News

MGA ESTABLISYAMENTO NGA DUNAY 100K O SOBRA NGA KAPITAL, SUSIHON KUNG DUNAY CCTV

Ga-pahigayon og survey ang Iligan City Monitoring and Inspection Task Force kung dunay mga Closed-Circuit Television (CCTV) ang mga establisyamento nga 100 thousand pesos pataas ang kapital.

Apil sa i-survey kung dunay business permit ang mga establisyamento ug unsay kalidad sa gi-instalar nila nga CCTV.

“Padalhan nato og letter ang mga establishments nga kinahanglan mo-comply gyud sila and reminding them nga dili aprubahan ilang business permit sa 2024 kung dili sila ka-comply ani nga ordinance,” sumala kang Romeo Villanura, ang Head sa Task Force.

Dugang niya, dakong tabang ang CCTV aron matahap ang mga dautan, ug aron masulbad ang mga krimen nga mahitabo sulod sa mga establisyamento.

Sa ordinansa ni Konsehal Atty. Provedencio Abragan Jr., ang Chair sa Committee on Peace and Order and Security, lakip sa gimanduan nga magbutang og CCTV ang mga bus terminals, gasoline station, department stores, entertainment placeS, groceries, hotels, lending firms, hospitals, internet cafes, pawnshops, malls, restaurants, mga eskwelahan, seaportS, ug sports center o mga lugar nga tapukanan sa publiko.

[R.A/ CIO]

Napili nga Iligan City Singing Ambassador 2023 si Charmaine Mabano

LANTAWA:

Napili nga Iligan City Singing Ambassador 2023 si Charmaine Mabano gikan sa napulo nga ga-tigi sa kanta niadtong Marso 19, 2023.

Samtang mi-daug ‘sab ang Corpus Christi Parochial School of Iligan (CCPSI) Youth Ministrels gikan sa walo ka grupo nga nagsangka sa sa "Huni sa kagahapon" Choral Competition.

Gipahigayon ang kompetisyon sa JCI Kulintang ug Lokal nga Kagamhanan aron ma-diskubre ug madasig ang mga bag-o o local artists.

Sumala ni City Administrator Dr. Darwin Manubag, usa lang kini sa daghan pa nga mga kompetisyon sa niining Music Month.

[Harvey dela Torre/CIO]

Safe Spaces Act o Bawal Bastos Law

LANTAWA:

Gipasabot ni City Information Officer Alfredo Paradela III sa mga empleyado sa opisina ni Vice Mayor Marianito Alemania ang Safe Spaces Act o Bawal Bastos Law.

Niini nga balaud, gi-dili ang sexual harassment, homophobic remarks, pag-sipol, sekswal nga mga komento, ug law-ay nga binuhatan diha sa mga pampublikong lugar sama sa trabaho-an, mga eskwelahan, ug bisan online.

Gawas sa multa, pwedeng mo-serbisyo sa komunidad o kaha ma-priso ang molapas niini nga balaud.

Sumala ni Ferdinand Marquez, ang Senior Admin Assistant V sa opisina, importante nga mag-sugod sa mga buhatan sa mga opisyal sa gobyerno ang pagtuman sa balaud aron mahimo sila nga ehemplo sa uban.

“As workers of the government, we are bound to support these policies,” sumala ni Marquez.

Tinguha usab sa pagtudlo nila sa Bawal Bastos Law nga mahimong luwas ug komportable ang ilang opisina alang sa tanang nanarbaho.

Dunay sumbonganan sa ilang opisina alang sa mga empleyado nga gi-bastos.

Alayon ang ilang kalihukan sa pag-obserbar sa Women’s month.

[R.A/ CIO]

NEGOSYANTE NGA GA-BILIN OG BASURA GAWAS SA ESTABLISYAMENTO, GI-MULTAHAN

Mi-pahimangno ang Barangay Poblacion og City LGU nga seryoso kini sa pag-gukod sa mga ga-pataka og labay og basura.

