News

𝐏𝐔𝐁𝐋𝐈𝐂 𝐀𝐍𝐍𝐎𝐔𝐍𝐂𝐄𝐌𝐄𝐍𝐓

Ani-a ang insaktong oras sa koleksyon sa basura diha sa Barangay Mahayahay ug Barangay Suarez.

📍 𝐌𝐀𝐇𝐀𝐘𝐀𝐇𝐀𝐘

• 𝐊𝐚𝐝𝐚 𝐛𝐮𝐧𝐭𝐚𝐠, 𝐦𝐚𝐭𝐚𝐠 𝐚𝐝𝐥𝐚𝐰

📍 𝐒𝐀𝐑𝐀𝐘

• 𝐌𝐚𝐭𝐚𝐠 𝐋𝐮𝐧𝐞𝐬 𝐮𝐠 𝐇𝐮𝐰𝐞𝐛𝐞𝐬, 𝐭𝐢𝐛𝐮𝐨𝐤 𝐚𝐝𝐥𝐚𝐰

Magtinabangay kita sa pagmintinar sa kalimpyo sa atong komunidad.

#garbagecollection #PSD #AsensoIliganon #IliganCity

𝟏𝟎𝐓𝐇 𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘 || 𝟏𝟔 𝐌𝐀𝐑𝐂𝐇 𝟐𝟎𝟐𝟔

Flag Raising Ceremony Highlights and Accomplishments, hosted by the LGU Iligan - City Social Welfare & Development Office

#CSWD #FlagRaisingCeremony #AsensoIliganon #IliganCity

𝐌𝐆𝐀 𝐄𝐂𝐎𝐋𝐎𝐆𝐘 𝐎𝐅𝐅𝐈𝐂𝐄𝐑𝐒, 𝐆𝐀𝐌𝐎𝐍𝐈𝐓𝐎𝐑 𝐒𝐀 𝐌𝐆𝐀 𝐆𝐀𝐋𝐀𝐁𝐀𝐘 𝐎𝐆 𝐁𝐀𝐒𝐔𝐑𝐀

Padayon ang pagroving sa mga Ecology Officers ug BPAT aron masita ang mga nagpataka og labay sa basura ug wala nag-segregate. Nagtabang usab ang Philippine National Police Maritime ug Bantay Dagat sa pagmonitor sa baybay ug dagat, samtang ang Iligan City Police Office nagtan-aw sa mga CCTV sa syudad aron masapon ang mga naglabay og basura.

Ang mga masakpan, isyuhan og citation ticket, ug posible mamultahan, mapriso, o mag-community service.

I-impound sab ang mga sikad nga masakpan nga galabay og basura. Magtinabangay kita sa pagmintinar sa kalimpyo sa Iligan.

𝐏𝐚𝐝𝐚𝐲𝐨𝐧, 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

𝙇𝙊𝙉𝙂 𝙒𝙀𝙀𝙆𝙀𝙉𝘿 𝘼𝙃𝙀𝘼𝘿!

Proclamation No. 1189, https://www.facebook.com/share/p/1E4Wp8C6YB/

#longweekend #IliganCity

𝐈𝐂𝐖𝐒, 𝐃𝐔𝐍𝐀 𝐍𝐀𝐘 𝐒𝐀𝐓𝐄𝐋𝐋𝐈𝐓𝐄 𝐏𝐀𝐘𝐌𝐄𝐍𝐓 𝐂𝐄𝐍𝐓𝐄𝐑𝐒

Pwede na mobayad sa ilang water bill ang mga kliyente sa lligan City Water Works System (ICWS) sa mga satellite payment centers sa Iligan Bus and Jeepney Terminal Lobby Tambo Cashier, Tambo og Central Market Cashier, ug Iligan City Hall Main Building.

Sumala ni Engr. Glenn Villacin, ang Head sa Customer Services Divsion sa ICWS, nga nagsugod na sa pag operate ang ilang mga Satellite Payment Centers. Aduna usab plano nga magbutang og satellite payment center sa Robinson's Place Iligan Mall.

Tumong sa maong programa mao ang mapasayon og mapadali ang pagbayad sa bill sa tubig sa mga konsumante niini hilabi na sa mga residente na nagpuyo sa mga layo sa sentro sa siyudad.

Na-oberbahan sa ICWS nga ang limitado nga access sa mga payment center ang isa sa mga rason nga 20% lang sa mga konsumante ang gabayad sa insaktong oras.

Ang Satellite Payment Center Program usa ka konkretong solusyon og inisyatibo sa ICWS Customer Services Division, City Treasurer's Office, ug Economic Enterprise Development and Management Office aron mapa uswag og mapadoul ang serbisyo sa ICWS sa katawhan.

