News

612 TOTAL KITS: Kusog ug Paspas nga Tabang para sa Brgy. Saray 💪📦

612 ka relief kits ang atong napanghatag sa mga pamilyang naapektuhan sa sunog sa Brgy. Saray. Dili lang kini bahin sa numero, kundi bahin sa pagpakita nga naa mi uban nila sa lisod nga higayon.

Sa among pag-adto, makita gyud ang kakapoy ug kasakit—apan makita pud ang kahupayan sa dihang naabot ang tabang. Ang pagkaon, hygiene kits, mga higdaanan ug gamit sa kusina dako kaayo’g tabang sa ilang adlaw-adlaw samtang nagtan-aw pa sila unsaon pagbangon pag-usab.

Kini nga 612 ka kits naggikan sa DSWD ug Office of Civil Defense, ug among gihatag pinaagi sa hiniusang paningkamot sa ICDRRMO, CSWD, DILG, City Council, ug Brgy. Saray officials.

Gipasabot nako nga paspas na ang atong response karon tungod kay giandam na daan ang sistema. Pinaagi sa Incident Command System (ICS), klaro ang koordinasyon sa matag ahensya sa dihang naay insidente—mas paspas ang lihok, mas dali ang tabang.

Padayon usab ta sa pagtan-aw unsa pa’y makatabang sa sunod nga mga adlaw. Magdugang ta og mobile kitchen tungod kay dakong kahupayan kini sa mga pamilyang naapektuhan. Aduna usab tay financial assistance gikan sa City Mayor’s Office; pero kinahanglan pa i-process ang mga dokumento niini aron masakto ug hapsay ang paghatag.

Dili man dayon mawala ang kasakit, pero bisan gamay nga tabang, kung sakto sa oras, dakò kaayo’g kausaban.

Padayon ta sa pagtinabangay aron matag pamilyang Iliganon makabangon pag-usab.

#AsensoIliganon #BangonSaray #MayorSiaoCares #SerbisyongSiaoSerbisyongWow

#612TotalKits #ICDRRMOProactive #TeamWorksMakesDRRMWorks #FreddieSiao #MayorSiao #IliganCity

𝐎𝐏𝐋𝐀𝐍 𝐁𝐈𝐒𝐈𝐓𝐀 𝐌𝐈𝐇𝐀𝐓𝐀𝐆 𝐒𝐄𝐑𝐁𝐈𝐒𝐘𝐎𝐍𝐆 𝐌𝐄𝐃𝐈𝐊𝐀𝐋, 𝐓𝐀𝐁𝐀𝐍𝐆 𝐒𝐀 𝐌𝐆𝐀 𝐁𝐄𝐍𝐈𝐏𝐈𝐒𝐘𝐀𝐑𝐘𝐎 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐓𝐀. 𝐄𝐋𝐄𝐍𝐀

Naghatag og libreng serbisyo medikal ug tabang sa upat ka masakiton sa Barangay Sta. Elena ang Oplan Bisita, usa ka programa sa administrasyon ni Mayor Frederick Siao.

Tumong sa maong programa nga mahatod mismo ang serbisyong medikal sa mga panimalay sa mga masakiton nga walay katakos mogasto sa pagpa-checkup sa doktor.

Atol sa pagbisita, gihatagan ang mga pasyente og libreng serbisyong medikal sama sa check-up sa doktor ug libreng tambal. Gihatagan usab sila og mga gamit sa panimalay, bugas, ug pinansiyal nga tabang.

Usa sa mga nakadawat og serbisyo mao si Rhymdhuel D. Cellion, nga bedridden tungod sa sakit nga brain tumor. Ang iyang inahan, si Delia D. Cellion, nagpasalamat sa Oplan Bisita sa pagbisita sa iyang anak ug nanghinaot nga pinaagi sa maong programa, matabangan sila sa mga kinahanglanon niini, ilabina sa mga tambal.

Gawas kang Cellion, laing tulo ka mga pasyente nga adunay diabetes ug tuberculosis ang gibisita ug gihatagan usab og susamang serbisyo.