Nasapon sa Barangay LGU ang negosyante nga tag-iya sa basura dihang gisubay ang CCTV footage nga kuha sa dapit.

Sa footage, nakita ang sakyanan sa negosyante nga ga-diskarga og daghan nga basura sa eskina sa Quezon Avenue ug Baslayan Creek niadtong Marso 9, 2023 sa gabii.

Mi-atubang ang negosyante kang Punong Barangay Anton Pacana ug mi-saad nga dili na kini ma-usab.

Sa City Environment Code, gi-dili ang paglabay og basura gawas sa Solid Waste Facility, ingon man ang paglabay og wala gilahi-lahi nga basura.

Gi- multahan og P5,000 ang negosyante.

[R.A/ CIO]

SEKTOR SA MAG-UUMA, MANANAGAT SA ILIGAN, GI-PABUNGAT SA ILANG GUSTO NGA PROYEKTO UG PROGRAMA

Gi-pahimo og plano sa City Agriculturist’s Office (CAG) ang Rural-Based Organizations (RBO) o mga asosasyon sa mananagat ug mag-uuma kung unsay gikinahanglan pa nila nga mga proyekto diha sa barangay. Sila mismo ang mo-identify sa mga proyekto ug programa nga gusto nila nga i-implementar sa Lokal nga Kagamhanan ug Department of Agriculture sa mosunod nga mga tuig.

Sumala kang Marie Anne Beley, ang Acting Officer-in-Charge sa Agriculturist’s Office, nga otabang ‘sab ang mga RBO sa CAG pag-implementar sa maong mga programa diha sa barangay, pag-monitor, ug pag-evaluate sa estado sa proyekto.

Dugang ‘sab ni Kevin Fernan, ang Consultant sa CAG, gitagaan sa administrasyon karun og dakong papel ang mga benepisyaryo sa pag-implementar sa mga proyekto ug programa aron masiguro nga haum kini sa ilang gikinahanglan.

“Sa una, ang agriculture sector, dili na sila ganahan mo-partner kay murag walay paningkamot ang syudad. Karun nakita gyud nila nga naay kalamboan ang Iligan. Kini nga kalamboan, dili magsumikad sa amoa. Mao nga gi-challenge nako ang Rural-Based Organizations, HUCAFC, ug CFARCs, karun taga-i ko sa inyong plano kay mao ni among sundon. Mao ni among ipropose sa Department of Agriculture,” sumala ni Fernan.

Gikalipay sa maong sector kini nga kalamboan.

Aron dunay saktong representasyon ang farm ug fishery sector nga maoy mo-koordinar sa Agriculturist’s Office, dunay mga gitudlo nga mga opisyales ang Rural-Based Organizations (RBO).

[Florita Mae Cagula/CIO]

Gi-hawanan sa Task Force IDG 12 ang kanal sa Noria, Barangay Pala-o.

LANTAWA:

Gi-hawanan sa Task Force IDG 12 ang kanal sa Noria, Barangay Pala-o.

Sa wala pa kini limpyohi, napuno ang kanal og sagbot. Barado ‘sab sa yuta ang mga imburnal tungod sa pila ka-tuig nga wala kini ma-limpyohi ug ma-mintinar.

Gi-kalipay sa mga residente nga na-atiman na kini sa administrasyon karun aron dili dali mo-lamwas ang tubig ngadto sa dalan panahon sa ting-ulan.

Temporaryo nga lakang kini samtang gi-andam ang drainage master plan alang sa syudad.

Ang pagsulbad sa problema sa baha usa sa mga Iligan Development Goals sa kasamtangan nga administrasyon.

[CIO]

Walk & Run for Fun event on 25th March

📣📣 Our Walk & Run for Fun event on 25th March is now officially accepting registrations online.