𝐈𝐂𝐖𝐒, 𝐌𝐎𝐏𝐀𝐇𝐈𝐆𝐀𝐘𝐎𝐍 𝐎𝐆 𝐁𝐀𝐑𝐀𝐍𝐆𝐀𝐘 𝐖𝐀𝐓𝐄𝐑 𝐎𝐑𝐈𝐄𝐍𝐓𝐀𝐓𝐈𝐎𝐍

Mokanaug sa mga barangay sa Iligan ang Iligan City Waterworks System kon ICWS sa mga barangay aron mapaminaw ug masabtan ang panginahanglan sa suplay sa tubig, mga problema sa serbisyo, ug mga kabalaka sa mga konsumante, sumala ni Engr. Glenn Villacin, ang Customer Service Division Head sa ICWS.

Parte kini sa ilang Water Orientation Program. Tinguha niini nga ma-assess ang serbisyo sa ICWS, makonsulta ang mga konsumante kung unsaon pagpauswag sa serbsyo sa ilang opisina, ug matudloan usab ang mga residente sa mga proseso pa-avail sa serbisyo sa ilang opisina.

Buot sa ICWS nga makahatag og mas maayong serbisyo, sa mas epesyente ug responsable nga paagi.

Kini nga inisyatiba nagpakita sa klaro nga direktiba ug prayoridad ni Mayor Frederick Siao pagsiguro nga ang mga serbisyo sa gobyerno mas mapaduol sa katawhan sa Iligan, sumala ni Villacin.

𝐌𝐆𝐀 𝐏𝐔𝐍𝐎𝐍𝐆 𝐁𝐀𝐑𝐀𝐍𝐆𝐀𝐘 𝐒𝐀 𝐈𝐋𝐈𝐆𝐀𝐍, 𝐆𝐈𝐏𝐀𝐇𝐈𝐍𝐔𝐌𝐃𝐔𝐌𝐀𝐍 𝐒𝐀 𝐏𝐀𝐆𝐏𝐀𝐓𝐔𝐌𝐀𝐍 𝐒𝐀 𝐒𝐄𝐆𝐑𝐄𝐆𝐀𝐓𝐈𝐎𝐍, 𝐊𝐎𝐋𝐄𝐊𝐒𝐘𝐎𝐍 𝐒𝐀 𝐁𝐀𝐒𝐔𝐑𝐀

Gipahinumduman ang mga Punong Barangay sa 38 ka mga Barangay sa Iligan nga apektado sa Bagyong Basyang nga ipatuman pagbalik ang segregation o paglahi-lahi sa basura, ug nga ang mga barangay ang mo-kolekta sa mga basura gikan sa household.

Kini human ang Public Services Division (PSD) unâ ang mikolekta sa basura sa kabarangayan human sa bagyo.

Sumala ni Maria Estella Bramida, JD, Ecology Officer, hatagan ang mga Punong Barangay og higayon nga magrekorida aron mo-edukar pagbalik sa mga residente sa saktong paghipos sa basura. Mosunod niini ang pag-issue og citation ticket sa mga masapon ug mapamatud-an nga nakasupak sa Solid Waste Management Act.

Gipajhinumduman sab ang barangay sa ilang obligasyon nga mo-kolekta sa mga basura gikan sa household.

𝐈𝐂𝐖𝐒, 𝐍𝐀𝐍𝐀𝐖𝐀𝐆𝐀𝐍 𝐒𝐀 𝐏𝐀𝐆𝐃𝐀𝐆𝐈𝐍𝐎𝐓 𝐒𝐀 𝐓𝐔𝐁𝐈𝐆, 𝐈𝐑𝐄𝐏𝐎𝐑𝐓 𝐀𝐍𝐆 𝐈𝐋𝐋𝐄𝐆𝐀𝐋 𝐂𝐎𝐍𝐍𝐄𝐂𝐓𝐈𝐎𝐍 𝐔𝐆 𝐋𝐄𝐀𝐊𝐒

Gi-awhag sa Iligan City Waterworks System ang mga konsumante sa tubig nga magtinabangay sa pagdaginot sa tubig. Kini alayon sa pag-obserbar sa World Water Conservation Day sa Marso 23, 2026.

Kini ang mga paagi sa pagdaginot sa tubig:

1. Pagkolekta ug pagtigum og tubig sa ulan aron magamit sa pagbisbis sa tanom o pagpanglimpyo.

2. Isira ang gripo samtang mag-toothbrush aron dili masayang ang tubig.

3. Dili pasagdan nga ga-agas ang tubig sa pag-defrost sa pagkaon.

4. Mogamit og balde kung manghugas og sakyanan imbes nga hose nga padayon ang agas.

5. Pagbisbis sa tanom sa buntag sayo o sa hapon samtang dili pa kaayo init aron dili dayon mauga ang tubig.

6. Maglaba kung puno na ang labada aron malikayan ang sige-sige nga pag-gamit sa tubig.

7. Ayuhon dayon ang mga tagas sa gripo o tubo aron malikayan ang pagka-usik sa tubig.

Dugang hangyo sa ICWS nga ireport sab ang ilegal nga koneksyon o mga wala ga-metro, ug mga ga-gamit og pump. Ingon man ireport ang mga mamatikdan nga leak o mga tagas.

