News

𝐏𝐚𝐝𝐚𝐲𝐨𝐧 𝐧𝐠𝐚 𝐏𝐚𝐧𝐚𝐠𝐡𝐢𝐮𝐬𝐚 𝐀𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧

Isip Responsible Official (RO) sa Incident Command System, Atong gisiguro nga magiyahan ug gihatagan og klarong direktiba ang Incident Management Team aron masiguro nga hapsay, insakto, ug epektibo ang atong pag-atubang sa sitwasyon.

Nasubo kaayo ako sa mga nahitabo ug sa kalisod nga naagian sa pipila nato ka mga kaigsuonan. Bug-at kini sa kasingkasing sa usa ka lider ug amahan sa siyudad.

Mas mahimong lisod ang atong kahimtang ug mas grabe pa ang mahitabo kung wala ta nagpahibalo daan ug kung wala ta mangandam.

Nanghinaut ko nga magsilbi kining sumbanan sa tanan—hinaut nga naa tay natun-an niining atong naagian kaarun, ilabi na ang pagtagad ug pagsunod sa mga abiso sa LGU. Kung adunay preemptive evacuation, mutuman gyud kita, kay kini alang sa atong kinabuhi ug kaluwasan.

Padayon ang akong pag-uban ug pag-alagad sa tanang Iliganon. Dili kita mag-inusara niining pagsulay.

Mapasalamaton kaayo kita sa pagbisita ni DSWD Secretary REX Gatchalian

Mapasalamaton kaayo kita sa pagbisita ni DSWD Secretary REX Gatchalian dinhi sa Iligan City, sumala sa direktiba ni Presidente Ferdinand ‘Bongbong’ Marcos Jr., kini aron personal nga tan-awon ang kahimtangan ug kadaot nga gibiyaan sa Tropical Storm Basyang dinhi sa Iligan human sa baha.

Sa pagkakaron, duna pa kitay kapin sa 6,000 ka families sa 26 ka evacuation centers.

Ania sab ang presensya sa uban pang ahensya sa gobyerno , sila Paris Raymond S. Gaballo, ang Regional Director sa Department of Human Settlements and Urban Development (𝐃𝐇𝐒𝐔𝐃) Regional Office 10, Antonio B. Sugarol ang Regional Director sa 𝐂𝐢𝐯𝐢𝐥 𝐃𝐞𝐟𝐞𝐧𝐜𝐞 𝐍𝐨𝐫𝐭𝐡𝐞𝐫𝐧 𝐌𝐢𝐧𝐝𝐚𝐧𝐚𝐨 - 𝐑𝐞𝐠𝐢𝐨𝐧 𝐗 (𝐎𝐂𝐃) Region 10 (Northern Mindanao) ug chairman sab sa 𝐑𝐞𝐠𝐢𝐨𝐧𝐚𝐥 𝐃𝐢𝐬𝐚𝐬𝐭𝐞𝐫 𝐑𝐢𝐬𝐤 𝐑𝐞𝐝𝐮𝐜𝐭𝐢𝐨𝐧 𝐚𝐧𝐝 𝐌𝐚𝐧𝐚𝐠𝐞𝐦𝐞𝐧𝐭 𝐂𝐨𝐮𝐧𝐜𝐢𝐥 (𝐑𝐃𝐑𝐑𝐌𝐂-10) ug si Regional Director Dr. Sulpicio Henry M. Legaspi, Jr., sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 (𝐃𝐎𝐇)

Ang atong mga departamento sa LGU, ilabina ang CSWD, nagkugi na sa pag-profiling sa mga apektadong pamilya.

Base sa inisyal nga report, gilauman nga mosaka pa kini nga numero samtang nagpadayon pa ang pag profile.

Importante kini nga lista aron daling ma-release ang financial assistance. Suhestyon sa DSWD nga e cash for work tungod kay dili kaya sa LGU Iligan ang paghinlo sa tibouk syudad.

Kinahanglan lang kining i identify ang beneficiaries ug masugdan na ang cash-for-work para sa pagpanglimpyo sa mga barangay, ilabina sa Mahayahay nga naapektuhan pag-ayo.

Bisan pa sa dinaliang tabang nga atong nadawat, ang akong pinakadakong panawagan mao ang long-term nga solusyon sa imprastraktura. Sukad pa sa bagyong Sendong niadtong 2011, wala pa gyud mahatagi og saktong intervention ang atong flood control systems, sama sa dapit sa Mandulog Bridge ug Barangay Palao.

Kinahanglan nato ang koordinasyon gikan sa DPWH ug uban pang national agencies aron masiguro nga dili na kita maapektuhan og balik-balik sa baha matag higayon nga dunay kusog nga ulan.

Ang atong tumong mao ang pagbalik sa normal nga kinabuhi sa atong mga kaigsuonan ug ang pagpaniguro nga ang Iligan mas lig-on na batok sa mga kalamidad sa umaabot.

𝐒𝐚 𝐏𝐚𝐧𝐚𝐡𝐨𝐧 𝐬𝐚 𝐊𝐚𝐥𝐢𝐬𝐨𝐝, 𝐌𝐚𝐠𝐤𝐚𝐡𝐢𝐮𝐬𝐚 𝐊𝐢𝐭𝐚

Sa kalisod nga atong giatubang karon, mapasalamaton kaayo ako nga nakahatag kita og kapin mga food packs isip paunang tabang alang sa mga pamilyang apektado sa baha.

Gi unhan nato kaganina sa Barangay Tambacan. Kining gamay nga hinabang among gipaabot uban ang tinguha nga bisan unsa ka lisod ang sitwasyon, naa gihapon ang gobyerno nga nagtan-aw ug nag-atiman.

Mosunod pa ang paghatod sa ayuda sa ubang evacuation centers, tungod kay walay pamilya nga angay mabilin nga wala matabangi.

Dako kaayo ang among pasalamat sa 𝐎𝐟𝐟𝐢𝐜𝐞 𝐨𝐟 𝐒𝐞𝐧𝐚𝐭𝐨𝐫 𝐁𝐨𝐧𝐠 𝐆𝐨 sa ilang padayon nga suporta ug pagpakabana sa Dakbayan sa Iligan.