Registration start at 4 am

5 am ZUMBA warm up then RUN

Where: Iligan City Public Plaza

When: March 25, 2023

Registration fee 250 with inclusion free milo and pandesal, singlet and number bib!!!

PROCEEDS WILL BE SHARED TO "ISKOLAR NI SAN MIGUEL" AND EXTEND HELP TO FIRE VICTIMS IN ILIGAN CITY AS WELL

See you! 😊🚶🏃🏃‍♀️🏃‍♂️💪

https://docs.google.com/.../1FAIpQLSeSWhaT7lbBWj.../viewform

#DasigMichaelites

LOOK: "Site Visit and Ocular Assessment of Lumbatin Falls, Secret Falls, and Langilanon Falls in Barangay Pugaan, Iligan City"

On March 17, 2023, the Destination Development Section and Tourism Support Services of the City Tourism Office visited and assessed some of the major waterfalls in Barangay Pugaan. With the assistance of Barangay Pugaan headed by its Brgy. Chairperson Virgie Raman and the guidance of some of the barangay staff, the team conducted an ocular assessment of Lumbatin Falls, Secret Falls, Langilanon Falls, and a mini falls known to the locals as, "Nardo Falls”.

The City Tourism Office expresses its gratitude to the officials of Barangay Pugaan for their cooperation, which contributed to the successful completion of the site visit and assessment. The results of the assessment will be further evaluated by the office in preparation for the Waterfalls Tour Package that the city is currently developing.

#IDG7 #VivaTurismoIligan #AsensoIliganon

Virtual Focus Group Discussion is about the local coffee products from Iligan City.

Authentic, local coffee from Iligan City. Let’s talk about it, brew.

JOIN US on Wednesday I 22 March 2023 I 2PM via ZOOM. Virtual Focus Group Discussion is about the local coffee products from Iligan City.

Iligan City Tourism Office is inviting you to a scheduled Zoom meeting.

Topic: THE ILIGANON COFFEE IDENTITY

Time: Mar 22, 2023 (2:00-4:00 PM)

Join Zoom Meeting

https://us02web.zoom.us/j/89649486950...

Meeting ID: 896 4948 6950

Passcode: 145164

#coffee #coffeeshop #coffeetalk

LOOK: 1st Executive Management Board Meeting for 73rd Adlaw sa Iligan Celebration| Next Meeting March 23,2023

Atong niaging Marso 13, 2023, gipahigayon ang pinakaunang Executive Management Board Meeting sa Ethnic Center, Buhanginan Hills ning syudad.

Si City Councilor Michelle E. Sweet ang nahimong presiding officer ug gihatagan sa tahas isip Over-all Chairperson sa maong kasaulogan. Nalangkob sa maong meeting ang mga inisyal nga plano para sa mga pagahimoon nga proyekto ug aktibidadis sa EMB.

Ang maong Executive Management Board nasubay sa gipagawas nga Administrative Order No. 35 pinirmahan ni Mayor Frederick W. Siao.

Pagahimoon ang sunod nga meeting karong Marso 23, 2023 sa Ethnic Center, Buhanginan Hills nga gilauman ang paghisgot sa mga dugang pa nga mga konkretong plano para sa Adlaw sa Iligan Celebration.

Asenso Iliganon ug Viva Turismo Iligan!

#IliganCityTourismOffice #IDG7 #AdlawSaIligan #TurismoUgKultura

KON. ZALSOS MIPAHIGAYON OG LEGISLATIVE INQUIRY KUNG LUWAS UG MAAYO’NG PUY-AN ANG MIRADOR HOUSING

Buot sigurohun sa Lokal nga Kagamhanan nga luwas ug angayan na nga puy-an ang Mirador Ecoland Residences sa Barangay Tipanoy sa dili pa dawaton ni Mayor Frederick Siao ang nahuman nga mga balay sa National Housing Authority (NHA).

