa Iligan.

Aduna sab laro ng lahi sa mga Person Deprived of Liberty , apil sab ang graduation sa mga Persons Who Uses Drugs sa ilang Community-Based Drug Rehabilitation Program ug uban pa.

Ang selebrasyon tapuson pinaagi sa Zumba Apocalypse sa City Public Plaza diin himoon sab ang awarding sa sa mga mananaug sa kompetisyon.

Ang konseho sa lungsod nagpadayon sa pagpalig-on sa mga programa kontra droga aron malikayan kini ug mapadayon ang kahimsog ug kahapsay sa Iligan City.

Marvie Ferolino]

𝐏𝐀𝐒𝐊𝐔𝐇𝐀𝐍 𝐅𝐄𝐒𝐓𝐈𝐕𝐀𝐋 𝐒𝐀 𝐈𝐋𝐈𝐆𝐀𝐍 𝟐𝟎𝟐𝟓 𝐁𝐔𝐊𝐒𝐀𝐍 𝐒𝐀 𝐃𝐈𝐒𝐘𝐄𝐌𝐁𝐑𝐄 𝟏, 𝐃𝐄𝐂𝐄𝐌𝐁𝐄𝐑 𝐀𝐕𝐄𝐍𝐔𝐄 𝐌𝐎𝐏𝐀𝐒𝐔𝐍𝐃𝐀𝐘𝐀𝐆

Buksan sa Disyembre 1, 2025 ang Paskuhan Festival sa Iligan nga ang City Hall Complex, diin itukod ang Christmas Village. Tema karung tuiga ang Candy Wonderland.

Atol sa paglusad sa Paskuhan Festival 2025, adunay Parade of Stars o Disney Princesses sa matag departamento sa LGU Iligan. Ang banda sab nga December Avenue maoy mopasundayag isip main performer.

Pasigahan ang mga overpass, tulay, ug mga public places sama sa Esplanade, Wet Park, Rotonda, ug City Public Plaza, diin makita usab ang higanteng Christmas Tree.

Magbutang usab og women's bazaar sa ubos nga bahin sa City Hall nga adunay mga stalls gikan sa mga lokal nga negosyante.

Ang Paskuhan sa Iligan 2025 gipasiugdahan sa Technical Working Group nga gipamunoan ni Jules Verne Padilla isip Chairman ug Atty. Laurentino Badelles isip Vice Chairman, kauban ang mga opisina ug departamento sa LGU Iligan.

Janice G. Magsayo

𝐃𝐑𝐔𝐆 𝐀𝐁𝐔𝐒𝐄 𝐏𝐑𝐄𝐕𝐄𝐍𝐓𝐈𝐎𝐍 𝐀𝐍𝐃 𝐂𝐎𝐍𝐓𝐑𝐎𝐋 𝐖𝐄𝐄𝐊 2025

𝐍𝐨𝐛𝐲𝐞𝐦𝐛𝐫𝐞 16–22, 2025

𝐓𝐡𝐞𝐦𝐞: “Sa Bagong Pilipinas, Kalusugan ay Pinapahalagahan, Droga ay Inayawan”

Sa Bagong Pilipinas, padayon ang adbokasiya para sa mas himsog, produktibo, ug drug-free nga komunidad!

Kauban ang City Government of Iligan pinaagi sa Office of the City Anti-Drug Abuse Council sa pagpakabana ug pagpasiugda sa Drug Abuse Prevention and Control Week — usa ka semana sa edukasyon, kooperasyon, ug aksyon kontra sa iligal nga droga.

Magtinabangay ta, Iliganons! Ang kalampusan sa atong dakbayan nagsugod sa atong panaghiusa ug suporta sa mga inisyatiba alang sa drug-free nga Iligan!

Padayon, Asenso Iliganon!