Janice G. Magsayo

𝐈𝐋𝐈𝐆𝐀𝐍 𝐆𝐈𝐏𝐀-𝐈𝐋𝐀𝐖𝐎𝐌 𝐒𝐀 𝐁𝐋𝐔𝐄 𝐀𝐋𝐄𝐑𝐓; 𝐄𝐎𝐂-𝐈𝐌𝐓 𝐆𝐈-𝐌𝐎𝐁𝐈𝐋𝐈𝐙𝐄

Ubos na sa Blue Alert ang Iligan City tungod sa Tropical Depression Basyang nga masinati sa Huwebes, Pebrero 4, 2026, ug Biyernes, Pebrero 5, 2026. Ang Blue Alert Status nagpasabot nga gapahigayon na ang LGU ug mga ahensya sa gobyerno og risk analysis ug monitoring, dunay pagpangandam, ug contingecy planning for response.

Sumala sa LTJG Asaloum Esmail, ang Station Commander sa Philippine Coastguard-Lanao del Norte, gipahimangno-an na nila ang mga mananagat nga dili magpalawud, ga-angkorahe na ang mga cargo ship sa barangay Kiwalan, ug naka-standby na sab ilang mga floating assets.

Andam sab ang rubber boats sa Task Force Iligan inkaso nga kinahanglanon kini.

Code White sab ang Health Cluster sugod karung adlawa. Nagpasabot nga ang Health Response Team ug mga committees on-call ug mo-report gilayon kung dunay enerhensya. Naka-standby na ang Health Emergency Management Staff (HEMS) or DRRM-H -Disaster Risk Reduction Management in Health.

Samtang andam na sab ang mga heavy equipment operators sa City Engineer’s Office, ug mga sakyanan sa carpool nga makatabang sa evacuation.

Dunay andam nga relief assistance ang City Social Welfare alang sa 150 ka pamilya apan mag-andam og dugang pa. Duna silay Quick Response Team ug andam nga personnel kung dunay evacuation centers nga ablihan.

Lakip mo-assist ang Iligan City Police Office.

Gi-activate na sab ang Incident Command System samtang gi-mobilize ang Emergency Operation Center (EOC) ug Incident Management Team (IMT).

Alang sa mga emerhensya may kalabutan sa TD Basyang, matawagan ang hotline number 𝟎𝟗𝟗𝟑-𝟑𝟗𝟗-𝟒𝟔𝟓𝟔.

𝐃𝐎𝐒𝐓-𝐏𝐀𝐆𝐀𝐒𝐀, 𝐌𝐈-𝐀𝐖𝐇𝐀𝐆 𝐒𝐀 𝐏𝐔𝐁𝐋𝐈𝐊𝐎 𝐍𝐆𝐀 𝐌𝐀𝐆𝐌𝐎𝐍𝐈𝐓𝐎𝐑 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆 𝐒𝐀 𝐌𝐆𝐀 𝐎𝐅𝐅𝐈𝐂𝐈𝐀𝐋 𝐏𝐀𝐆𝐀𝐒𝐀 𝐏𝐀𝐆𝐄𝐒 𝐋𝐀𝐍𝐆

Mi-awhag sa publiko si Michael Mar Demecillo, ang Weather Specialist sa PAGASA, nga sa mga official Facebook Pages lang magmonitor sa Bagyong Basyang. Kini aron malikayan ang mga “fake news” o disinformation ug misinformation.

Sumala niya, dunay mga vloggers ug content creators nga ga-gamit sa PAGASA model ug gahimo og ilang kaugalingon nga interpretasyon o analysis sa lakat sa panahon. Gitataw niya nga posibleng makahatag lang og kalisang o panic ang sayop nga mga impormasyon.

“Diha ra gyud ta sa accurate nga source,” sumala ni Demecillo.

Awhag niya, ifollow ug i-like ang 𝐃𝐎𝐒𝐓-𝐏𝐀𝐆𝐀𝐒𝐀 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞, 𝐌𝐢𝐧𝐝𝐚𝐧𝐚𝐨 𝐏𝐑𝐒𝐃, ug 𝐀𝐠𝐮𝐬 𝐌𝐚𝐧𝐝𝐮𝐥𝐨𝐠 𝐑𝐢𝐯𝐞𝐫 𝐁𝐚𝐬𝐢𝐧 (𝐃𝐨𝐬𝐭 𝐏𝐚𝐠𝐚𝐬𝐚 𝐈𝐥𝐢𝐠𝐚𝐧 𝐂𝐢𝐭𝐲). Ang mga impormasyon lang niini nga mga page ang i-share.