Panahon pa sa kanhi administrasyon nahuman ang 52 ka-balay sa NHA. Apan dihang gi-inspeksyon ang Ecoland ‘ning bag-o, guba ang dalan, walay tubig sa dapit ug walay mitigating measures aron mapaubsan ang risgo sa landslide.

Nasayran ni Konsehal Betsy Maria Zalsos, ang Chair sa Committee on Land Use, Housing and Urban Poor, gikan sa Mines and Geosciences Bureau (MGB) nga ga-bahaon ang creek sa dapit. Dako ‘sab ang posibilidad sa landslide sa Mirador base sa Landslide Susceptibility Map sa MGB. Gawas niini, posibleng matay-og ang yuta tungod duol kini sa Lanao Fault System.

“Shall we risk their lives for something that has already been paid nga highly susceptible to landslide considering wala man tay mitigating measures nga nabutang didto. Maayo unta naa tay slope protection. Ni back- out ang contractor, so wala nahimo,” sumala ni Zalsos.

Mopahigayon og ika-duha nga legislative inquiry si Zalsos labot sa proyekto umaabot nga mga adlaw. Apil sa gusto niya masayran kung pilay magasto sa LGU kung magpahimo og saktong kalsada riprap , slope protection ug drainage aron mahimong luwas sa landslide ang mga mamuyo dinhi. Ingon man kung angayan ba nga ipdayon ang Phase I sa proyekto diin ang LGU ang mi-implementar. Sukad gisugdan ang Phase I sa niaging asministrasyon, “skeletal” pa gihapon ang mga unit niini.

[Ronnie Enderes/CIO]

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan

LANTAWA:

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan.

Sumala niya, mo-tabang ‘sab siya sa mga Mosque ug balay alampoanan sa Born Again Christians.

Gitataw niya nga importante nga maatiman ang komunidad sa mga relihiyoso, mahimong kumportable ilang pagsimba ug ma-divert ang pundo sa mga simbahan sa mga kalihukan pagsangyaw imbis nga magasto lang sa pagpaayo sa istraktura.

Dili kini lakip sa mandato sa Bise Mayor apan alang niya, buot niya nga makatabang tungod importante ang papel sa mga simbahan paghulma sa pagtuo ug pamatasan sa katawhan.

Gatabang usab ang iyang buhatan sa paghatud og mga pasyente sa Amai Pakpak Medical Center matag Huwebes, gahatag wheelchair, jetmatic pump ug gapa-hulam og tent sa mga namatayan.

Sumala niya, nga gawas sa iyang trabaho isip presiding officer sa konseho, gusto niya nga maka-tampo sa paningkamot ni Mayor Frederick Siao nga ma-hatag ang ginagmay nga panginahanglanon sa katawhan.

[CIO]

EEDMO MI-KITA OG KAPIN 68 MILLION PESOS SA TUIG 2022

Mi-kitâ ang Economic Enterprise Development and Management Office (EEDMO) og 68, 845, 834.46 Million Pesos tuig 2022.

Sumala ni Virginia Junsan, ang Department Head sa EEDMO, nga kitâ kini sa abang sa stalls sa pampublikong merkado ug ilang bayad sa kuryente, fees sa CR sa mga terminals, sukay sa fish landing area, mga terminals, slaughter house, night market ug koleksyon sa sementeryo.

Target sa EEDMO nga maka-kolekta og 100 Million Pesos karung tuiga.

Ang kitâ sa EEDMO madugang sa panudlanan sa syudad diin kuhaon ang pundo alang sa mga programa ug proyekto.

[JESIE CHRIS QUINABATO/CIO]

2 DAKPAN SA DRUG BUYBUST, PUSIL UG KATORSE MIL NGA BALOR SA DROGA NAKUMPISKA

Dakpan si Jeffrey Pocong ug Gibson Balacuit Lobitaña sa buybust operations sa Iligan City Police Station (ICPS)-1 kagabii sa Zone 7, Barangay Bagong Silang.