#DrugAbusePreventionAndControlWeek2025

#BagongPilipinas

#IliganKontraDroga

#LGUILIGAN

#healthyiligan

𝐋𝐈𝐕𝐄𝐋𝐈𝐇𝐎𝐎𝐃 𝐀𝐒𝐒𝐈𝐒𝐓𝐀𝐍𝐂𝐄 𝐆𝐈𝐓𝐔𝐑𝐍 𝐎𝐕𝐄𝐑 𝐒𝐀 𝐂𝐃𝐋𝐎 𝐍𝐆𝐀𝐃𝐓𝐎 𝐒𝐀 𝐋𝐀𝐌𝐁𝐀𝐆 𝐅𝐀𝐑𝐌𝐄𝐑𝐒, 𝐋𝐔𝐀𝐋𝐇𝐀𝐓𝐈 𝐕𝐈𝐋𝐋𝐀𝐆𝐄 𝐇𝐎𝐌𝐄𝐎𝐖𝐍𝐄𝐑𝐒 𝐀𝐒𝐒𝐎𝐂𝐈𝐀𝐓𝐈𝐎𝐍

Giturn-over sa Cooperative Development and Livelihood Office ug City Agriculturist Office ang livelihood support ngadto sa Lambag Farmers Association sa Barangay San Roque ug Lualhati Village Homeowners sa Barangay Suarez 'ning bag-o lang.

Ang livelihood support ubos sa Programa sa Panginabuhian Para sa Pagkaon ug Pagpalambo sa Pamilya kon 6Ps Program. Diin duna kini bugas, sardinas, noddles ug uban nga pwede

Lakang kini isip abag sa komunidad pinaagi sa paghatag og livelihood projects. Subay kini sa Iligan Development Goals ni Mayor Frederick Siao ang pagpakigbisog batok kapobrehon.

�𝐓𝐇 𝐐𝐔𝐀𝐑𝐓𝐄𝐑 𝐌𝐄𝐄𝐓𝐈𝐍𝐆 𝐒𝐀 𝐒𝐊 𝐑𝐄𝐆𝐈𝐎𝐍𝐀𝐋 𝐓𝐀𝐒𝐊 𝐅𝐎𝐑𝐂𝐄 𝐏𝐘𝐃𝐏 𝐑𝐄𝐆𝐈𝐎𝐍𝐀𝐋 𝐈𝐍𝐓𝐄𝐑-𝐀𝐆𝐄𝐍𝐂𝐘 𝐂𝐎𝐌𝐌𝐈𝐓𝐓𝐄𝐄, 𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐈𝐋𝐈𝐆𝐀𝐍

Nangandam na ang Iligan City Youth Development Office alang sa ipahigayon nga 4th Quarter Meeting sa SK Regional Task Force Philippine Youth Development Plan Inter- Agency Committee dinhi sa Nobiyembre 20 -21, 2025.

Diin lauman ang mga bisita nga mga SK Federated Officers sa tibook Region 10 ug gikan sa lain-laing ahensya sa gobyerno.

Lakip sa nahisgutan ang himoon nga site visit sa mga bisita sa Maria Christina Fall ug Tinago Falls dinhi. Sumal ni Nore Fe Escorial, head sa ICYDO, nga ipahigayon sab ang Nation Youth Commission Region 10 Awards Ceremony para sa 2025.

PADAYON SA PABALAY: LGU ILIGAN GIVING ITS ALL FOR SENDONG SURVIVORS!

13 years na ang milabay sukad sa trahedya sa Bagyong Sendong, apan hangtod karon, buhi gihapon ang atong tinguha nga matagaan og kaugalingong, luwas, ug disenting balay ang mga apektadong pamilya.

Pinaagi sa Core Shelter Assistance Program (CSAP), padayon ang atong paningkamot aron matuman ang dugay nang damgo sa mga Sendong survivors.

✅ Mandulog (Kapuso Village Phase 1): 80 houses completed out of 100

🏗️ Upper Hinaplanon: 100 units ongoing construction

📑 Kalubihon: 280 units already bid out, ready for construction

📦 Remaining 382 units: for bidding this year to fast-track completion by next year

Sa pagkakaron, ang CSAP project extension valid lamang hangtod Disyembre 31, 2025, apan mangayo kita og dugang usa ka tuig nga extension aron masiguro nga tanan nga housing units mahuman ug ma-turn over.

Ang nahabiling CSAP budget nga ₱166 million base pa sa 2010 computation nga ₱163,000 kada balay, nga dili na igo sa kasamtangang presyo sa materyales ug labor.