Kining tabang dili lang pagkaon, kundili usa ka pahinumdom nga wala kita nag-inusara sa atong pagbangon.

Padayon ta sa pagtinabangay, ug paglaum nga mas malig-on pa ta human niining tanan.

📢 UPDATE SA CASH ASSISTANCE PROFILING: ADTO NA SA INYONG PUROK!

Una sa tanan, ako mangayo og dako nga pasensya kaninyong tanan. Nakita ug nadungog nako ang inyong sakripisyo ug ang kalisod sa pag-antos sa taas nga linya sa milabay nga mga adlaw. Dili nato gusto nga magpadayon kini nga kahasol alang kaninyo.

Human sa atong emergency meeting kauban ang DSWD, CSWDO, DRRMO, DILG, ug ang atong mga Barangay LGUs, gi-usab nato ang sistema aron mas mapaspas ug mas sayon ang proseso:

📍 PUROK-BASED PROFILING: Dili na ninyo kinahanglan moadto sa mga layo nga evacuation centers o opisina. Ang atong mga profiling teams na mismo ang manaog sa inyong mga purok. Pinaagi niini, mas organisado ug duol na ang serbisyo sa inyong dapit.

🚫 DILI NA KINAHANGLAN MOLINYA OG TAAS: Pabilin lang kamo sa inyong dapit ug hulata ang pag-abot sa team sa inyong purok. Dili na nato gusto nga mahasol pa kamo.

⚡ TARGET: MAHUMAN KINI KARONG SEMANAHA: Atong gipaspasan ang profiling ug gi-extend ang oras sa atong mga teams aron mahuman nato kini tanan sulod niining semanaha.

Wala’y Iliganon nga angay mabiyaan. Naminaw kami kaninyo ug paningkamutan nato nga mahimong hapsay kini nga proseso samtang gi-apas nato ang atong target deadline.

Salamat sa inyong pasensya ug padayon nga pagtinabangay! ✊💙

#IliganCity #AsensoIliganon #MayorFreddieSiao #PublicService #DSWD #PurokProfiling #NoMoreLongLines #IliganUpdate #FreddieSiao #MayorSiaoCares

𝐏𝐚𝐝𝐚𝐲𝐨𝐧 𝐧𝐠𝐚 𝐏𝐚𝐧𝐚𝐠𝐡𝐢𝐮𝐬𝐚 𝐀𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧

Kaganinang buntag, nagpadayon kami sa koordinasyon aron masabtan ug matubag dayon ang tinuod nga kahimtangan sa atong syudad.

Gitutokan namo ang mga butang nga direktang nakaapekto sa adlaw-adlaw nga panginabuhi sa katawhan—ang suplay sa tubig, kurente, ug clearing operations sa mga lugar nga grabing naapektuhan.

Mapasalamaton kita sa mga volunteers nga walay hunong ang pag-abot, nagpamatuod nga sa panahon sa kalisod, nagkahiusa ang tanan.

Miabot kaganina ang 𝐈𝐧𝐭𝐞𝐠𝐫𝐚𝐭𝐞𝐝 𝐏𝐫𝐨𝐯𝐢𝐧𝐜𝐢𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 – 𝐋𝐚𝐧𝐚𝐨 𝐝𝐞𝐥 𝐒𝐮𝐫 (𝐈𝐏𝐇𝐎-𝐋𝐃𝐒) nga gipangulohan ni Dr. Alinader D. Manilang, Provincial Health Officer II. Kauban nila ang mga doktor, nurses, ug support staff, dala ang mga hygiene kits, tetanus toxoid, mga tambal, sleeping kits, ug uban pang serbisyong medikal alang sa atong katawhan.

Daghang salamat sa tanang nagpakita og tabang ug pagpakabana.

𝐒𝐚 𝐩𝐚𝐧𝐚𝐠𝐭𝐢𝐧𝐚𝐛𝐚𝐧𝐠𝐚𝐲 𝐮𝐠 𝐩𝐚𝐠-𝐚𝐭𝐢𝐦𝐚𝐧𝐚𝐲, 𝐦𝐚𝐤𝐚𝐛𝐚𝐧𝐠𝐨𝐧 𝐠𝐲𝐮𝐝 𝐚𝐧𝐠 𝐈𝐥𝐢𝐠𝐚𝐧.

𝐁𝐀𝐘𝐀𝐍𝐈𝐇𝐀𝐍 𝐁𝐄𝐘𝐎𝐍𝐃 𝐁𝐎𝐑𝐃𝐄𝐑𝐒 | 𝐂𝐞𝐛𝐮 𝐱 𝐈𝐥𝐢𝐠𝐚𝐧 🤝🌊

As our brothers and sisters from Cebu City made their exit call today before heading home, I felt both gratitude and pride.

Gratitude—because when Iligan needed help the most, Cebu came without hesitation.

Pride—because this is what true LGU-to-LGU partnership looks like.

Sa unang adlaw pa lang, ubos sa liderato ni Councilor Dave Tumulak, ang Cebu City Disaster Risk Reduction and Management Office (CCDRRMO), Cebu Rescue Squad, ug Cebu City Fire Volunteers were already on the ground with us. Samtang ang uban nag-assess pa sa kadaot, sila nag-clear na sa mga dalan, naghakot sa mga nabahaan nga sakyanan, nag-declog sa mga kanal sa Mahayahay, mitabang sa pag-drain sa tubig sa likod sa Capitol, ug nag-flush sa mga dalan kauban sa atong ICDRRMO, BFP, CEO, AFP, ug mga volunteers.

They did not come as visitors.

They came as partners.

They came as family.

Tungod sa paningkamot sa DPWH, City Engineer’s Office, AFP, ug responders gikan sa Cebu, 80% sa Tubod–Mahayahay highway nalimpyohan na. Na-declog ang drainage systems, napahubas ang tubig baha, ug na-flush ang mga dalan aron masiguro ang kaluwasan ug dali nga makabalik ang kuryente ug panginabuhian sa atong komunidad.