4 𝐃𝐀𝐘 𝐂𝐎𝐌𝐏𝐑𝐄𝐒𝐒𝐄𝐃 𝐖𝐎𝐑𝐊𝐖𝐄𝐄𝐊 𝐒𝐀 𝐋𝐆𝐔 𝐈𝐋𝐈𝐆𝐀𝐍 𝐒𝐔𝐆𝐃𝐀𝐍 𝐊𝐀𝐑𝐎𝐍𝐆 𝐀𝐃𝐋𝐀𝐖𝐀

Magsugod karong adlawa, Marso 16, 2026, ang 4-Day Compressed Workweek sa LGU Iligan alayon sa Memorandum Circular no. 29 nga gipagawas ni Mayor Frederick Siao.

Ang Memorandum Circular subay usab sa Memorandum Circular No. 114 gikan sa Office of the President. Gihimo ang memorandum sa pagdaginot sa enerhiya ug flexible nga paagi sa pagtrabaho kabahin sa nasudnong paningkamot aron ma-menusan ang gasto alang sa gasolina ug kuryente ilabi na nga nagmahal karun ang petrolyo.

Exempted sa 4-day Compressed Workweek ang mga essential services sama sa serbisyo sa panglawas sa publiko, pagtubag sa mga emerhensya, pag-andam sa kalamidad, ug public safety.

Sumala ni Ceferino Sanchez Jr, ang Acting Head sa City Human Resource and Management Office (CHRMO), ang 4-Day Compressed Workweek naglangkob sa gikinahanglan nga 40 oras kada semana.

Ang sistema nagpasabot nga ang mga empleyado motrabaho og upat ka adlaw sa usa ka semana, gikan Lunes hangtod Huwebes, gikan alas 8:00 sa buntag hangtod alas 7:00 sa gabii.

𝐁𝐑𝐈𝐆𝐇𝐓𝐌𝐈𝐍𝐃𝐒 𝐈𝐍𝐒𝐓𝐈𝐓𝐔𝐓𝐄 𝐎𝐅 𝐌𝐈𝐍𝐃𝐀𝐍𝐀𝐎 𝐈𝐍𝐂𝐎𝐑𝐏𝐎𝐑𝐀𝐓𝐄𝐃 𝐌𝐀𝐆𝐁𝐔𝐊𝐀𝐒 𝐍𝐀; 𝐌𝐆𝐀 𝐌𝐎-𝐄𝐍𝐑𝐎𝐋 𝐖𝐀𝐋𝐀𝐘 𝐓𝐔𝐈𝐓𝐈𝐎𝐍, 𝐇𝐀𝐓𝐀𝐆𝐀𝐍 𝐎𝐆 𝐀𝐋𝐋𝐎𝐖𝐀𝐍𝐂𝐄

Walay tuition ug mga bayrunon ang mga mo-enrol sa Brightminds Institute of Mindanao Incorporated (BIM) alang sa ilang ikaduhang school year. Libre usab ang uniform ug ID, ug adunay allowance nga P2,000 ang estudyante sa kada school year, sumala ni Christian Gochuico, tag-iya sa BIM

Ang bag-ong eskwelahan nagtanyag og Senior High School nga dunay duha ka strands ang Humanities and Social Sciences (HUMSS) ug General Academic Strand (GAS).

Ang eskwelahan nahimutang sa ikaduhang andana sa SRL Building, Obach Street, Ilaya Poblacion sa siyudad – kilid sa Metrobank, taas sa Full House Halo-halo ug atbang sa Victoria Bakery.

Lauman nga face-to-face na ang klase sa BIM sa sunod school year 2026-2027, dili sama sa karon nga school year nga hybrid learning ang gihimong paagi sa ilang pagtudlo.

Ang pagpandawat og mga estudyante alang sa pag-enroll magsugod sa Abril 6, 2026. Bisan pa niini, bukas na ang eskwelahan alang sa pag-reserba ug mga pangutana.

Ang mga interesado nga mag-enroll sa BIM mahimong motawag o mag-text sa numero nga 0961-875-9720, o sa landline nga 063 (223-3789).

𝐄𝐗𝐈𝐓 𝐂𝐎𝐍𝐅𝐄𝐑𝐄𝐍𝐂𝐄 𝐒𝐀 𝐏𝐃𝐍𝐀 𝐒𝐀 𝐈𝐍𝐅𝐑𝐀𝐒𝐓𝐑𝐔𝐂𝐓𝐔𝐑𝐄 𝐔𝐆 𝐏𝐑𝐎𝐃𝐔𝐂𝐓𝐈𝐎𝐍 𝐒𝐄𝐂𝐓𝐎𝐑 𝐆𝐈𝐏𝐀𝐇𝐈𝐆𝐀𝐘𝐎𝐍

Gipahigayon ang exit conference sa Post Disaster and Needs Assessment (PDNA) diin gireport sa mga teams ang mga gisusi nga mga imprastraktura ug agrikultura, pag-obserbar ug pag-evaluate sa epekto o kadaut nga nahimo sa Bagyong Basyang sa Office of the Civil Defense (OCD), LGU-Iligan, ug ubang ahensya sa gobyerno.