𝐈𝐌𝐏𝐀𝐂𝐓 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆, 𝐏𝐎𝐒𝐈𝐁𝐋𝐄𝐍𝐆 𝐌𝐀𝐁𝐀𝐓𝐈 𝐒𝐀 𝐏𝐄𝐁𝐑𝐄𝐑𝐎 𝟓 𝐒𝐀 𝐔𝐃𝐓𝐎 𝐍𝐆𝐀𝐃𝐓𝐎 𝐒𝐀 𝐏𝐄𝐁𝐑𝐄𝐑𝐎 𝟔 -𝐏𝐀𝐆𝐀𝐒𝐀

Gilauman nga mabati ang impact sa bagyong Basyang sa Iligan ug Lanao del Norte sa Huwebes sa udto, Prebrero 5, 2026, ug sa adlawng Biyernes, Pebrero 6. Kini base sa pinakaulahing update sa PAGASA atol sa Pre-Disaster Risk Assessment (PDRA) nga gipahigayon alas 8:00 karung gabii kauban ang Incident Management Team ug kabarangayan.

Sumala ni Michael Mar Demecillo, ang Weather Specialist sa PAGASA, ang Iligan makasinati og mapanganuron nga kalangitan, katag-katag nga pag-ulan ug pagpanalugdog.

Light to moderate ang kakusgon sa hangin nga paingon sa dereksyong Amihanang-Sidlakan ug Amihanan.

Dugang niya, sa pagka-karun arang-arang pa ang balud sa kadagatan apan dili angay nga magkumpyansa.

Hangtud ning pagsulat, wala pay wind signal ang Iligan.

Sa Pebrero 6, 2026 na gilauman nga pinakaduol ang TD Basyang sa Iligan, ug magdala kini og 50-100mm nga pag-ulan. Posible ang pagbaha sa mga ubos nga dapit, mga lugar duol sa sapa, ug pagsaka sa tubig sa Mandulog ug Iligan River. Posible ang pagsaka sa tubig sa suba sa barangay Tubod tungod mabaw kini, nga makaapekto sa Barangay Mahayahay, Tubod, ug Palao.

Gipasabot ‘sab sa PAGASA nga kung hinay ang dagan sa bagyo ug magdugay kini sa dagat, posibleng mokusog kini ug mahimong Tropical Storm.

Gilauman nga sa Sabado, wala na sa Iligan ug Lanao del Norte ang bagyo, ug padulong na kini sa West Philippine Sea base sa model analysis sa PAGASA

𝘾𝙊𝙉𝙂𝙍𝘼𝙏𝙐𝙇𝘼𝙏𝙄𝙊𝙉𝙎, 𝘾𝙃𝙍𝙄𝙎𝙏𝘼𝙇! 👑

As one of the Top 15 Finalists of Miss World Philippines 2026, you have demonstrated that Iligan’s queens shine with grace, intelligence, and purpose.

Your achievement brings pride and honor to Iligan City.

#TheWORLDThroughCHRISTAL #MissWorldPhilippines2026 #BeautyWithAPurpose #IliganCityForTheWorld #ChristalBriseisPeralta

#AsensoIliganon #IliganCity

𝐋𝐀𝐍𝐓𝐀𝐖𝐀 : LGU-Iligan, nangandam sa mga posibleng epekto sa Bagyong Basyang.

Sa pagpanguna sa Iligan City Disaster Risk Reduction & Management Office (𝐈𝐂𝐃𝐑𝐑𝐌𝐎) kauban ang PAGASA, mga barangay, ug mga ahensya sa gobyerno, gipahigayon nila kagahapon ang 𝐏𝐫𝐞-𝐃𝐢𝐬𝐚𝐬𝐭𝐞𝐫 𝐑𝐢𝐬𝐤 𝐀𝐬𝐬𝐞𝐬𝐬𝐦𝐞𝐧𝐭 (𝐏𝐃𝐑𝐀).

Nagpadayon hangtud karun ang koordinasyon ug pag andam alang sa kaluwasan sa tanang Iliganon.

Sumala kang Michael Demecillo, ang Weather Specialist sa PAGASA, posibleng masinati sa Northern Mindanao ug Iligan City ang mapanganuron nga kalangitan, katag-katag nga pag-ulan ug pagpanalugdog tungod sa trough o “ikog” sa Tropical Depression Basyang.

Magpabiling abtik ug mag-amping kanunay!