This is bayanihan beyond borders.

Panaghiusa nga labaw pa sa distansya sa dagat.

To the Cebu City Government, CCDRRMO, Cebu Rescue Squad, ug sa tanang personnel nga nagpabilin dinhi sulod sa lima ka adlaw—daghang salamat kaayo. Ang inyong serbisyo dili malimtan sa mga Iliganon.

Ang inyong pagpauli dili katapusan sa atong panag-uban.

Kini sinugdanan sa mas lig-on nga panaghiusa.

On behalf of every Iliganon, thank you for standing with us in our most difficult days.

Bangon ug asenso, Iliganon.

Padayon ang panaghiusa.

#CebuXIligan

#LGUtoLGUPartnership

#BayanihanBeyondBorders

#BangonIligan

#PadayonPanaghiusa #FreddieSiao #MayorSiao #MayorSiaoCares #SerbisyongSiaoSerbisyongWow

UPDATE | On the Ground with DPWH Secretary Vince Dizon

Karon, ako mismo ang nanguna sa on-the-ground inspection kuyog si DPWH Secretary Vince Dizon aron makita gyud namo mismo ang kritikal nga infrastructure damage sa Iligan City. Importante kaayo nga dili lang ni reports sa papel—kinahanglan makita sa ground ang tinuod nga kahimtangan sa atong mga komunidad aron mas dali ug mas tarong ang solusyon.

📍 Tubod Bridge

Giprioritize ang immediate clearing sa debris ug lapok, dayon desilting gikan sa baybayon pataas ug dredging. By next year, tan-awon ang long-term solution base sa drainage plan. Bisan giingnan siya nga Mandulog ra ang focus, klaro ang baruganan ni Secretary nga pangitaan og pamaagi ang mga gaps sa flood control, apil na ang pag-ilis sa Tubod Bridge nga halos 75 years na—kay dili na ni angay hulaton pa.

📍 Sitio Panul-iran, Brgy. Abuno

Nag-commit ang DPWH nga butangan og temporary steel bridge sulod sa 3 ka bulan, ug permanent bridge dili lang sa Panul-iran kundi apil na pud sa Malindawag nga na-wash out. Klaro nga ang steel bridge nga nibangga sa flood control mao’y hinungdan sa kadaut—ug karon, atong ayuhon ug sakto aron dili na mausab.

📍 Brgy. Palao Riverside (unplanned visit)

Bisan wala sa itinerary, personal nato gidala si Secretary dinhi tungod kay naay pamilyang ni-reach out ug para makita niya mismo ang grabe nga erosion—yutang kaniadto adunay mga balay ug komunidad. Nag-saad siya nga i-priority ang pagtapos sa flood control gaps, labi na dapit sa Bernales, ug papaspasan ang bridge completion. Klaro usab nga dili na gyud angay papuy-an ang area, ug relocation among buhaton kauban ang DPWH alang sa kaluwasan sa katawhan.

📍 Mandulog River

Sa Mandulog, masubo ug kabalaka ang akong gibati pagkakita sa kahimtangan sa flood control nga bag-o pa lang nahuman (December 2025) apan naapektuhan gihapon sa baha. Sa among actual inspection, nakita nga wala nisubay ang tubig sa main river tungod sa gap sa bridge, maong didto miagi ang kusog nga agos ug nahitabo ang washout.

Dili ni angay mahitabo, ilabi na sa proyekto nga gilauman unta nga panalipod sa komunidad. Importante karon nga ma-correct dayon ang kakulangan, ma-close ang gaps, ug ma-ayo ang structure aron matuman gyud ang tumong sa flood control. Ang among prayoridad karon mao ang kaluwasan sa katawhan ug pagtarong sa problema, dili ang pagdepensa sa bisan kinsa.

🌊 River Esplanade & Coastal Bypass

Nahisgutan usab ang river esplanade nga konektado sa coastal bypass road. Gi-voice out ni Bobby Timonera nga dako kaayo og tabang ang esplanade—wala nabaha ang Orchids Home ug tibuok Brgy. Santiago. Gipatan-aw gyud kini ni Secretary sa district office kay importante ni nga modelo, sama sa nahimo sa Iloilo, ug iyang gisaad nga kini ma-budgetan.

👉 Kini ang klase sa coordination nga atong gipaningkamotan—dili lang istorya, kundili actual nga tan-aw, klarong commitment, ug aksyon para sa katawhan. Padayon ta sa pagpanalipod sa Iligan ug sa pag-atiman sa atong mga komunidad. 💙

#ParaSaIliganon #FreddieSiao #MayorSiao #MayorSiaoCares #AsensoIliganon

“𝐌𝐚𝐠𝐤𝐚𝐡𝐢𝐮𝐬𝐚 𝐊𝐢𝐭𝐚 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧”

Karong adlawa, mibisita kita sa pipila ka mga Purok sa Barangay Saray , nga grabing na-apektuhan gumikan sa baha. Dili lang aron motan-aw, kundili aron masiguro nga mahatud kanila ang mga hinabang nga angay kanila. Atong gipaminaw ug aron masabtan unsa gyud ang ilang gikinahanglan.

Gisiguro nato nga ang matag pamilya mahatdan og hustong hinabang—walay malimtan, walay mabiyaan. Nagkahiusa ang atong mga opisina sa LGU, responders, ug volunteers aron mapaspas ang pag-apod-apod ug masiguro nga ang tabang moabot direkta sa matag panimalay.

Nasayod ko nga lisod ang atong giatubang, apan mas lig-on ang atong panaghiusa kaysa sa bisan unsang kalisod. Magpabilin kitang kalmado ug magtinabangay. Ania ko uban ninyo sa matag lakang sa pagbangon, hangtod makabarog pag-usab ang Iligan nga mas kusgan ug mas nagkahiusa.