Ning semanaha giadtuan ug gitan-aw nila ang mga tulay, dalan ug flood control projects ingon man ang mga pasilidad ug pananum sa mga mag-uuma.

"Ang ilang mga findings, ilang mga observations, ilang i-take note then after these naay writeshop. Ang LGU mag-andam pud sila og data," pamahayag ni Armien Alorro ang Head sa Iligan City Disaster Risk Reduction Management Office.

"Tanan makuha diri i-writeshop next week puro pa ni draft before ma final ang rehabilitation and recovery," dugang ni Patrick Alains Callanta ang Office of Civil Defense (OCD) Region X OIC for the Disaster Risk Reduction and Management Division (DRRMD) ug Aecrion Chief sa Rehabilitation and Recovery Management Section (RRMS).

Gibutyag ni Alorro kamolo pa ang assessment sa serbisyong sosyal hilabi na ang mga 7 balay sa internally displaced persons nga naguba ang mga puy-anan.

Ang resulta sa assessment mao ang basehan sa recovery and rehabilitation program sa Iligan kini human sa writeshop nga salmotan sa mga representante sa nasudnong mga buhatan ug LGU Iligan.

𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐒𝐀 𝐌𝐀𝐇𝐀𝐘𝐀𝐇𝐀𝐘, 𝐆𝐈-𝐀𝐖𝐇𝐀𝐆 𝐍𝐆𝐀 𝐈𝐏𝐀𝐆𝐀𝐖𝐀𝐒 𝐋𝐀𝐍𝐆 𝐈𝐋𝐀𝐍𝐆 𝐁𝐀𝐒𝐔𝐑𝐀 𝐊𝐔𝐍𝐆 𝐊𝐎𝐋𝐄𝐊𝐓𝐀𝐇𝐎𝐍 𝐍𝐀 𝐒𝐀 𝐁𝐀𝐑𝐀𝐍𝐆𝐀𝐘

Gi-awhag ni Joel Labandero, ang Punong Barangay sa Mahayahay, nga ipagawas lang sa ilang mga resdente ang household waste o basura kung kolektahon ila nang kolektahon. Buntag matag adlaw gakolekta og basura ang barangay. Samtang pwede itawag sa barangay ang koleksyon sa mga basura nga salin pa sa baha.

Kini aron dili magdugay sa dalan ang mga basura ug dili mahimong hinungdan sa pagkabara sa mga drainage sa dapit, ingon man dili matapok.

Ga-purok purok na sab og pahibalo sa mga residente ang mga opsiyal sa barangay.

Mihimo sab ang Ecology Officers, Public Services Division, ICENRO, Barangay, Bantay Dagat, PNP Maritime, ug mga Pulis og team nga mo-issue og citation ticket sa mga masapon nga pataka og labay og basura.

Duna sab P1,000 nga reward ang barangay sa mga nakasumbong o kaha makakuha og litrato sa mga gapataka og labay og basura sa dapit. Pasalig sa barangay nga walay makahibalo sa identity sa mosumbong.

𝐈𝐂𝐄𝐍𝐑𝐎, 𝐏𝐒𝐃, 𝐌𝐈𝐏𝐀𝐇𝐈𝐌𝐀𝐍𝐆𝐍𝐎 𝐍𝐆𝐀 𝐃𝐈𝐋𝐈 𝐏𝐀𝐓𝐀𝐊𝐀 𝐍𝐆𝐀 𝐈𝐋𝐀𝐁𝐀𝐘 𝐀𝐍𝐆 𝐖𝐀𝐋𝐀 𝐌𝐀-𝐋𝐀𝐇𝐈 𝐋𝐀𝐇𝐈 𝐍𝐆𝐀 𝐁𝐀𝐒𝐔𝐑𝐀

Na-obserbahan sa Iligan City Environment and Natural Resources (ICENRO) nga dili tanang basura sa kilid sa dalan sa Purok Manuang Barangay Tubod mga salin sa baha apan apil na mga basura gikan sa mga residente sa dapit nga nasunogan ning bag-o, mga basura sa panimalay, ug mga establisyamento.

Base sa isnpeksyon ni Maria Estella M. Bramida, JD, Ecology Pffocer Henry Payao, ug mga opisyal sa DENR, gasunod na ang mga residente sa Tubod ‘no-segregation, no-collection’ policy sa wala pa nahitabo ang Bagyong Basyang, apan human sa kalamidad, gisagol na ang mga basura nga gilabay.

Dunay balaud ang syudad nga kinahanglan lahi-lahi-on og i-segregate daan ang mga basura diha sa panimalay kung unsay mapuslan pa ug ma-recycle, malata, ug dili malata.