#AsensoIligan #ICDRRMO #MayorFreddieSiao #TDBasyang #staysafeiliganon #DisasterPreparedness

𝐄𝐗𝐄𝐂𝐔𝐓𝐈𝐕𝐄 𝐎𝐑𝐃𝐄𝐑 𝐍𝐎. 𝟗, 𝐬. 𝐨𝐟 𝟐𝟎𝟐𝟔 𝐀𝐍 𝐎𝐑𝐃𝐄𝐑 𝐒𝐔𝐒𝐏𝐄𝐍𝐃𝐈𝐍𝐆 𝐂𝐋𝐀𝐒𝐒𝐄𝐒 𝐈𝐍 𝐀𝐋𝐋 𝐋𝐄𝐕𝐄𝐋𝐒, 𝐁𝐎𝐓𝐇 𝐏𝐔𝐁𝐋𝐈𝐂 𝐀𝐍𝐃 𝐏𝐑𝐈𝐕𝐀𝐓𝐄, 𝐈𝐍 𝐈𝐋𝐈𝐆𝐀𝐍 𝐂𝐈𝐓𝐘 𝐅𝐑𝐎𝐌 𝐅𝐄𝐁𝐑𝐔𝐀𝐑𝐘 𝟓 𝐀𝐍𝐃 𝟔, 𝟐𝟎𝟐𝟔, 𝐃𝐔𝐄 𝐓𝐎 𝐓𝐑𝐎𝐏𝐈𝐂𝐀𝐋 𝐃𝐄𝐏𝐑𝐄𝐒𝐒𝐈𝐎𝐍 "𝐁𝐀𝐒𝐘𝐀𝐍𝐆"

All schools are encouraged to adopt modular learning, asynchronous activities, or other appropriate alternative learning modalities to avoid disruption of academic requirements during the suspension period.

Work in government offices shall continue unless otherwise announced. Heads of offices shall exercise discretion in allowing personnel affected by the weather disturbance to be excused from reporting for work when necessary.

#executiveorder #suspensionofclasses #TDBasyang

#AsensoIliganon #IliganCity

𝐔𝐏𝐃𝐀𝐓𝐄!

Gipa-ilawom na sa 𝐁𝐥𝐮𝐞 𝐀𝐥𝐞𝐫𝐭 ang Iligan City tungod sa Tropical Depression Basyang. Gi-mobilize na sab sa LGU Iligan ang EOC ug Incident Management Team, kauban ang tanang response clusters alang sa padayon nga monitoring, pagpahibalo sa katawhan, ug pag andam sa bisan unsang emerhensya.

Alang sa mga emerhensya may kalabutan sa TD Basyang, matawagan ang 𝐡𝐨𝐭𝐥𝐢𝐧𝐞 𝐧𝐮𝐦𝐛𝐞𝐫 0993-399-4656.

Padayon ang LGU Iligan sa paghatag og tukmang impormasyon alang sa kaluwasan sa tanan.

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Alang sa tanang emergency nga may kalabutan sa Tropical Depression Basyang, palihug tawagi dayon ang 𝐋𝐆𝐔 𝐈𝐥𝐢𝐠𝐚𝐧 𝐡𝐨𝐭𝐥𝐢𝐧𝐞: 0993-399-4656.

Gipahimangnoan ang tanang Iliganon nga magpabiling alerto ug magbinantayon kanunay alang sa kaluwasan sa tanan.

𝐃𝐚𝐠𝐡𝐚𝐧𝐠 𝐒𝐚𝐥𝐚𝐦𝐚𝐭!

𝐑𝐄𝐏𝐑𝐎𝐃𝐔𝐂𝐓𝐈𝐕𝐄 𝐇𝐄𝐀𝐋𝐓𝐇 𝐀𝐍𝐃 𝐖𝐄𝐋𝐋𝐍𝐄𝐒𝐒 𝐂𝐄𝐍𝐓𝐄𝐑 𝐒𝐀 𝐈𝐋𝐈𝐆𝐀𝐍, 𝐆𝐈𝐁𝐀𝐋𝐇𝐈𝐍 𝐒𝐀 𝐓𝐓𝐌𝐅

Gipahibalo sa City Health Office sa Iligan nga ang Reproductive Health and Wellness Center ibalhin ngadto sa Temporary Treatment and Monitoring Facility (TTMF) sa Barangay Del Carmen sugod karong Pebrero 5, 2026.