Busa ang LGU Iligan naghatag og counterpart nga ₱94 million (gawas pa sa clearing expenses) aron masiguro nga magpadayon ug mahuman kini nga proyekto. Ug aron mapadayon kini nga mga tinguha, kinahanglan pa kita mangita og dugang na ₱108 million para niini nga project.

Tungod sa atong interbensyon ug counterpart support, ang tinuod nga gasto per unit karon halos ₱400,000 kada balay — usa ka timaan sa atong tinud-anay nga dedikasyon aron mahatagan og tarong nga puloy-anan ang atong mga kaigsuonan.

💬 Bisan lisod ug dugay, atong gipaningkamotan nga mahimong realidad ang kini nga proyekto kay kini mao ang hustisya ug paglaom nga ilang gihulat sukad pa sa Sendong.

Kini dili lang mga balay — kini mga simbolo sa paglaom, kabag-ohan, ug pagbarug pag-usab sa Iliganon spirit.

Padayon sa serbisyo, padayon sa paglaom, padayon — Asenso Iliganon! 💙

#MayorSiao #FreddieSiao #SerbisyongSiaoSerbisyongWow

#AsensoIliganon #CSAP #BagyongSendong #HousingForAll

#IliganCity #BuildingHope

Empowering Iligan’s Youth: Turning Local Talent into Global Champions!

Dako kaayo akong kalipay nga ma-acknowledge nato ang MSU-IIT Mechatronics Team, fresh from winning bronze sa WorldSkills Competition sa Manila! 🏅👏

Before pa ni, they already brought home gold from Malaysia — a clear sign nga ang mga Iliganon, kung tagaan lang og oportunidad ug suporta, kayang makigkompetensya sa kalibutan. 🌏💪

Pagbisita nila sa City Hall, nakita gyud nako ilang dedikasyon, teamwork, ug disiplina — mga values nga gusto nato ipasa sa atong kabatan-onan. Mao ni ang klase nga inspirasyon nga gusto nato makita sa Iligan: mga batan-on nga mangandoy, molihok, ug mulampos. 🙌

As they prepare to represent the Philippines in the WorldSkills Asia 2025 sa Taipei, nagpasalig ko nga ang City Government of Iligan magpadayon sa pagtabang ug pag-suporta sa mga programa nga motukod og skills, trabaho, ug kaugmaon para sa atong mga kabataan.

Kay kung ang atong mga batan-on molampos, molampos pud ang Iligan. 💙

Congratulations MSU-IIT Mechatronics Team, TESDA Region X, ug sa inyong mga coaches — salamat sa pagdala sa ngalan sa Iligan nga puno sa garbo ug inspirasyon. 🇵🇭

Padayon, Team Iligan! Padayon, Asenso Iliganon!

#ProudlyIliganon

#WorldSkillsAsia2025

#MSUIIT

#TESDANorthMinForTheWIN

#BagongPilipinas

#FreddieSiao

#MayorSiao

#SerbisyongSiaoSerbisyongWow #AsensoIliganon

𝐂𝐈𝐓𝐘 𝐕𝐄𝐓 𝐌𝐎𝐏𝐀𝐇𝐈𝐆𝐀𝐘𝐎𝐍 𝐎𝐆 𝐓𝐔𝐋𝐎 𝐊𝐀 𝐀𝐃𝐋𝐀𝐖 𝐍𝐆𝐀 𝐌𝐀𝐒𝐒 𝐑𝐀𝐁𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍 𝐒𝐀 𝐇𝐀𝐘𝐎𝐏 𝐒𝐀 𝐁𝐀𝐑𝐀𝐍𝐆𝐀𝐘 𝐃𝐀𝐋𝐈𝐏𝐔𝐆𝐀

Magsugod sa alas-9:00 sa buntag hangtud alas-3:00 sa hapon ang pagpang bakuna sa hayop nga iring ug iro sa Barangay Dalipuga. Ipahigayon kini sa Nobiyembre 11, 12 ug 13, 2025.

Libre ang bakuna, kinahanglan lang nga naa sa tulo ka bulan pataas ang binuhi, himsog ug walay sakit, mahimo sab nga dal-on ang pet records kung aduna.