Sa pagka-karun, hakuton lang unâ sa barangay ug Public Services Division ang basura, apan ipatuman sab ang pag-issue og citation ticket sa mga masapon nga pataka og labay og basura, ug galabay og mga basura nga wala malahi-lahi.

Dunay team sa mga Pulis ug mga Ecology Officers nga mo-monitor sa dapit.

𝐁𝐑𝐆𝐘. 𝐒𝐀𝐑𝐀𝐘: 𝐊𝐎𝐋𝐄𝐊𝐒𝐘𝐎𝐍 𝐒𝐀 𝐁𝐀𝐒𝐔𝐑𝐀 𝐌𝐀𝐓𝐀𝐆 𝐋𝐔𝐍𝐄𝐒 𝐔𝐆 𝐇𝐔𝐖𝐄𝐁𝐄𝐒, 𝐌𝐆𝐀 𝐑𝐄𝐒𝐈𝐃𝐄𝐍𝐓𝐄 𝐆𝐈-𝐀𝐁𝐈𝐒𝐎𝐇𝐀𝐍 𝐍𝐆𝐀 𝐌𝐀𝐆 𝐒𝐄𝐆𝐑𝐄𝐆𝐀𝐓𝐄

Matag Lunes ug Huwebes sa buntag ang pagkolekta sa basura sa Saray, pagpahinumdum ni Punong Barangay Nitzche Largo ngadto sa mga residente. Niini nga mga adlaw lang ipagawas ang mga basura. Kini aron dili matapok ang basura sa dalan.

Namatikdan nila nga dunay mga taga sikbit nga barangay nga gapanglabay og basura sa ilang lugar. Sumala ni Public Services Division Head Aldwin Cabornay nga gina-ipon sa mga taga ubang lugar ang ilang basura kung masugdan na og tapok ang basura kilid sa dalan. Nabantayan sab sa Ecology Officers nga daghan sa mga residente sa dapit ang dili ga-segregate sa ilang basura ug pataka og labay niini.

Gisabutan sa Iligan City Environment and Natural Resources (ICENRO), Public Services Division, Police Station 5, Bantay Dagat, PNP Maritime, ug barangay nga isyuhan og citation ticket ang masakpan nga magpataka og labay og basura, ug mga galabay og basura nga wala gi-segregate.

𝐌𝐀𝐒𝐒 𝐑𝐀𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍 𝐏𝐑𝐎𝐆𝐑𝐀𝐌 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙

A total of 982 dogs and cats were successfully vaccinated during the Mass Rabies Vaccination Program at Barangay Suarez conducted by the City Veterinary Office (Cvo Iligan) last March 10-12, 2026.

Padayon ang paningkamot sa syudad aron mapanalipdan ang mga binuhi ug komunidad batok sa rabies.

#RabiesAwareness #MassVaccination

#AsensoIliganon #IliganCity

𝐋𝐀𝐍𝐓𝐀𝐖𝐀 : 𝐋𝐆𝐔-𝐈𝐋𝐈𝐆𝐀𝐍, 𝐃𝐀𝐊𝐎 𝐀𝐍𝐆 𝐒𝐔𝐏𝐎𝐑𝐓𝐀 𝐒𝐀 𝐌𝐆𝐀 𝐀𝐓𝐋𝐄𝐓𝐀 𝐒𝐀 𝐈𝐋𝐈𝐆𝐀𝐍 𝐀𝐋𝐀𝐍𝐆 𝐒𝐀 𝐔𝐌𝐀𝐀𝐁𝐎𝐓 𝐍𝐆𝐀 𝐍𝐌𝐑𝐀𝐀

Midawat og tag 3,000 𝐏𝐞𝐬𝐨𝐬 𝐚𝐥𝐚𝐧𝐠 𝐬𝐚 𝐢𝐥𝐚𝐧𝐠 𝐈𝐧𝐭𝐞𝐧𝐬𝐢𝐯𝐞 𝐓𝐫𝐚𝐢𝐧𝐢𝐧𝐠 𝐀𝐥𝐥𝐨𝐰𝐚𝐧𝐜𝐞 𝐚𝐧𝐠 800 𝐤𝐚 𝐦𝐠𝐚 𝐚𝐭𝐥𝐞𝐭𝐚, 𝐜𝐨𝐚𝐜𝐡𝐞𝐬, 𝐮𝐠 𝐭𝐫𝐚𝐢𝐧𝐞𝐫𝐬 𝐬𝐚 𝐈𝐥𝐢𝐠𝐚𝐧. Kini isip suporta sa LGU Iligan alang sa ilang pag-apil sa 𝐍𝐨𝐫𝐭𝐡𝐞𝐫𝐧 𝐌𝐢𝐧𝐝𝐚𝐧𝐚𝐨 𝐑𝐞𝐠𝐢𝐨𝐧𝐚𝐥 𝐀𝐭𝐡𝐥𝐞𝐭𝐢𝐜 𝐀𝐬𝐬𝐨𝐜𝐢𝐚𝐭𝐢𝐨𝐧 (𝐍𝐌𝐑𝐀𝐀) 𝐂𝐨𝐦𝐩𝐞𝐭𝐢𝐭𝐢𝐨𝐧 sa Bukidnon karung umaabot nga Marso 19–24, 2026.