#iliganRiseBeyondBasyang

#bangoniliganon

#padayonsapagbangoniligan

SERBISYO PARA SA MGA NEGOSYANTE: LIBRENG REPRINT SA BUSINESS PERMIT

Sa atong pagpadayon sa pagbangon human sa bag-ohay lang nga mga pagbaha, nasayod ko sa kalisud nga giatubang sa atong mga local business owners. Daghan sa inyong mga kagamitan ug importante nga mga dokumento ang nadaot sa tubig.

Aron mogaan-gaan ang inyong mga huna-huna ug matabangan kamo sa pagbalik sa inyong operasyon, akong gihangyo ang atong Sangguniang Panlungsod na iapil kini sailang agend karong Biyernes nga himoong LIBRE ug DILI NA PABAYRAN ang pag-reprint sa inyong mga Business Permits.

Ang atong tumong mao ang paghatag og pasalig ug tabang sa mga negosyanteng nabiktima sa baha pinaagi sa paghatag ug dali nga serbisyo aron walay langan ang inyong pagpadagan sa negosyo, uban ang tiunay nga malasakit tungod kay ang inyong kalampusan mao man ang kalampusan sa tibuok Iligan.

Dili kamo pasagdan sa atong gobyerno. Magtinabangay kita para sa mas paspas nga pagbangon sa atong ekonomiya.

Padayon, Iliganon!

𝐌𝐆𝐀 𝐍𝐀𝐋𝐔𝐍𝐀𝐍𝐆 𝐒𝐀 𝐁𝐀𝐇𝐀 𝐌𝐎𝐊𝐔𝐇𝐀 𝐎𝐆 𝐃𝐎𝐗𝐘𝐂𝐘𝐋𝐈𝐍𝐄 𝐒𝐀 𝐇𝐄𝐀𝐋𝐓𝐇 𝐂𝐄𝐍𝐓𝐄𝐑𝐒, 𝐓𝐄𝐓𝐀𝐍𝐔𝐒 𝐓𝐎𝐗𝐎𝐈𝐃 𝐀𝐋𝐀𝐍𝐆 𝐒𝐀 𝐒𝐀𝐌𝐃𝐀𝐍 - 𝐂𝐇𝐎

Gahatag og libreng Doxycycline ang mga Barangay Health Centers ug mga evacuation centers sa mga nalunang sa baha.

Ang doxycycline tambal nga tumaron aron mopatay o mopugong sa pagtubo sa bakterya. Kinahanglan niini ang mga nalunang sa baha aron malikayan nga matapatan og liptospirosis. Ang liptospirosis makuha sa hugaw nga tubig-baha nga adunay ihi sa ilaga o hayop. Delikado kini ug posibleng makamatay.

Ang bakterya nga Leptospira mosulod sa lawas pinaagi sa samad o garas sa panit, mata, ilong, o baba.

Ang mga nalunang sa baha kinahanglan moinum og 200mg. nga doxycycline. Apan kung dunay samad, kinahanglan moinum og 200mg sulod sa tulo o lima ka adlaw, depende sa assessment sa health workers. Kinahanglan sab motumar niini kung ma-expose pagbalik sa tubig baha samtang manglimpyo sa balay.

Lahi sab ang dosage sa mga duna nay sintomas sa liptospirosis sama sa Hilanat, Sakit sa ulo, Sakit sa kaunoran, labi na sa batiis,Pula o sakit nga mata, Pagsuka o kalibanga. Busa gi-awhag ang mga nalunang sa baha nga magpa-assess unâ sa mga health workers sa barangay o kaha sa evacuation center.

Abiso sa City Health Office nga imnun kini nga dunay sulod ang tiyan. Dili pwede niini ang mabdos. Samtang lahi sab ang tambal alang sa mga bata.

Ang City Health Office nakapanghatag na og 819 ka-boxes sa doxycycline o 81,900 tablets.

Ang mga dunay lalom nga samad, giawhag sab nga magpa-inject og bakuna kontra tetanus sa City Health Office ug City Hospital.

𝐌𝐈𝐂𝐑𝐎𝐄𝐍𝐓𝐄𝐑𝐏𝐑𝐈𝐒𝐄𝐒 𝐍𝐆𝐀 𝐀𝐏𝐄𝐊𝐓𝐀𝐃𝐎 𝐒𝐀 𝐁𝐀𝐆𝐘𝐎 𝐔𝐆 𝐃𝐈𝐋𝐈 𝐌𝐎𝐋𝐀𝐏𝐀𝐒 𝐒𝐀 3 𝐌𝐈𝐋𝐋𝐈𝐎𝐍 𝐏𝐄𝐒𝐎𝐒 𝐀𝐍𝐆 𝐊𝐀𝐏𝐈𝐓𝐀𝐋, 𝐊𝐖𝐀𝐋𝐈𝐏𝐈𝐊𝐀𝐃𝐎 𝐒𝐀 𝐏𝐀𝐍𝐆𝐊𝐀𝐁𝐔𝐇𝐀𝐘𝐀𝐍 𝐒𝐀 𝐏𝐀𝐍𝐆𝐊𝐀𝐁𝐔𝐇𝐀𝐘𝐀𝐍 𝐒𝐀 𝐏𝐀𝐆𝐁𝐀𝐍𝐆𝐎𝐍 𝐀𝐓 𝐆𝐈𝐍𝐇𝐀𝐖𝐀 𝐏𝐑𝐎𝐆𝐑𝐀𝐌

Giklaro ni Welissa V. Domingo, Senior Trade Industry Development Specialist sa Department of Trade and Industry (DTI), nga ang Post Recovery Program o “Pangkabuhayan sa Pagbangon at Ginhawa Program” nagtutok sa pagtabang sa mga microenterprises nga naapektuhan sa kalamidad, ilabi na kadtong adunay kapital nga dili molapas sa ₱3 milyon.

Sumala sa DTI, ang mga benepisyaryo kinahanglan pormal nga rehistrado ug adunay business permit ug DTI registration sa wala pa ang kalamidad, ug kinahanglan usab adunay sertipikasyon nga naapil ug naapektuhan sa kalamidad. Gi-update karon ang datos sa business permits gikan sa 2025 padulong sa 2026 aron masiguro ang hustong profiling sa mga kwalipikadong negosyo.