Aghat sa City Vet sa mga pet owners nga gusto magpa bakuna nga mahimong mo-coordinate sa Barangay Officials alang sa insakto nga vaccination area.

Importante ang pagbakuna sa hayop aron malikayan ang risgo sa rabies ug maprotektahan ang pamilya, ang binuhi ug ang komunidad.

https://www.facebook.com/share/p/1CYiLuqczw/

𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 𝐍𝐀𝐓𝐈𝐎𝐍𝐀𝐋 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐏𝐑𝐎𝐆𝐑𝐀𝐌, 𝐆𝐈𝐏𝐀𝐇𝐈𝐆𝐀𝐘𝐎𝐍

Gipahigayon ang Public Hearing alang sa pag-institutionalize sa National Immunization Program (NIP) sa Iligan City.

Gipangamahanan ni Konsehal Simplicio Larrazabal III, Committee Chairperson sa Health and Sanitation. Ang ordinansa nga nagtumong sa paghatag og libreng bakuna sa mga residente aron maprotektahan batok sa mga sakit nga mapugngan pinaagi sa bakuna.

Sumala ni Dr. Charles Marquez sa City Health Office, usa kini sa mga kinahanglanon alang sa Universal Health Care Act aron mapalig-on ang responsibilidad sa Lokal nga Kagamhanan sa pagsiguro nga ang tanan maka-access sa dekalidad ug barato nga serbisyong panglawas.

Ang City Health Office (CHO) kauban ang Department of Health (DOH) maoy mangulo sa pagpatuman sa NIP, nga nagsiguro nga dunay igong bakuna, proper storage, ug tukmang pagdumala niini.

Nakalatag sa ordinansa ang mga silot sa mga ginikanan nga mobalibad sa pagpa-immunize sa ilang mga anak nga walay balido nga medical o religious exemption nga giila sa DOH.

Ang LGU Iligan maoy maggahin sa pondo sa ilang tinuig nga budget alang sa operational needs sa NIP.

Janice G. Magsayo

𝐖𝐡𝐲 𝐃𝐨 𝐖𝐞 𝐍𝐞𝐞𝐝 𝐚 𝐁𝐮𝐢𝐥𝐝𝐢𝐧𝐠 𝐏𝐞𝐫𝐦𝐢𝐭?

Building Permit = Safe, Compliant, and Legal Construction

Securing a building permit ensures that all construction activities comply with national and local safety standards. This protects the public, safeguards property, and promotes orderly development in our community.

𝘽𝙪𝙞𝙡𝙙 𝙎𝙖𝙛𝙚. 𝘽𝙪𝙞𝙡𝙙 𝙇𝙚𝙜𝙖𝙡. 𝘽𝙪𝙞𝙡𝙙 𝙄𝙡𝙞𝙜𝙖𝙣.

For more inquiries, visit LGU Iligan - Office of the City Building OfficiaI at Seminary Drive, Brgy. Pala-o, Iligan City.

#buildingpermit

#OCBO

#PublicSafetyFirst

#BuildSafeBuildLegal

#SafeIligan

#AsensoIliganon

#IliganCity

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐋𝐆𝐔 𝐈𝐋𝐈𝐆𝐀𝐍!

A proud moment for Iligan City!

LGU-Iligan has been awarded the 𝐆𝐑𝐄𝐄𝐍 𝐁𝐀𝐍𝐍𝐄𝐑 𝐒𝐄𝐀𝐋 𝐎𝐅 𝐂𝐎𝐌𝐏𝐋𝐈𝐀𝐍𝐂𝐄 during the 𝐍𝐨𝐫𝐭𝐡𝐞𝐫𝐧 𝐌𝐢𝐧𝐝𝐚𝐧𝐚𝐨 2025 𝐑𝐞𝐠𝐢𝐨𝐧𝐚𝐥 𝐍𝐮𝐭𝐫𝐢𝐭𝐢𝐨𝐧 𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲 — 𝐨𝐮𝐫 𝐟𝐢𝐫𝐬𝐭-𝐞𝐯𝐞𝐫 𝐫𝐞𝐜𝐨𝐠𝐧𝐢𝐭𝐢𝐨𝐧 and 𝐭𝐡𝐞 𝐨𝐧𝐥𝐲 𝐜𝐢𝐭𝐲 𝐢𝐧 𝐑𝐞𝐠𝐢𝐨𝐧 10 to receive this honor!