Duna usab dugang P1,000 nga ilang madawat didto mismo sa venue. Nadawat sab nila ang mga toiletries nga magamit nila sa tibuok kompetisyon.

Gisiguro ni Mayor Freddie Siao nga mahatagan og igong suporta ang mga atleta pinaagi sa Local School Board alang sa kalamboan sa atong mga batan-ong atleta.

Padayon, Asenso Iliganon!

𝐏𝐀𝐆- 𝐕𝐀𝐋𝐈𝐃𝐀𝐓𝐄 𝐒𝐀 𝐍𝐇𝐀 𝐒𝐀 𝐌𝐆𝐀 𝐍𝐀𝐆𝐔𝐁𝐀 𝐍𝐆𝐀 𝐁𝐀𝐋𝐀𝐘 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆 𝐆𝐈𝐒𝐔𝐆𝐃𝐀𝐍 𝐒𝐀 𝐁𝐀𝐑𝐀𝐍𝐆𝐀𝐘 𝐓𝐔𝐁𝐎𝐃

Gisubay sa 12 ka teams sa National Housing Authority (NHA) ang mga kabalayan sa Internally Displaced Persons sa Iligan.

Sumala ni Reynaldo Roque sa Housing Resettlement Office sa buhatan ni Mayor Frederick Siao nga ang gibasihan sa giadtuan nga mga naguba nga mga balay ang

LGU- Certified masterlist gikan sa City Social Welfare and Development kung asa nalista ang mga pamilyang angayan sa housing assistance.

Dunay Damage Assessment Report nga subayon sa mga validators. Matud ni Roque ni-uban sa mga validators ang mga Purok President kinsa mao ang naka-ila sa mga IDP's nga tag-iya sa mga balay nga gisusi ug makadawat ug financial assistance pinaagi sa Emergency Housing Assistance Program.

Si Chief of Staff Jules Verne Padilla ang mi abi-abi sa mga validators sa ilang pagbisita sa opisina ni Mayor Frederick Siao sa wala pa nasugod ang validation.

"In behalf of our City Mayor Frederick Siao pasalamat sa NHA for the support always. We are so thankful. Need og tabang ang Iligan. Kamo sa NHA mo-validate, motabang, mo-identify. Dili ni lalim I'm so sure, kay sa validation moadto mo per barangay hopefully everything will be a success pagtabang sa mga Iliganon kay immediate ang need nila," sumala ni Chief of Staff Padilla.

Gitakda nga mahuman karong adlawa ang validation sa Barangay Tubod. Ang NHA ang mipadayon sa Joint- Emergency Housing Assistance Program (EHAP) validation activity human gisugdan sa Department of Human Settlements and Urban Development didto sa Barangay Pugaan.

800K for Iligan: A Brotherhood of Support from the Fil-Chi Community 🧧

Dako kaayo ang akong garbo ug pasalamat sa atong mga kaigsuonan sa Filipino-Chinese Community. As a Filipino-Chinese myself, it deeply moves me to see my colleagues and friends from the chambers of commerce standing side-by-side with us during this difficult time after Bagyong Basyang.

Ining panahona, makita gyud nato ang tinuod nga panaghiusa. We have received a total of ₱800,000.00 in generous donations from the following:

₱320,000.00 – Lanao Filipino-Chinese Chamber of Commerce Inc.

₱300,000.00 – Misamis Oriental Filipino-Chinese Chamber of Commerce and Industry Inc.

₱180,000.00 – Federation of Filipino-Chinese Chambers of Commerce & Industry, Inc. (FFCCCII)

Dili lang kini kwarta; kini simbolo sa atong pagpakabana sa usag-usa. I am personally touched that my fellow Fil-Chi brothers and sisters are among the first to extend their hands to help our Iliganon families recover.

Inyong gipakita nga sa panahon sa kalisod, usa ra jud ta ka pamilya. Daghang salamat sa inyong manggihatagon nga kasing-kasing. Mapasalamaton ko nga kamo ang akong kauban sa pagserbisyo ug sa pagbangon sa atong pinalanggang Iligan.

Padayon sa pag-bangon,liganon! ✊🏙️

#MayorUpdates #FreddieSiao #MayorSiao

#IliganCity #BagyongBasyang #FilipinoChineseCommunity #UnityInIligan

A NEW CHAPTER OF LEADERSHIP: THE AMCC INVESTITURE AND DEDICATION CEREMONY

Naka-attend ta og usa ka meaningful morning sa Adventist Medical Center College (AMCC) para sa ilang Investiture and Dedication Ceremony. ✨

Isip inyong Mayor, dako kaayo ang akong pagdayeg sa mga institusyon nga nag-atiman dili lang sa utok, kundi pati na sa kasing-kasing sa atong mga batan-on—labi na sa natad sa medisina.