Ang unang lakang sa mga interesadong negosyante mao ang pagduol sa DTI, diin ang profiling ug pag-verify pagadumalahan sa DTI o sa awtorisadong opisyal. Lakip sa programa ang paghatag og starter kits, bisan pa man nga wala pa’y piho nga iskedyul sa pagpanagtag, ug pagpatuman og business continuity planning seminars aron matabangan ang mga negosyo nga mas makabarog ug malikayan ang kaparehong kadaut sa umaabot.

Gipasiugda sa DTI nga ang programa nagtutok sa microenterprises tungod kay sila ang kasagarang mas dugay makabangon kumpara sa dagkong negosyo.

𝐈𝐋𝐏𝐈: 5,000 𝐒𝐀 77,800 𝐍𝐀𝐋𝐀𝐍𝐆 𝐊𝐀 𝐊𝐔𝐒𝐓𝐎𝐌𝐄𝐑 𝐒𝐀 𝐈𝐋𝐏𝐈 𝐀𝐍𝐆 𝐖𝐀𝐋𝐀 𝐏𝐀𝐘 𝐊𝐔𝐑𝐘𝐄𝐍𝐓𝐄

Gibana-banang 5,000 nalang sa 77,800 ka-kustomer sa Iligan Light and Power Inc. (ILPI) ang wala pay kuryente, sumala ni Eric Jason P. Cabrero, ang Network Operations Unit Manager sa ILPI.

Kadaghanan niini mga kustomer sa Barangay Mahayahay, ug Sitio Manuang ug Mangga sa Barangay Tubod nga derektang naapektuhan sa baha. Duna sab pipila ka areas sa Tambacan.

Kini tungod dili pa masudlan sa ilang team ang lugar, duna pay tubig, ug duna pay lapok ang mga metro. Pasabot niya, dili pa luwas ang kondisyon sa lugar para mag-repair sa mga linya.

Abiso niya sa mga kustomers ilabi na kadtong duna pay tubig ang ilang lugar nga palongon ang plangka aron luwas ang pag-ayo sa linya.

Mag-agad ilang pag-repair sa mga linya kung kanus-a ma-clear ang mga debris.

Dili pa sab masudlan ang Lanipao tungod sa naguba nga tulay. Ingon man ang Dalamas tungod wala pa kini ma-clear.

Samtang nagpadayon karung adlawa ang pag-ayo sa mga primary lines sa Kabacsanan paingon sa Hindang, ug Mandulog nga natumbahan og kahoy.

Gilauman sab nga mabalik ang kuryente karung gabii sa Abuno, Fatima, Panul- iran, Isla Verde.

Ugmang adlawa, sugdan sa City Engineer’s Office ang clearing sa mga hinterland barangays. Gi-assess sab karung adlawa ang kinahanglan i-clear ngadebris sa residential area sa Mahayahay.

𝐇𝐔𝐌𝐀𝐍𝐈𝐓𝐀𝐑𝐈𝐀𝐍 𝐂𝐋𝐔𝐒𝐓𝐄𝐑 𝐍𝐀𝐆𝐏𝐋𝐀𝐍𝐎 𝐎𝐆 𝐇𝐀𝐏𝐒𝐀𝐘 𝐍𝐆𝐀 𝐊𝐎𝐍𝐒𝐎𝐋𝐈𝐃𝐀𝐒𝐘𝐎𝐍 𝐒𝐀 𝐋𝐈𝐒𝐓𝐀𝐇𝐀𝐍 𝐒𝐀 𝐌𝐆𝐀 𝐃𝐎𝐍𝐀𝐒𝐘𝐎𝐍 𝐀𝐋𝐀𝐍𝐆 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆

Giuyonan sa mga miyembro sa Humanitarian Cluster sa unang meeting alang sa Bagyong Basyang nga mag-organize og mekanismo aron mahapsay ang konsolidasyon sa listahan sa mga donasyon alang sa mga biktima sa bagyo.

Gidayeg ni Abelardo Moya, ang Chairman sa Iligan City Peoples Council, nga giapil sa LGU sa Civil Society Organizations sa proseso sa response ug rehabilitation tungod makatabang sila nga mapaminaw ang katawhan sa ilang panginahanglan.

Ang maong panagtigum gitambongan sa mga miyembro sa Iligan City People's Council, mga Non-Government Organizations (NGOs), mga representante sa Local Government Unit (LGU), ug uban pang grupo nga nagpakabana alang sa kaayohan sa katawhan.

Mipasalig si Evelyn Madrio sa CSWD nga ang ilang grupo ang molista sa mga donors nga moderecho na sa mga evacuation areas ug dili na ma-check-in sa Emergency Operations Center (EOC).

Tumong sa grupo nga mausa ang datos sa mga midonate sa Bagyong Basyang alang sa transparency niini.

[Pebrero 10, 2026 | JGM]

80% 𝐍𝐀 𝐒𝐀 𝐓𝐔𝐁𝐎𝐃 𝐔𝐆 𝐌𝐀𝐇𝐀𝐘𝐀𝐇𝐀𝐘 𝐇𝐈𝐆𝐇𝐖𝐀𝐘, 𝐍𝐀𝐋𝐈𝐌𝐏𝐘𝐎 𝐍𝐀 -CEO

Gibana-banang otsenta porsyento na sa highway sa Tubod paingon Mahayahay ang na-clear sa Department of Public Works and Highways (DPWH) ug City Engineer’s Office, sumala ni City Engineer Leonor Actub. Ang CEO ang mi-clear sa dapit sa unang adlaw gikan sa pagkahitabo sa bagyo, ug mi-haul sa mga nabahaan nga sakyanan.

Sundon og limpyo ang mga natapok nga lapok ug basura sa daplin sa dalan.

Samtang 30% ang na-drain sa Armed Forces of the Philippines, respondersa sa Cebu, ug City Engineer's Office nga tubig sa likod sa Capitol paingon brgy hall sa Mahayahay. Kini human matultoli ang nabara nga kanal og nadeclog.