Under the leadership of Mayor Freddie Siao, this award is a testament to our city’s commitment to ensuring that 𝐞𝐯𝐞𝐫𝐲 𝐈𝐥𝐢𝐠𝐚𝐧𝐨𝐧 𝐡𝐚𝐬 𝐚𝐜𝐜𝐞𝐬𝐬 𝐭𝐨 𝐛𝐞𝐭𝐭𝐞𝐫 𝐧𝐮𝐭𝐫𝐢𝐭𝐢𝐨𝐧, 𝐬𝐭𝐫𝐨𝐧𝐠𝐞𝐫 𝐡𝐞𝐚𝐥𝐭𝐡 𝐩𝐫𝐨𝐠𝐫𝐚𝐦𝐬, 𝐚𝐧𝐝 𝐪𝐮𝐚𝐥𝐢𝐭𝐲 𝐩𝐮𝐛𝐥𝐢𝐜 𝐬𝐞𝐫𝐯𝐢𝐜𝐞.

This achievement is for all Iliganons — proof that when we work together, we build a 𝐡𝐞𝐚𝐥𝐭𝐡𝐢𝐞𝐫 𝐚𝐧𝐝 𝐦𝐨𝐫𝐞 𝐩𝐫𝐨𝐠𝐫𝐞𝐬𝐬𝐢𝐯𝐞 𝐈𝐥𝐢𝐠𝐚𝐧!

𝑷𝒂𝒅𝒂𝒚𝒐𝒏, 𝑨𝒔𝒆𝒏𝒔𝒐 𝑰𝒍𝒊𝒈𝒂𝒏𝒐𝒏!

#AsensoIliganon

#HealthyIligan

#TeamIligan

#MayorFreddieSiao

#GreenBannerSealOfCompliance

#NutritionChampion

𝐈𝐋𝐈𝐆𝐀𝐍: 𝐀 𝐑𝐈𝐒𝐈𝐍𝐆 𝐃𝐈𝐆𝐈𝐓𝐀𝐋 𝐂𝐈𝐓𝐘 𝐈𝐍 𝐌𝐈𝐍𝐃𝐀𝐍𝐀𝐎

Another first for Iligan! Bag-uhay lang misalot ang LGU-Iligan sa gipahigayon nga 𝐈𝐓-𝐁𝐏𝐎 𝐏𝐫𝐨𝐜𝐞𝐬𝐬 𝐀𝐬𝐬𝐨𝐜𝐢𝐚𝐭𝐢𝐨𝐧 𝐨𝐟 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬 (𝐈𝐁𝐏𝐀𝐏) 𝐆𝐞𝐧𝐞𝐫𝐚𝐥 𝐌𝐞𝐦𝐛𝐞𝐫𝐬𝐡𝐢𝐩 𝐀𝐬𝐬𝐞𝐦𝐛𝐥𝐲 sa Davao City — aron ipresentar ang dakong potensyal sa Iligan isip usa sa nagasugod nga digital cities sa Mindanao.

Sa pagpanguna ni Darwin Manubag ang City Admnistrator kauban si Jhonny Paul Lagura, Executive Director sa Iligan ICT Council ug Head sa Center for Digital Iligan, Innovation and Sustainability (CDIIS).

Ilang gipasabot sa mga delegado nga bisan adunay kahadlok ang uban nga BPO companies tungod sa giingon nga “No Travel Zone,” padayon gihapon nga ilang gipakita nga lahi na ang Iligan karon — usa ka syudad nga luwas, andam, ug abli para sa negosyo.

𝐒𝐚 2026, 𝐚𝐧𝐝𝐚𝐦 𝐧𝐚 𝐚𝐧𝐠 𝐈𝐥𝐢𝐠𝐚𝐧 𝐬𝐚 𝐩𝐚𝐠𝐩𝐚𝐡𝐢𝐠𝐚𝐲𝐨𝐧 𝐬𝐚 𝐦𝐠𝐚 𝐝𝐚𝐠𝐤𝐨𝐧𝐠 𝐤𝐚𝐥𝐢𝐡𝐨𝐤𝐚𝐧 𝐬𝐚𝐦𝐚 𝐬𝐚:�

✅IBPAP Board Meeting with key IT-BPM CEOs�

✅2nd Mindanao GovTech Summit�

✅AI Summit

Uban sa panan-aw ug liderato ni Mayor Freddie Siao, padayon nga gitukod ang pundasyon para sa mas dagkong investments ug oportunidad.