Sa akong mensahe sa ilaha, gi-emphasize nako nga ang Good Governance dili lang dapat kutob sa City Hall. It must be the heartbeat of every school. Ang tinuod nga liderato nagkinahanglan og integridad, transparency, ug labaw sa tanan, ang "human touch." Kinahanglan natong pangutan-on kanunay ang atong kaugalingon: "Giunsa niini pag-alsa ang kinabuhi sa tawo nga naa sa atong atubangan?"

Dili sayon ang pagkab-ot sa posisyon nga naay pagsalig sa katawhan. It takes hard work and consistency to earn that trust. Mao usab kini ang hagit nako sa atong mga bag-ong officers.

Personal usab ang akong kalipay niining adlawa tungod kay ang bag-ong Presidente sa AMCC mao ang akong dugay na nga higala, si Pr. Jimmy V. Adil, Jr. 🏃‍♂️💨

Nakahinumdom ko kaniadto, sa dihang City Sports Director pa ko, pirme nako makita si Jimmy sa track field. I have seen his discipline and endurance as a runner. Kining maong "runner’s spirit"—ang kaisog ug paglahutay—mao pud ang iyang dad-on sa pagdumala sa AMCC. I am truly proud of what you have accomplished, my friend!

Congratulations, President Jimmy! Kabalo ko nga ubos sa imong pagdumala, mas modan-ag pa ang AMCC.

Sa tibuok AMCC community, kasing-kasing ug suporta sa City Government ang inyong kauban. Let's continue to make Iligan a place where dreams truly shine!

Padayon, Asenso Iliganon! 💎

𝐂𝐈𝐓𝐘 𝐎𝐑𝐃𝐈𝐍𝐀𝐍𝐂𝐄 𝐍𝐎. 𝟐𝟔-𝟕𝟕𝟕𝟗

�𝐍 𝐎𝐑𝐃𝐄𝐑 𝐀𝐌𝐄𝐍𝐃𝐈𝐍𝐆 𝐄𝐗𝐄𝐂𝐔𝐓𝐈𝐕𝐄 𝐎𝐑𝐃𝐄𝐑 𝐍𝐎. 𝟐𝟎-𝟔𝟗𝟔𝟑, 𝐖𝐇𝐈𝐂𝐇 𝐂𝐑𝐄𝐀𝐓𝐄𝐃 𝐓𝐇𝐄 𝐈𝐋𝐈𝐆𝐀𝐍 𝐂𝐈𝐓𝐘 𝐃𝐈𝐒𝐀𝐒𝐓𝐄𝐑 𝐑𝐈𝐒𝐊 𝐑𝐄𝐃𝐔𝐂𝐓𝐈𝐎𝐍 𝐀𝐍𝐃 𝐌𝐀𝐍𝐀𝐆𝐄𝐌𝐄𝐍𝐓 𝐃𝐄𝐏𝐀𝐑𝐓𝐌𝐄𝐍𝐓 (𝐈𝐂𝐃𝐑𝐑𝐌𝐃), 𝐁𝐘 𝐏𝐑𝐎𝐕𝐈𝐃𝐈𝐍𝐆 𝐅𝐎𝐑 𝐈𝐓𝐒 𝐎𝐑𝐆𝐀𝐍𝐈𝐙𝐀𝐓𝐈𝐎𝐍𝐀𝐋 𝐒𝐓𝐑𝐔𝐂𝐓𝐔𝐑𝐄, 𝐂𝐑𝐄𝐀𝐓𝐈𝐍𝐆 𝐀𝐃𝐃𝐈𝐓𝐈𝐎𝐍𝐀𝐋 𝐏𝐋𝐀𝐍𝐓𝐈𝐋𝐋𝐀 𝐏𝐎𝐒𝐈𝐓𝐈𝐎𝐍𝐒, 𝐏𝐑𝐄𝐒𝐂𝐑𝐈𝐁𝐈𝐍𝐆 𝐈𝐓𝐒 𝐒𝐓𝐀𝐅𝐅𝐈𝐍𝐆 𝐏𝐀𝐓𝐓𝐄𝐑𝐍, 𝐀𝐏𝐏𝐑𝐎𝐏𝐑𝐈𝐀𝐓𝐈𝐍𝐆 𝐅𝐔𝐍𝐃𝐒 𝐓𝐇𝐄𝐑𝐄𝐅𝐎𝐑, 𝐀𝐍𝐃 𝐅𝐎𝐑 𝐎𝐓𝐇𝐄𝐑 𝐏𝐔𝐑𝐏𝐎𝐒𝐄𝐒

Is hereby amended to expand the organizational structure, provide a staffing pattern, and create additional plantilla positions for the lligan City Disaster Risk Reduction and Management Department (ICDRRMD).