Ang TTMF nahimutang sulod sa Personal Services Division (PSD) ug Carpool Compound, duol sa Commission on Audit (COA) Satellite Office. Sumala pa sa CHO, kini nga pagbalhin kabahin sa ilang pasalig nga makahatag og mas accessible, komportable, ug maayong lugar alang sa dekalidad nga serbisyo sa reproductive health and wellness alang sa mga Iliganon.

Giawhag ang tanang kliyente nga gustong mo-avail sa serbisyo sa Reproductive Health and Wellness Center, sama sa HIV Counseling and Testing ug STI Services, nga didto na moadto sa bag-ong lokasyon.

[Pebrero 4, 2026 | Janice G. Magsayo]

REPRODUCTIVE HEALTH AND WELLNESS CENTER SA ILIGAN, GIBALHIN SA TTMF

Giawhag ang tanang kliyente nga gustong mo-avail sa serbisyo sa Reproductive Health and Wellness Center, sama sa HIV Counseling and Testing ug STI Services, nga didto na moadto sa bag-ong lokasyon.

Janice G. Magsayo

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐖𝐄’𝐑𝐄 𝐌𝐎𝐕𝐈𝐍𝐆!

The Reproductive Health and Wellness Center is excited to share that we will soon be relocating to our new home at TTMF, Del Carmen, Iligan City.

This move is part of our commitment to provide a more accessible, comfortable, and improved space for quality reproductive health and wellness services. We look forward to welcoming you to our new location and continuing to serve the community with care, dignity, and compassion.

📍 New Location: TTMF, Del Carmen, Iligan City

See you at our new home! 🏠💙✨

𝟑𝟔𝐓𝐇 𝐂𝐈𝐕𝐈𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐌𝐎𝐍𝐓𝐇

𝘕𝘢𝘷𝘪𝘨𝘢𝘵𝘪𝘯𝘨 𝘵𝘩𝘦 𝘍𝘶𝘵𝘶𝘳𝘦 𝘛𝘰𝘨𝘦𝘵𝘩𝘦𝘳: 𝘈𝘥𝘷𝘢𝘯𝘤𝘪𝘯𝘨 𝘊𝘙𝘝𝘚 𝘪𝘯 𝘚𝘩𝘢𝘱𝘪𝘯𝘨 𝘵𝘩𝘦 𝘎𝘭𝘰𝘣𝘢𝘭 𝘢𝘯𝘥 𝘙𝘦𝘨𝘪𝘰𝘯𝘢𝘭 𝘋𝘢𝘵𝘢 𝘌𝘤𝘰𝘴𝘺𝘴𝘵𝘦𝘮

Magtinabangay kita sa pagpalig-on sa civil registration ug vital statistics (CRVS) aron masiguro ang 𝐢𝐧𝐜𝐥𝐮𝐬𝐢𝐯𝐞, 𝐚𝐜𝐜𝐮𝐫𝐚𝐭𝐞, ug 𝐟𝐮𝐭𝐮𝐫𝐞-𝐫𝐞𝐚𝐝𝐲 𝐝𝐚𝐭𝐚 para sa tanan. Together, we build a stronger data ecosystem that supports better services, sound policies, and a more inclusive future.

#36thCivilRegistrationMonth #CRVS #FutureReadyData

#AsensoIliganon #IliganCity

𝐈𝐋𝐈𝐆𝐀𝐍 𝐃𝐄𝐕𝐄𝐋𝐎𝐏𝐌𝐄𝐍𝐓 𝐆𝐎𝐀𝐋𝐒, 𝐆𝐈-𝐑𝐄𝐕𝐈𝐄𝐖, 𝐆𝐈-𝐔𝐏𝐃𝐀𝐓𝐄

Gisusi pagbalik sa City Planning and Development Office, City Administrator, City Mayor’s Office ug ubang mga opisina sa LGU-Iligan ang 15 Iligan Development Goals (IDGs) sa gihimong workshop kagahapon.

Gihisgutan ang mga success indicators ug mga gaps sa pag-implementar niini.

"Ang Iligan Development Goals is very important. This is a commitment of the City Government particularly on how to cascade or localize sa Sustainable Development Goals," matud ni EnP Elsa Maquiling sa City Planning and Development Office.