𝐏𝐚𝐝𝐚𝐲𝐨𝐧 𝐭𝐚, 𝐈𝐥𝐢𝐠𝐚𝐧𝐨𝐧. 𝐈𝐥𝐢𝐠𝐚𝐧 𝐰𝐢𝐥𝐥 𝐫𝐢𝐬𝐞 — 𝐟𝐨𝐫 𝐚𝐥𝐥 𝐨𝐟 𝐮𝐬.

𝐏𝐚𝐝𝐚𝐲𝐨𝐧, 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

For Details : https://www.facebook.com/share/p/1D1Nm5WrB8/

#AsensoIliganon

#IliganCity

#TeamIligan

#mayorfreddiesiao

#DigitalIligan

#IliganRising

𝐎𝐏𝐋𝐀𝐍 𝐁𝐈𝐒𝐈𝐓𝐀, 𝐌𝐈𝐇𝐀𝐓𝐀𝐆 𝐎𝐆 𝐇𝐈𝐍𝐀𝐁𝐀𝐍𝐆 𝐌𝐄𝐃𝐈𝐊𝐀𝐋 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐓𝐀. 𝐅𝐈𝐋𝐎𝐌𝐄𝐍𝐀

Mibisita ang Oplan Bisita sa upat ka mga beneficiaries sa Barangay Sta. Filomena.

Lakip sa mga nakadawat og hinabang si Gregorio A. Melloria, nga nagpasalamat kang Mayor Frederick Siao sa medikal ug pinansyal nga tabang.

Nagpahayag usab si Leon Magsayo, kinsa dunay diabetis, sa iyang pasalamat sa suporta nga iyang nadawat gikan sa programa sa mayor.

Ang Oplan Bisita, usa ka programa sa administrasyon ni Mayor Siao, nagdala og serbisyong medikal, tambal, assistive devices, gamit sa panimalay, bugas, ug pinansiyal nga tabang direkta sa mga balay sa mga beneficiary nga walay kapasidad magpa check up.

Janice G. Magsayo

𝐌𝐆𝐀 𝐑𝐄𝐒𝐂𝐔𝐄𝐑𝐒, 𝐒𝐀𝐅𝐄𝐓𝐘 𝐎𝐅𝐅𝐈𝐂𝐄𝐑𝐒 𝐒𝐀 𝐂𝐈𝐓𝐘 𝐇𝐀𝐋𝐋, 𝐌𝐈𝐏𝐀𝐊𝐈𝐓𝐀 𝐒𝐀 𝐊𝐀𝐇𝐀𝐍𝐀𝐒 𝐏𝐀𝐆𝐑𝐄𝐒𝐏𝐎𝐍𝐃𝐄 𝐀𝐓𝐎𝐋 𝐒𝐀 𝐍𝐒𝐄𝐃

Gipakita sa mga rescuers ug mga trained nga mga Safety Officers sa mga opisina sa LGU- Iligan ang ilang kaabtik pag-rescue atol sa 4th Quarter Nationwide Simultaneous Earthquake Drill (NSED) ganiha, Nobyembre 6, 2025.

Dungan nga gipatingog ang mga siren sa syudad alas-9:00 sa buntag.

Dunay laing-laing scenario o insidente diin masukod ang kaandam ug kahibalo sa responders sa paghatag og pasiunang tambal sa mga samaron ug pag-rescue sa dili makalakaw.

Giperform sab sa mga empleyado ang duck, cover and hold. Ingon man ang pag-bakwit sa gitudlo nga luwas nga lugar nga layo sa mga buildings, poste, ug uban pang peligro.

Tinguha niini nga ma-edukar ang publiko sa angay himuon kung dunay linog.