#approved #fullfledged #ICDRRMO

#AsensoIliganon #IliganCity

We would like to hear from you

Send us your feedback, comments and suggestions to help improve our services

Iligan City

What's Happening

𝐏𝐔𝐁𝐋𝐈𝐂 𝐀𝐍𝐍𝐎𝐔𝐍𝐂𝐄𝐌𝐄𝐍𝐓

𝟏𝟎𝐓𝐇 𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘 || 𝟏𝟔 𝐌𝐀𝐑𝐂𝐇 𝟐𝟎𝟐𝟔

𝐌𝐆𝐀 𝐄𝐂𝐎𝐋𝐎𝐆𝐘 𝐎𝐅𝐅𝐈𝐂𝐄𝐑𝐒, 𝐆𝐀𝐌𝐎𝐍𝐈𝐓𝐎𝐑 𝐒𝐀 𝐌𝐆𝐀 𝐆𝐀𝐋𝐀𝐁𝐀𝐘 𝐎𝐆 𝐁𝐀𝐒𝐔𝐑𝐀

𝙇𝙊𝙉𝙂 𝙒𝙀𝙀𝙆𝙀𝙉𝘿 𝘼𝙃𝙀𝘼𝘿!

𝐈𝐂𝐖𝐒, 𝐃𝐔𝐍𝐀 𝐍𝐀𝐘 𝐒𝐀𝐓𝐄𝐋𝐋𝐈𝐓𝐄 𝐏𝐀𝐘𝐌𝐄𝐍𝐓 𝐂𝐄𝐍𝐓𝐄𝐑𝐒

𝐈𝐂𝐖𝐒, 𝐌𝐎𝐏𝐀𝐇𝐈𝐆𝐀𝐘𝐎𝐍 𝐎𝐆 𝐁𝐀𝐑𝐀𝐍𝐆𝐀𝐘 𝐖𝐀𝐓𝐄𝐑 𝐎𝐑𝐈𝐄𝐍𝐓𝐀𝐓𝐈𝐎𝐍

𝐈𝐂𝐖𝐒, 𝐍𝐀𝐍𝐀𝐖𝐀𝐆𝐀𝐍 𝐒𝐀 𝐏𝐀𝐆𝐃𝐀𝐆𝐈𝐍𝐎𝐓 𝐒𝐀 𝐓𝐔𝐁𝐈𝐆, 𝐈𝐑𝐄𝐏𝐎𝐑𝐓 𝐀𝐍𝐆 𝐈𝐋𝐋𝐄𝐆𝐀𝐋 𝐂𝐎𝐍𝐍𝐄𝐂𝐓𝐈𝐎𝐍 𝐔𝐆 𝐋𝐄𝐀𝐊𝐒

4 𝐃𝐀𝐘 𝐂𝐎𝐌𝐏𝐑𝐄𝐒𝐒𝐄𝐃 𝐖𝐎𝐑𝐊𝐖𝐄𝐄𝐊 𝐒𝐀 𝐋𝐆𝐔 𝐈𝐋𝐈𝐆𝐀𝐍 𝐒𝐔𝐆𝐃𝐀𝐍 𝐊𝐀𝐑𝐎𝐍𝐆 𝐀𝐃𝐋𝐀𝐖𝐀

𝐄𝐗𝐈𝐓 𝐂𝐎𝐍𝐅𝐄𝐑𝐄𝐍𝐂𝐄 𝐒𝐀 𝐏𝐃𝐍𝐀 𝐒𝐀 𝐈𝐍𝐅𝐑𝐀𝐒𝐓𝐑𝐔𝐂𝐓𝐔𝐑𝐄 𝐔𝐆 𝐏𝐑𝐎𝐃𝐔𝐂𝐓𝐈𝐎𝐍 𝐒𝐄𝐂𝐓𝐎𝐑 𝐆𝐈𝐏𝐀𝐇𝐈𝐆𝐀𝐘𝐎𝐍

𝐈𝐂𝐄𝐍𝐑𝐎, 𝐏𝐒𝐃, 𝐌𝐈𝐏𝐀𝐇𝐈𝐌𝐀𝐍𝐆𝐍𝐎 𝐍𝐆𝐀 𝐃𝐈𝐋𝐈 𝐏𝐀𝐓𝐀𝐊𝐀 𝐍𝐆𝐀 𝐈𝐋𝐀𝐁𝐀𝐘 𝐀𝐍𝐆 𝐖𝐀𝐋𝐀 𝐌𝐀-𝐋𝐀𝐇𝐈 𝐋𝐀𝐇𝐈 𝐍𝐆𝐀 𝐁𝐀𝐒𝐔𝐑𝐀

𝐌𝐀𝐒𝐒 𝐑𝐀𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍 𝐏𝐑𝐎𝐆𝐑𝐀𝐌 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙

800K for Iligan: A Brotherhood of Support from the Fil-Chi Community 🧧

A NEW CHAPTER OF LEADERSHIP: THE AMCC INVESTITURE AND DEDICATION CEREMONY

𝐂𝐈𝐓𝐘 𝐎𝐑𝐃𝐈𝐍𝐀𝐍𝐂𝐄 𝐍𝐎. 𝟐𝟔-𝟕𝟕𝟕𝟗