Ang kolektibo nga kahanas sa matag departamento, datos ug sektoral nga mga panglantaw, kritikal sa pagsiguro nga ang mahimong Comprehensive Development Plan tukma nga nagpakita sa mga prayoridad sa kalamboan sa siyudad ug epektibong nagtubag sa kasamtangang mitumaw nga mga hagit.

" As part of the updating of our Comprehensive Development Plan, this activity brings together the results of our sectoral workshops covering social, economic, infrastructure, enviroment and institutional sectors and cross cutting concerns, " pahayag ni Jules Verne Padilla , Chief of Staff sa buhatan ni Mayor Frederick Siao.

" Atong i-review ni so that for the next 3 years kabalo ta what we plan to achieve, what we want to target, kabalo ta altogether kini nga IDG mao ni atong trabahuon," dugang sab ni City Administrator Darwin Manubag

Sa gihimong pagreview o pagsusi sa 15 Iligan Development Goals gisusi sab kung haum ba ang titulo sa mga IDGs.

Dunay mga focus questions sa matag sektor atol sa workshop , kung haum pa ba ang titulo sa Social IDG o ang katuyoan ba niini labing mahinungdanon nga isyu sa katilingban sa panglawas, edukasyon , pabalay, social protection ug gender equality.

Sa Economic IDG, kung nakuha ba ang katuyuan sa panarbaho, productivity, innovation ug inklusibo nga pagtubo sa ekonomiya, ug uban pang mga pangutana ngadto sa tanang sektor.

Ang mga nahimong tubag sa mga partisipante, i-presentar sa laing tulo ka adlaw nga workshop nga nagtumong o magsilbing estratehikong plataporma alang sa pagkonsolida ingon man paghi-usa sa sektoral nga mga isyu, prayoridad ug estratehiya ngadto sa usa ka hiniusang Comprehensive Development Plan nga maoy mogiya sa medium-term development agenda sa siyudad.

Magtutok sab kini sa pagporma ug pagrefine sa panan-awon, mga tumong, programa ug prayoridad nga proyekto sa siyudad nga magseguro nga naka-align sa nasudnon ug rehiyonal nga development framework ingon man sa Sustainable Development Goals o SDGs.

Ronnie Enderes

𝐈𝐂𝐖𝐒 𝐌𝐈𝐏𝐀𝐒𝐀𝐁𝐎𝐓 𝐒𝐀 𝐏𝐑𝐎𝐒𝐄𝐒𝐎 𝐒𝐀 𝐏𝐀𝐆-𝐀𝐘𝐎 𝐔𝐆 𝐑𝐄𝐒𝐓𝐎𝐑𝐄 𝐒𝐀 𝐓𝐔𝐁𝐎, 𝐀𝐍𝐀𝐌-𝐀𝐍𝐀𝐌 𝐍𝐆𝐀 𝐏𝐀𝐆𝐁𝐀𝐋𝐈𝐊 𝐒𝐀 𝐒𝐄𝐑𝐁𝐈𝐒𝐘𝐎 𝐒𝐀 𝐓𝐔𝐁𝐈𝐆

Gipasabot ni Engr. Hubert Reyes, ang Acting Head Officer-in-Charge sa Iligan City Waterworks System (ICWS), nga duna pay mga lugar nga hinay ang agas or pressure sa tubig o wala pa’y agas tungod sa airlock o pagka-trap sa hangin sulod sa tubo, ug mga proseso nga gipahigayon nila sama sa dewatering ug declogging aron masiguro nga wala naý obstruction sa linya nga limpyo ug luwas libre magka-pressure ang tubig nga moabot sa kabalayan.

“The principle of water line kung wala nay sulod ang pipe tubo, kana iyang hugaw, iyang lumot mahulog. Once magsupply na mi og tubig, ang lumot mo-contaminate na sa linya ng tubo siya. That is the reason nga among gidewatering. It will take time,” sumala ni Engr. Reyes.

Gihangyo niya ang pagsabot sa publiko nga nagkinahanglan sila og gamay nga panahon alang niini ilabi na nga 34 ka-tao lang sa ilang opisina ang skilled sa pagdeclog, dewater, ug pag-troubleshoot sa mga airlocked nga tubo. Aminado si Engr. Reyes sa kakulangon sa ilang opisina ug nangayo og dispensa samtang gipaningkamutan nila nga ma-solusyunan ang mga kakulangon nga nasunod lamang niya sa mga nangagi nga pamunuan.