Lakip sa gilantaw nga solusyon ang pag-implementar sa Cash for Work Program aron dunay kitâ ang mga residente samtang manglimpyo sa ilang dapit.

𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐍𝐆𝐀 𝐍𝐀𝐌𝐔𝐘𝐎 𝐒𝐀 𝐒𝐀𝐑𝐀𝐘, 𝐆𝐈𝐇𝐀𝐓𝐃𝐀𝐍 𝐎𝐆 𝐆𝐑𝐎𝐂𝐄𝐑𝐘 𝐈𝐓𝐄𝐌𝐒, 𝐁𝐔𝐆𝐀𝐒 𝐔𝐆 𝐓𝐔𝐁𝐈𝐆

Gihatdan sa LGU-Iligan karung adlawa og grocery items, bugas ug tubig ang mga residente sa Purok 1 ug 2 sa Barangay Saray.

Nakadawat sa relief goods ang 795 ka pamilya sa Purok 1, 2,3, 3A ug 4.

Mikuyog si Mayor Frederick Siao sa distribusyon aron personal nga mapaminaw ug masayran ang kahimtangan sa mga residente human sa bagyo.

Ang personal nga pakig-istorya importante aron masabtan ang tinuod nilang kahimtangan ug magsilbing giya sa pagpangita og angay, lig-on, ug malungtarong nga solusyon para sa mga komunidad, ilabi na nga lahi-lahi og hazards ug risks matag lugar.

Nauna nang mibista ang Mayor sa pipila ka evacuation centers.

𝐈𝐋𝐏𝐈: 𝐏𝐀𝐆-𝐀𝐘𝐎 𝐒𝐀 𝐌𝐆𝐀 𝐋𝐈𝐍𝐘𝐀 𝐒𝐀 𝐊𝐔𝐑𝐘𝐄𝐍𝐓𝐄 𝐍𝐆𝐀 𝐍𝐀𝐆𝐔𝐁𝐀 𝐒𝐀 𝐁𝐀𝐒𝐘𝐀𝐍𝐆, 𝐇𝐀𝐏𝐈𝐓 𝐍𝐀 𝐌𝐀𝐇𝐔𝐌𝐀𝐍

Nubentay siete porsyento (97%) na ang nahuman sa Iligan Light and Power Inc.(ILPI) sa ilang gihimong power restoration o pag-ayo sa mga linya nga nadaut sa bagyong Basyang.

Gibana-banang 76,185 sa 78,700 nila ka-kustomer ang duna nay kuryente, adlaw'ng Martes, Pebrero 11, 2026. Kini base sa report ni Eric Jason P. Cabrera, ang Network Operations Unit Manager sa ILPI.

Dugang niya, duna pay 1,181 ka-kustomer sa Mahayahay luyo sa Shell ug Capitol Area nga walay kuryente tungod dili pa luwas ibalik ang kuryente sa dapit. Samtang 1,334 ka-kustomer sab sa hinterlands ang wala pay kuryente tungod natumbahan og kahoy ang primary lines.

Dili pa sab nila masugdan ang pag-ayo sa mga linya sa Mibala, Dalamas, ug Taluntunan tungod sa pagdahili sa yuta sa pila ka area niining mga dapita.

𝐒𝐎𝐁𝐑𝐀 𝐊𝐀𝐃𝐀𝐆𝐇𝐀𝐍𝐆 𝐓𝐔𝐁𝐈𝐆 𝐔𝐋𝐀𝐍 𝐆𝐈𝐊𝐀𝐍 𝐒𝐀 𝐁𝐔𝐊𝐈𝐃, 𝐊𝐀𝐌𝐀𝐁𝐀𝐖 𝐒𝐀 𝐈𝐋𝐈𝐆𝐀𝐍 𝐑𝐈𝐕𝐄𝐑, 𝐏𝐀𝐆𝐊𝐀𝐇𝐈𝐌𝐔𝐓𝐀𝐍𝐆 𝐒𝐀 𝐈𝐋𝐈𝐆𝐀𝐍 𝐔𝐁𝐎𝐒 𝐒𝐀 𝐒𝐔𝐁𝐀, 𝐇𝐈𝐍𝐔𝐍𝐆𝐃𝐀𝐍 𝐒𝐀 𝐁𝐀𝐇𝐀: 𝐏𝐀𝐆𝐀𝐒𝐀

Mi-abot og 383mm ang gidaghanun sa ulan sa Tagoloan niadtong Pebrero 5, 2026 sa gabii, base nasukod sa Doroteo D. Lloren Automated Rain Guage (ARG), sumala sa mga personahe sa Mindanao PAGASA Regional Services Division.

Samtang 361mm sab ang gidaghanun sa ulan nga mibundak sa Pugaan base sa nasukod sa Juan Tabla ARG.

Lapas kini sa rainfall forecast sa PAGASA.

Parehong habog ang mga lugar diin mibundak ang daghang ulan, ug mipa-ingon kini sa Iligan River sa Mahayahay. Mi-awas ang tubig-baha paingon sa mga komunidad tungod sa kamabaw sa suba.

Buntag pa sab nagsugod ang ulan, ug tungod sa kabasâ na sa yuta, dili na ka sunop ang tubig.

Ang pagtaub sab ang hinungdan nga wala makalahos ang tubig-baha paingon sa dagat.

Pinaka-apektado sa baha ang Barangay Abuno, Tipanoy, Tubod, Mahayahay, Ubaldo Laya, Pugaan, Palao, ug Tambacan nga miabot og sobra usa ka metro ang kalawmon sa baha. Ang Tubod ang pinaka-lawom nga baha nga mi-abot og 6.5 meters.

Dugang nila, gi-angkon sa mga residente nga napahimangnuan sila sa LGU ug sa Barangay labot sa bagyo. Naka-issue sab ang PAGASA og flood advisory Pebrero 5, 2026 pa lang sa buntag diin gihisgutan ang mga barangay nga posibleng maapektuhan. Alas onse sa gabii, nag issue pagbalik og flood advisory apan dali sab nga nakadako ang tubig.