Sumala ni Police Major Neil Mark Quipanes, ang Hepe sa ICPS 1, gi-baligyaan ni Lobitaña ang mga operatiba og shabu. Apan ni-tanyag ‘sab og droga sa mga operatiba ang kauban ni Lobitaña nga si Pocong.

Nakuha kang Lobitaña ang usa ka –pakete sa gituohang shabu, bust money ug pusil.

Samtang nakuha kang Pocong ang duha ka sachet sa gituohang shabu.

Mi-abot tanan og 2.1 ka- gramo ang nakumpiska nga droga ug gibana-banang mo-balor og P14,280.

Gi-sumiter ang mga ebedensya sa Iligan City Forensic Unit alang sa qualitative and quantitative examination. Gi-detinir ang mga suspek sa estasyon samtang gi-andam ang mga kasong paglapas sa Comprehensive Dangerous Drugs Act ug Illegal Possession of Firearms.

Sumala ni Quipanes, si Lobitaña usa ka Regional High Value Individual (HVI). Dugang niya, dili sila mohunong sa pag-gukod sa mga tao nga gapamaligya og iligal nga droga.

[R.A/ CIO]

📸 ICPS 1, Media Center

ILIGAN CITY NUTRITION COMMITTEE MI-PLANO’G MGA AKTIBIDAD PAGSULBAD SA MALNUTRISYON

Itudlo sa City Nutrition Council sa mga tawo unsay hinungdan sa malnutrisyon og paagi pag-likay niini.

Apil sa ilang plano ang pagbutang og lactating corner o kwarto sa mga establisyamento og opisina diin pwede magpasuso ang mga inahan sa ilang anak.

Gawas niini, gimanduan ni Dr. Glenn Manarpaac, ang Acting City Health Officer sa City Health Office (CHO), ang City Nutrition Committee (CNC) nga magplano og mga aktibidad may kalabutan sa nutrisyon, ug gahinan kini og pundo. Kini nga mga kalihukan ang maglangkob sa Local Nutrition Action Plan. Tumopng niini ang pagsulbad sa problema sa malnutrisyon sa syudad. I-implementar kini sulod sa tulo ka tuig. I-monitor sa CNC ang pagpatuman niini nga mga kalihukan.

[Florita Mae Cagula/CIO]

Food Safety Awareness lastMarch 11, 2023

Ang City Health Office-Iligan katambayong ang FICUVA Vendors Association ug Oplan Disiplina Partners thru the leadership of Mayor Siao nagpahigayon of Orientation on Food Safety Awareness lastMarch 11, 2023 diha sa FICUVA Multipurpose Academy. Kini gihimo sa CHO aron pagpahibalo sa atong Street Food Vendors sa ilang pagtuman alang sa luwas nga pagkaon sa mga pumapalit nga gimando sa Dept. of Health (DOH) sumala sa PD-856 ug RA-10611 nga mga balaod alang sa maayong panglawas sa katawhan.

Gipakita usab sa mga nanambong mga Street Vendors mahitungod sa paglikay sa ubang mga sakit sama sa TB o Tuberculosis, Rabis ug Dengue. Gipahinumdoman sila nga ang kalamposan sa maayong panglawas ug paglikay sa mga sakit mao ang pagtinabangay alang sa kahinlo sa pagkaon ug sa palibot nga nagsugod diha sa atong mga panimalay.

Asenso Iliganon!