COURTESY VISIT | CHPG ILIGAN 🚓

Mibisita nato karon sa City Mayor’s Office si PCPT Reynaldo A. Alamin, City Officer sa City Highway Patrol Group (CHPG) – Iligan.

Among gihisgutan ang ilang mga kalampusan sa pagpatuman sa disiplina ug kaluwasan sa kalsada, ug ilang panginahanglan sa dugang suporta aron mas mapalambo pa ang ilang serbisyo.

Bisan simple ra tan-awon, dako kaayo’g epekto sa mga Iliganon kung mas luwas ug hapsay ang atong dalan—sa mga ginikanan nga naghatod sa ilang anak, sa mga motorista nga nagtrabaho matag-adlaw, ug sa tanang pasahero nga gustong makapauli nga walay kabalaka.

Magpadayon ang suporta sa City Government alang sa mga programa nga nagpanalipod sa katawhan ug nagpalig-on sa kalinaw ug kahapsay sa Iligan.

Salamat, CHPT Iligan, sa inyong tinuoray nga serbisyo!

Padayon, Asenso Iliganon! 💪🚦

#AsensoIliganon

#SafeRoadsForAll

#CHPTIligan

#FreddieSiao #MayorSiao

COURTESY VISIT | ENGR. HOMER T. CEZAR, OIC - REGIONAL MANAGER, NHA REGION 10 🏘️

Gikalipay nato ang pagbisita ni Engr. Homer T. Cezar, OIC–Regional Manager sa National Housing Authority (NHA) Region 10, sa City Mayor’s Office.

Among gihisgutan ang mga programa sa pabahay ug urban development nga makatabang sa paghatag ug mas luwas ug desenteng puy-anan para sa mga Iliganon, ilabi na kadtong mga pamilyang nagkinahanglan ug tabang sa pagpabarog sa ilang kaugalingong balay.

Importante kaayo ang atong pakig-alayon sa NHA Region 10 aron mapadali ang implementasyon sa mga housing projects ug mas daghang Iliganon ang makahimulos niini.

Dako kaayo natong pasalamat sa NHA sa ilang padayon nga suporta ug tinuoray nga serbisyo para sa katawhan.

Padayon, Asenso Iliganon! 💪🏡

#AsensoIliganon

#NHARegion10

#FreddieSiao #MayorSiao

#BalayParaSaIliganon

𝗜𝗹𝗶𝗴𝗮𝗻 𝗣𝗿𝗶𝗱𝗲 | 𝗣𝗦𝗦𝗴 𝗭𝘂𝗻𝗮𝗶𝗱𝗮 𝗝. 𝗟𝗶𝗯𝗿𝗮𝗱𝗼 𝗮𝗻𝗱 𝗜𝗖𝗣𝗢 𝗺𝗮𝗸𝗲 𝗜𝗹𝗶𝗴𝗮𝗻 𝗽𝗿𝗼𝘂𝗱! 💙💛

Dako kaayong garbo para sa atong dakbayan si PSSg Zunaida J. Librado sa iyang pagkadaug isip

🏆 Top 1 ug 🎤 Best Speaker sa Police Community Affairs and Development Course (PCADC) 2025, samtang ang atong Iligan City Police Office (ICPO) nakadawat usab sa Best Group Presenter Award!

Kini nga mga pasidungog dili lang para sa ilang kaugalingon, kundili para sa tibuok Iliganon nga ilang gialagaran. Ang kalampusan ni PSSg Librado ug sa ICPO nagpamatuod nga aduna kitay mga pulis nga dili lang kusgan, kundili maayong ehemplo sa pagkamatinud-anon, paningkamot, ug pagserbisyo sa katawhan.

Ang ilang kalampusan usa ka pahinumdom nga kung ang atong mga lingkuranan sa gobyerno magtinabangay ug magpuyo sa tinuod nga serbisyo, mas mahimong luwas, malinawon, ug asenso ang Iligan.

Salamat, PSSg Librado ug ICPO, sa pagpadayag sa tinuod nga espiritu sa serbisyo publiko.