Nanghinaut si Iligan Mayor Frederick Siao nga makita sa nasudnong kagamhanan ang datus sa PAGASA aron matagaan ug tiwason ang mga engineering interventions ilabi na nga ang Iligan napalibutan og mga suba.

Na-obserbahan sa Mayor, nga ang mga nag-unang agi-anan sa suba lang ang focus sa budget ug proyekto sa nasudnong kagamhanan. Na-obserbahan sab niya nga daghan sa mga proyekto sa gobyerno, i-implementar lang human sa kalamidad apan dili matiwas.

𝐃𝐓𝐈, 𝐃𝐔𝐍𝐀𝐘 𝐏𝐑𝐎𝐆𝐑𝐀𝐌𝐀 𝐀𝐋𝐀𝐍𝐆 𝐒𝐀 𝐌𝐆𝐀 𝐆𝐀𝐆𝐌𝐀𝐘𝐍𝐆 𝐍𝐄𝐆𝐎𝐒𝐘𝐀𝐍𝐓𝐄 𝐍𝐆𝐀 𝐍𝐀𝐀𝐏𝐄𝐊𝐓𝐔𝐇𝐀𝐍 𝐒𝐀 𝐊𝐀𝐋𝐀𝐌𝐈𝐃𝐀𝐃

Mipahigayon ang Department of Trade and Industry–Lanao del Norte (DTI-LDN) og profiling survey sa mga Micro, Small, and Medium Enterprises (MSMEs) sa Iligan nga naapektuhan sa kalamidad.

Parte kini sa ilang Post-Recovery Program nga Pangkabuhayan sa Pagbangon at Ginhawa (DTI-PPG) Program. Ang programa usa ka post-disaster response mechanism nga nagtumong sa pagpadayon sa kalihokang pang-ekonomiya sa mga lugar nga naapektuhan sa kalamidad pinaagi sa lain-laing sa tabang sa mga negosyante.

Apil sa pwedeng mahatag nga suporta ang business kits nga naglangkob sa raw materials, galamiton, ug/ o ekipo nga gikinahanglan sa pagsugod sa negosyo ug direktang ihatag isip aktuwal nga mga gamit sa aprubadong benepisyaryo; information materials bahin sa entrepreneurship, business continuity, ug disaster resilience aron masuportahan ang malampuson ug malungtarong pagdumala sa negosyo; enterprise development trainings nga nagpalambo sa kahibalo, kahanas, ug estratehiya sa pagsugod ug pagpadayon sa negosyo human sa kalamidad; ug business counseling ug mentoring pinaagi sa giya ug suporta sa mga mentor ug Negosyo Center Business Counselors aron mapalambo ang propesyonal ug personal nga pagtubo sa mga benepisyaryo.

Gapanghatag sab og business kits sa mga kwalipikadong gagmay nga negosyo lamang nga nga naaprobahan sa DTI Lanao del Norte Provincial Office. Kinahanglan lang mo-sumite sa rekisitos. Samtang ang mga dili kwalipikado nga gagmayng negosyante, mamahimong makadawat og ubang technical assistance sama sa entrepreneurial training, information materials sa pagnegosyo, ug business cliniquing.

𝐃𝐚𝐠𝐡𝐚𝐧𝐠 𝐒𝐚𝐥𝐚𝐦𝐚𝐭, 𝐌𝐮𝐧𝐢𝐜𝐢𝐩𝐚𝐥𝐢𝐭𝐲 𝐨𝐟 𝐍𝐮𝐧𝐮𝐧𝐠𝐚𝐧 𝐋𝐚𝐧𝐚𝐨 𝐝𝐞𝐥 𝐍𝐨𝐫𝐭𝐞

Ang LGU-Iligan nagpaabot og kinasingkasing nga pagpasalamat sa LGU Nunungan, ilabi na kang HON. Sittie Nor- Alliah B. Mamay - Municipal Mayor ug HON. Marcos M. Mamay ang Municipal Vice Mayor, kauban sab ang MDRRM Officer Mark Carillo, tungod sa inyong paghatud og tabang alang sa mga pamilyang apektado sa baha dinhi sa atong syudad.

Bisan pa nga nag-andam kamo sa pagsaulog sa Ramadan—mas napamatud-an nga ang pagtinabangay walay katapusan. Ang inyong pagpakita og pagpakabana naghatag og kusog ug paglaum sa atong katawhan niining panahon sa pagsulay.

Daghang salamat sa inyong pagdasig nga magpabiling lig-on, andam, ug masinabtanon sa mga pahimangno sa atong ICDRRMO. Ang inyong suporta usa ka dakong tabang sa atong padayong pagbangon.

Padayon ang panaghiusa. Padayon ang paglaum.

Padayon ta sa pagtinabangay.

𝐁𝐚𝐧𝐠𝐨𝐧 𝐭𝐚, 𝐈𝐥𝐢𝐠𝐚𝐧!

#iliganrisebeyondbasyang

#bangoniliganon

#padayonsapagbangoniligan

𝐍𝐚𝐠𝐤𝐚𝐡𝐢𝐮𝐬𝐚 𝐚𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧

Nibisita dinhi sa Iligan si 𝐔𝐬𝐞𝐜. 𝐇𝐚𝐫𝐨𝐥𝐝 𝐍. 𝐂𝐚𝐛𝐫𝐞𝐫𝐨𝐬, 𝐀𝐝𝐦𝐢𝐧𝐢𝐬𝐭𝐫𝐚𝐭𝐨𝐫 𝐬𝐚 𝐎𝐟𝐟𝐢𝐜𝐞 𝐨𝐟 𝐂𝐢𝐯𝐢𝐥 𝐃𝐞𝐟𝐞𝐧𝐬𝐞 (𝐎𝐂𝐃) , aron ma susi ug ma-assess ang kahimtang ug masuta pa unsa ang dugang nga tabang ang mahatag sa National Government sa mga lugar nga grabing naapektuhan sa baha dinhi sa Iligan.

Iyang giila ang dakong paningkamot sa LGU Iligan ilalum sa liderato ni Mayor Frederick Siao , ilabi na sa early warning ug preemptive evacuation nga nakatabang pagminus sa casualties.