LOOK: 𝐓𝐡𝐞 𝐌𝐀𝐉𝐄𝐒𝐓𝐈𝐂 𝐇𝐎𝐌𝐄𝐂𝐎𝐌𝐈𝐍𝐆 𝐨𝐟 𝐌𝐢𝐬𝐬 𝐂𝐡𝐚𝐫𝐦 𝟐𝟎𝟐𝟑 𝟏𝐬𝐭 𝐑𝐮𝐧𝐧𝐞𝐫-𝐔𝐩, 𝐌𝐬. 𝐀𝐍𝐀𝐁𝐄𝐋𝐋𝐄 𝐌𝐀𝐄 𝐓𝐀𝐓𝐄 𝐌𝐂𝐃𝐎𝐍𝐍𝐄𝐋𝐋

LOOK: 𝐓𝐡𝐞 𝐌𝐀𝐉𝐄𝐒𝐓𝐈𝐂 𝐇𝐎𝐌𝐄𝐂𝐎𝐌𝐈𝐍𝐆 𝐨𝐟 𝐌𝐢𝐬𝐬 𝐂𝐡𝐚𝐫𝐦 𝟐𝟎𝟐𝟑 𝟏𝐬𝐭 𝐑𝐮𝐧𝐧𝐞𝐫-𝐔𝐩, 𝐌𝐬. 𝐀𝐍𝐀𝐁𝐄𝐋𝐋𝐄 𝐌𝐀𝐄 𝐓𝐀𝐓𝐄 𝐌𝐂𝐃𝐎𝐍𝐍𝐄𝐋𝐋

City Government of Iligan, in partnership with the City Tourism Office, City Information Office, CMO-Youth Affairs, and other government and private agencies, hosted the Majestic Homecoming for Miss Charm 2023 1st Runner Up, Annabelle Mae Tate Mcdonnell.

Parts of event include the Homecoming Ceremony conducted during the Flag Raising Ceremony hosted by the City Social Welfare and Development Office where she was presented with a bouquet and Plaque of Recognition for her contributions to the City of Iligan. Followed by a motorcade and Press Conference at Fontina attended and participated by different television and radio media companies.

Thank you, Annabelle, for bringing honor and pride to our country most especially to Iligan City!

𝐕𝐢𝐯𝐚 𝐓𝐮𝐫𝐢𝐬𝐦𝐨 𝐈𝐥𝐢𝐠𝐚𝐧 𝐮𝐠 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

#MajesticHomecoming #IDG7 #MissCharmAnnabelle #IliganCityTourismOffice #VivaTurismoIligan

MGA SUSPEK SA PAGPUSIL-PATAY SA HABAL-HABAL DRIVER SA PUGAAN, GIKASUHAN NA

Gi-kumpirma ni Police Major Neil Mark Quipanes, ang Iligan City Police Station 1 Commander, nga na-ila na ang upat ka mga suspek sa pagpusil-patay sa habal-habal driver nga si Avelino Libres niadtong Enero 23, 2023 sa gabii sa Purok 1B, Barangay Pugaan.

Sumala ni Quipanes, na-ilhan ang mga suspek tungod sa CCTV footages ug testimonya sa mga saksi. Dugang niya, duha sa mga suspek ang nagpaka-aron ignun nga pasahero, samtang duha ‘sab ang nag-atang sa Pugaan nga maoy nipusil sa biktima ug nikuha sa motor niini.

Gi-kasohan sa pamilya ni Libres ug sa kapulisan ang mga suspek og carnapping with homicide. “Wala nato undangi sa pag-imbestigar og pagsulbad ang kaso. Gusto nato mahatagan og hustisya ang biktima ug masiguro nga dili na makahimo pa og laing krimen ang mga suspek,” sumala ni Quipanes.

[CIO]

📸 ICPS-1

INDEMNITY GI-DAWAT SA MGA MAG-UUMA UG MANAGAT NGA APEKTADO SA LPA NIAGING TUIG

Mi-dawat gikan sa Philippine Crop Insurance Corporation (PCIC) og tig P3,000 ngadto sa P7,000 ang singkwenta'y otso ka mag-uuma ug upat ka-mananagat sa Iligan nga apektado sa Shearline ug Low Pressure Area niaging tuig.

Kini human gi-validate sa City Agriculturist’s Office (CAG) ang mga nangadaut nga mga sakayan sa dagko nga balud og umahan tungod sa landslide.