Padayon, Asenso Iliganon! 💙💛

#AsensoIliganon

#IliganPride

#ICPO

#PSSgZunaidaLibrado

#PNPRegion10

#ProudlyIliganon #FreddieSiao #MayorSiao

We would like to hear from you

Send us your feedback, comments and suggestions to help improve our services

Iligan City

What's Happening

SUPPORTING ILIGAN’S YOUNG CHAMPIONS | TIGERS FOOTBALL CLUB ⚽️

𝐈𝐋𝐈𝐆𝐀𝐍, 𝐍𝐀𝐆-𝐈𝐍𝐔𝐒𝐀𝐑𝐀𝐍𝐆 𝐒𝐘𝐔𝐃𝐀𝐃 𝐒𝐀 𝐑𝐄𝐇𝐈𝐘𝐎𝐍 𝐍𝐆𝐀 𝐍𝐀𝐊𝐀𝐃𝐀𝐖𝐀𝐓 𝐎𝐅 𝐆𝐑𝐄𝐄𝐍 𝐁𝐀𝐍𝐍𝐄𝐑 𝐎𝐅 𝐂𝐎𝐌𝐏𝐋𝐈𝐀𝐍𝐂𝐄

𝐈𝐂𝐀𝐃𝐀𝐂 𝐍𝐀𝐍𝐆𝐀𝐍𝐃𝐀𝐌 𝐒𝐀 𝐒𝐄𝐋𝐄𝐁𝐑𝐀𝐒𝐘𝐎𝐍 𝐒𝐀 𝐃𝐀𝐏𝐂 𝐖𝐄𝐄𝐊

𝐃𝐑𝐔𝐆 𝐀𝐁𝐔𝐒𝐄 𝐏𝐑𝐄𝐕𝐄𝐍𝐓𝐈𝐎𝐍 𝐀𝐍𝐃 𝐂𝐎𝐍𝐓𝐑𝐎𝐋 𝐖𝐄𝐄𝐊 2025

PADAYON SA PABALAY: LGU ILIGAN GIVING ITS ALL FOR SENDONG SURVIVORS!

Empowering Iligan’s Youth: Turning Local Talent into Global Champions!

𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 𝐍𝐀𝐓𝐈𝐎𝐍𝐀𝐋 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐏𝐑𝐎𝐆𝐑𝐀𝐌, 𝐆𝐈𝐏𝐀𝐇𝐈𝐆𝐀𝐘𝐎𝐍

𝐖𝐡𝐲 𝐃𝐨 𝐖𝐞 𝐍𝐞𝐞𝐝 𝐚 𝐁𝐮𝐢𝐥𝐝𝐢𝐧𝐠 𝐏𝐞𝐫𝐦𝐢𝐭?

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐋𝐆𝐔 𝐈𝐋𝐈𝐆𝐀𝐍!

𝐈𝐋𝐈𝐆𝐀𝐍: 𝐀 𝐑𝐈𝐒𝐈𝐍𝐆 𝐃𝐈𝐆𝐈𝐓𝐀𝐋 𝐂𝐈𝐓𝐘 𝐈𝐍 𝐌𝐈𝐍𝐃𝐀𝐍𝐀𝐎

𝐎𝐏𝐋𝐀𝐍 𝐁𝐈𝐒𝐈𝐓𝐀, 𝐌𝐈𝐇𝐀𝐓𝐀𝐆 𝐎𝐆 𝐇𝐈𝐍𝐀𝐁𝐀𝐍𝐆 𝐌𝐄𝐃𝐈𝐊𝐀𝐋 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐓𝐀. 𝐅𝐈𝐋𝐎𝐌𝐄𝐍𝐀

COURTESY VISIT | CHPG ILIGAN 🚓

COURTESY VISIT | ENGR. HOMER T. CEZAR, OIC - REGIONAL MANAGER, NHA REGION 10 🏘️

𝗜𝗹𝗶𝗴𝗮𝗻 𝗣𝗿𝗶𝗱𝗲 | 𝗣𝗦𝗦𝗴 𝗭𝘂𝗻𝗮𝗶𝗱𝗮 𝗝. 𝗟𝗶𝗯𝗿𝗮𝗱𝗼 𝗮𝗻𝗱 𝗜𝗖𝗣𝗢 𝗺𝗮𝗸𝗲 𝗜𝗹𝗶𝗴𝗮𝗻 𝗽𝗿𝗼𝘂𝗱! 💙💛