Andam ang National Government ug sa lokal nga panggamhanan aron dali nga maibalik ang normal nga kahimtang sa komunidad. Wala kita mag inusara.

Padayon ta sa pagtinabangay.

𝐁𝐚𝐧𝐠𝐨𝐧 𝐭𝐚, 𝐈𝐥𝐢𝐠𝐚𝐧!

#iliganrisebeyondbasyang

#bangoniliganon

#padayonsapagbangoniligan

We would like to hear from you

Send us your feedback, comments and suggestions to help improve our services

Iligan City

What's Happening

𝐏𝐚𝐝𝐚𝐲𝐨𝐧 𝐧𝐠𝐚 𝐏𝐚𝐧𝐚𝐠𝐡𝐢𝐮𝐬𝐚 𝐀𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧

Mapasalamaton kaayo kita sa pagbisita ni DSWD Secretary REX Gatchalian

𝐒𝐚 𝐏𝐚𝐧𝐚𝐡𝐨𝐧 𝐬𝐚 𝐊𝐚𝐥𝐢𝐬𝐨𝐝, 𝐌𝐚𝐠𝐤𝐚𝐡𝐢𝐮𝐬𝐚 𝐊𝐢𝐭𝐚

📢 UPDATE SA CASH ASSISTANCE PROFILING: ADTO NA SA INYONG PUROK!

𝐏𝐚𝐝𝐚𝐲𝐨𝐧 𝐧𝐠𝐚 𝐏𝐚𝐧𝐚𝐠𝐡𝐢𝐮𝐬𝐚 𝐀𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧

𝐁𝐀𝐘𝐀𝐍𝐈𝐇𝐀𝐍 𝐁𝐄𝐘𝐎𝐍𝐃 𝐁𝐎𝐑𝐃𝐄𝐑𝐒 | 𝐂𝐞𝐛𝐮 𝐱 𝐈𝐥𝐢𝐠𝐚𝐧 🤝🌊

UPDATE | On the Ground with DPWH Secretary Vince Dizon

“𝐌𝐚𝐠𝐤𝐚𝐡𝐢𝐮𝐬𝐚 𝐊𝐢𝐭𝐚 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧”

SERBISYO PARA SA MGA NEGOSYANTE: LIBRENG REPRINT SA BUSINESS PERMIT

𝐈𝐋𝐏𝐈: 5,000 𝐒𝐀 77,800 𝐍𝐀𝐋𝐀𝐍𝐆 𝐊𝐀 𝐊𝐔𝐒𝐓𝐎𝐌𝐄𝐑 𝐒𝐀 𝐈𝐋𝐏𝐈 𝐀𝐍𝐆 𝐖𝐀𝐋𝐀 𝐏𝐀𝐘 𝐊𝐔𝐑𝐘𝐄𝐍𝐓𝐄

80% 𝐍𝐀 𝐒𝐀 𝐓𝐔𝐁𝐎𝐃 𝐔𝐆 𝐌𝐀𝐇𝐀𝐘𝐀𝐇𝐀𝐘 𝐇𝐈𝐆𝐇𝐖𝐀𝐘, 𝐍𝐀𝐋𝐈𝐌𝐏𝐘𝐎 𝐍𝐀 -CEO

𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐍𝐆𝐀 𝐍𝐀𝐌𝐔𝐘𝐎 𝐒𝐀 𝐒𝐀𝐑𝐀𝐘, 𝐆𝐈𝐇𝐀𝐓𝐃𝐀𝐍 𝐎𝐆 𝐆𝐑𝐎𝐂𝐄𝐑𝐘 𝐈𝐓𝐄𝐌𝐒, 𝐁𝐔𝐆𝐀𝐒 𝐔𝐆 𝐓𝐔𝐁𝐈𝐆

𝐈𝐋𝐏𝐈: 𝐏𝐀𝐆-𝐀𝐘𝐎 𝐒𝐀 𝐌𝐆𝐀 𝐋𝐈𝐍𝐘𝐀 𝐒𝐀 𝐊𝐔𝐑𝐘𝐄𝐍𝐓𝐄 𝐍𝐆𝐀 𝐍𝐀𝐆𝐔𝐁𝐀 𝐒𝐀 𝐁𝐀𝐒𝐘𝐀𝐍𝐆, 𝐇𝐀𝐏𝐈𝐓 𝐍𝐀 𝐌𝐀𝐇𝐔𝐌𝐀𝐍

𝐃𝐓𝐈, 𝐃𝐔𝐍𝐀𝐘 𝐏𝐑𝐎𝐆𝐑𝐀𝐌𝐀 𝐀𝐋𝐀𝐍𝐆 𝐒𝐀 𝐌𝐆𝐀 𝐆𝐀𝐆𝐌𝐀𝐘𝐍𝐆 𝐍𝐄𝐆𝐎𝐒𝐘𝐀𝐍𝐓𝐄 𝐍𝐆𝐀 𝐍𝐀𝐀𝐏𝐄𝐊𝐓𝐔𝐇𝐀𝐍 𝐒𝐀 𝐊𝐀𝐋𝐀𝐌𝐈𝐃𝐀𝐃

𝐃𝐚𝐠𝐡𝐚𝐧𝐠 𝐒𝐚𝐥𝐚𝐦𝐚𝐭, 𝐌𝐮𝐧𝐢𝐜𝐢𝐩𝐚𝐥𝐢𝐭𝐲 𝐨𝐟 𝐍𝐮𝐧𝐮𝐧𝐠𝐚𝐧 𝐋𝐚𝐧𝐚𝐨 𝐝𝐞𝐥 𝐍𝐨𝐫𝐭𝐞

𝐍𝐚𝐠𝐤𝐚𝐡𝐢𝐮𝐬𝐚 𝐚𝐥𝐚𝐧𝐠 𝐬𝐚 𝐏𝐚𝐠𝐛𝐚𝐧𝐠𝐨𝐧 𝐬𝐚 𝐈𝐥𝐢𝐠𝐚𝐧