Sumala ni Marie Ann Beley, ang Officer-In-Charge sa City Agriculturist’s Office, gamiton ang nadawat nga insurance sa mga mananagat pagpa-ayo o pagpahimo og bag-o nga sakayan, ingon man pagpalit og abono o binhi sa mga mag-uuma.

Naningkamot ang Agriculturist’s Office nga makakuha og lain pa nga grant para sa mga mag-uuma tungod dako ang kadaut sa ilang umahan.

[ Florita Mae Cagula / CIO ]

MGA BAG-ONG KONSULTA PACKAGES SA PHILHEALTH, GITUN-AN

Gitun-an sa Philhealth nga mapalapdan ang serbisyo sa dialysis gikan sa 45 ka-adlaw nga covered sa insurance, himuon na kini nga 90 ngadto sa 156 ka-adlaw.

Lakip sa gitun-an nga idugang ang Acute Malnutrition Package ug Mental Health Package.

Sumala ni Christine Mae Magno, ang Hepe sa Philhealth sa Iligan ug Lanao del Norte, buot niya nga ma-implementar dayun dinhi ang bag-o ug gipalapdan nga mga programa kung mahuman na ang mga pagtuon kalabot niini. Mao ‘sab kini ang hangyo kaniya ni Mayor Frederick Siao. Dugang ni Magno, tanang meymbro sa Philhealth ang maka-avail niini.

Ang Iligan ug Lanao del Norte ang pinaka-daghan og Konsulta Program tibuok Mindanao.

[JESIE CHRIS QUINABATO/ CIO]

📸 Philhealth

We would like to hear from you

Send us your feedback, comments and suggestions to help improve our services

Iligan City

What's Happening

MGA ESTABLISYAMENTO NGA DUNAY 100K O SOBRA NGA KAPITAL, SUSIHON KUNG DUNAY CCTV

Napili nga Iligan City Singing Ambassador 2023 si Charmaine Mabano

Safe Spaces Act o Bawal Bastos Law

NEGOSYANTE NGA GA-BILIN OG BASURA GAWAS SA ESTABLISYAMENTO, GI-MULTAHAN

SEKTOR SA MAG-UUMA, MANANAGAT SA ILIGAN, GI-PABUNGAT SA ILANG GUSTO NGA PROYEKTO UG PROGRAMA

Gi-hawanan sa Task Force IDG 12 ang kanal sa Noria, Barangay Pala-o.

Walk & Run for Fun event on 25th March

LOOK: "Site Visit and Ocular Assessment of Lumbatin Falls, Secret Falls, and Langilanon Falls in Barangay Pugaan, Iligan City"

Virtual Focus Group Discussion is about the local coffee products from Iligan City.

LOOK: 1st Executive Management Board Meeting for 73rd Adlaw sa Iligan Celebration| Next Meeting March 23,2023

KON. ZALSOS MIPAHIGAYON OG LEGISLATIVE INQUIRY KUNG LUWAS UG MAAYO’NG PUY-AN ANG MIRADOR HOUSING

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan

EEDMO MI-KITA OG KAPIN 68 MILLION PESOS SA TUIG 2022

2 DAKPAN SA DRUG BUYBUST, PUSIL UG KATORSE MIL NGA BALOR SA DROGA NAKUMPISKA

ILIGAN CITY NUTRITION COMMITTEE MI-PLANO’G MGA AKTIBIDAD PAGSULBAD SA MALNUTRISYON

Food Safety Awareness lastMarch 11, 2023

MGA SUSPEK SA PAGPUSIL-PATAY SA HABAL-HABAL DRIVER SA PUGAAN, GIKASUHAN NA

INDEMNITY GI-DAWAT SA MGA MAG-UUMA UG MANAGAT NGA APEKTADO SA LPA NIAGING TUIG

MGA BAG-ONG KONSULTA PACKAGES SA PHILHEALTH, GITUN-AN