"Approximately anaa na sa 68% in average na sa serbisyo sa tubig ang nabalik sa napulo nga lugar, ang Barangay Tubod, 50% sa Tipanoy, 80% sa Mahayahay, 75% sa Palao, 90% sa Villaverde, 70% sa Bagong Silang, 55% sa San Miguel, 70% sa Sto. Rosario, 70% sa Ubaldo Laya, ug 65% sa Hinaplanon," dugang niya.

Padayon ang rasyon sa tubig sa ICWS Lorry Water Trucks ug sa Iligan City Disaster Risk Reduction and Management Office (ICDRRMO) samtang wala pa mabalik sa sento porsyento ang serbisyo sa tubig.

𝐏𝐀𝐆𝐒𝐔𝐋𝐎𝐃 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆, 𝐆𝐈𝐏𝐀𝐍𝐆𝐀𝐍𝐃𝐀𝐌𝐀𝐍 𝐒𝐀 𝐈𝐂𝐃𝐑𝐑𝐌𝐎, 𝐌𝐆𝐀 𝐁𝐀𝐑𝐀𝐍𝐆𝐀𝐘, 𝐀𝐇𝐄𝐍𝐒𝐘𝐀 𝐒𝐀 𝐆𝐎𝐁𝐘𝐄𝐑𝐍𝐎

Gipahigayon sa Iligan City Disaster Risk Reduction and Management Office, DOST-PAGASA, mga Barangay ug Philippine Coast Guard-Lanao del Norte, City Social Welfare and Developemtn, ug Department of the Interior and Local Government ang Pre-Disaster Risk Assessment (PDRA). Kini isip pagpangandam sa Tropical Depression Basyang nga gilauman nga mabati sa Visayas, Northern Caraga ug Northern Mindanao sa Myerkules sa hapon o gabii, ug labing kusog nga epekto niini sa adlawng Huwebes.

Ang miting gipangulohan ni Armien Alorro, ang Head sa ICDRMMO.

Sumala ni Demecillo, anaa sa 55 ngadto sa 70 Kilometers per hour ang gikusgon sa dagan sa bagyo sa pagka-karun. Northwestward ang dereksyon niini.

Gipahimangno-an sa PAGASA ang ICDRRMO ug mga barangay sa posibleng landslide ug pagbaha.

Samtang nag-abiso sab ang Philippine Coastguard sa mga mananagat nga dili una managat ilabi na nga gilauman ang pagtaub sa gabii. Ang mga cargo ships usab pwedeng mo-ankorahe o motago sa sa Kiwalan sa Huwebes.

Nag-skedyul na sab ang mga barangay sa coastal areas nga magpahigayon og Barangay DRRM Council Meeting.

Gi-andam na sab ang mga rekurso sa ICDRRMO alang sa response.

Tugon ni Mayor Frederick Siao sa ICDRRMO, mga ahensya sa gobyerno, ug mga barangay nga magpabiling abtik.

𝐃𝐔𝐆𝐀𝐍𝐆 𝐅𝐀𝐌𝐈𝐋𝐘 𝐔𝐆 𝐇𝐘𝐆𝐈𝐄𝐍𝐄 𝐊𝐈𝐓𝐒, 𝐆𝐈𝐇𝐀𝐓𝐀𝐆 𝐒𝐀 𝐌𝐆𝐀 𝐍𝐀𝐊𝐀𝐋𝐈𝐍𝐆𝐊𝐀𝐖𝐀𝐒 𝐒𝐀 𝐒𝐔𝐍𝐎𝐆 𝐒𝐀 𝐒𝐀𝐑𝐀𝐘

Midawat og dugang hygiene kit, family kit, kitchen kit, sleeping kit, food pack ug water container ang 102 ka pamilya nga nakalingkawas sa sunog sa barangay Saray. Gihatag ang mga kit Enero 3, 2026 sa barangay gym diin sila mi-evacuate.

Kini human mi-koordinar ang City Social Welfare and Development (CSWD) sa Department of Social Welfare and Development, ingon man ang Iligan City Disaster Risk Reduction and Management Office (ICDRRMO) ngadto sa Office of the Civil Defense (OCD) aron makakuha og dugang ayuda para sa mga nasunogan.

Sumala ni Mayor Frederick Siao, nahimong ingon niini kapaspas ang pagmobilize sa mga responders ug ayuda tungod gi-adapt sa LGU ang Incident Command System sa OCD. Ang ICS Ang Incident Command System usa ka on-scene, all-hazard incident management. Gasunod kini og usa ka istraktura, ug gipahapsay ang koordinasyon ug komunikasyon sa mga ahensya ug sektor atol sa pagresponde sa insidente.

“Tungod man ‘ni sa experience kada tuig nga dili lang sa Iligan, ang tibuok Pilipinas sige’g experience og kalamidad. Maong karung hitabua, automatically maka-react na dayun ang LGU. Unlike sa una nga panahon sa Sendong nga dili ingon ani kadali,” sumala sa Mayor.

Sumala sab ni Mayor Siao, dunay planong dugangan ang mobile kitchen sa ICDRRMO. Ang mobile kitchen usa ka madala-dala nga kusina nga gigamit aron magluto ug maghatag og init nga pagkaon direkta sa lugar nga nanginahanglan, labi na panahon sa kalamidad o emergency.

Dugang niya, dunay pinansyal nga tabang sab nga madawat ang mga nakalingkawas sa sunog gikan sa opisina sa mayor apan kinahanglan mosunod kini sa tukmang proseso ug mosumiter sa gikinahanglang requirements.

Atol sa relief distribution, mitambong sab si Armien Alorro kinsa Head sa ICDRRMO, Sander Bughaw kinsa Warning and Operations Section Chief sa ICDRRMO, Evelyn Madrio kinsa Head sa CSWD, DILG Director Ma. Maida Daniot, ug Saray Punong Barangay Nietzsche Largo.

𝐈𝐋𝐈𝐆𝐀𝐍 𝐂𝐈𝐓𝐘 𝐆𝐈𝐀𝐖𝐇𝐀𝐆 𝐒𝐀 𝐏𝐀𝐆𝐒𝐔𝐏𝐎𝐑𝐓𝐀 𝐒𝐀 𝐑𝐄𝐆𝐈𝐎𝐍𝐀𝐋 𝐅𝐄𝐒𝐓𝐈𝐕𝐀𝐋 𝐎𝐅 𝐓𝐀𝐋𝐄𝐍𝐓𝐒, 𝐑𝐄𝐆𝐈𝐎𝐍𝐀𝐋 𝐒𝐂𝐇𝐎𝐎𝐋𝐒 𝐏𝐑𝐄𝐒𝐒 𝐂𝐎𝐍𝐅𝐄𝐑𝐄𝐍𝐂𝐄

Giaprobahan pinaagi sa mass motion ang giduso nga resolusyon ni Councilor Vincenro King C. Belmonte, Committee Chairperson on Education, nga nag-aghat sa Lokal nga Panggamhanan sa Iligan City, mga ahensya sa National Government, mga pribadong stakeholder, ug tanang residente sa siyudad sa pagsuporta sa Department of Education Regional Festival of Talents ug Regional Schools Press Conference nga pagahimuon sa Iligan City karong Pebrero 24-27, 2026.

Ang Regional Festival of Talents kompetisyon sa pagkanta, pagsayaw, ug visual arts, samtang ang Regional Schools Press Conference naglakip sa mga workshop ug kompetisyon sa news writing ug photojournalism.

Gibanabana nga adunay 7,000 ka mga bisita ug mga contingent nga motambong niining mga kalihokan.

Janice G. Magsayo

𝐁𝐄𝐒𝐓 𝐎𝐅 𝐋𝐔𝐂𝐊, 𝐐𝐔𝐄𝐄𝐍 𝐓𝐑𝐄𝐗𝐘 𝐏𝐀𝐑𝐈𝐒 𝐑𝐎𝐗𝐀𝐒 👑

The Local Government Unit of Iligan City extends its best wishes as you represent the city with pride, grace, and excellence.

Miss Universe Philippines Iligan, https://www.facebook.com/share/p/1DRHt1iteT/

#MUPHIliganCity2026 #MUPH2026 #QueenTrexyParisRoxas

#AsensoIliganon #IliganCity

𝐈𝐓'𝐒 𝐂𝐇𝐑𝐈𝐒𝐓𝐀𝐋-𝐜𝐥𝐞𝐚𝐫, 𝐈𝐋𝐈𝐆𝐀𝐍 𝐂𝐈𝐓𝐘 𝐅𝐎𝐑 𝐓𝐇𝐄 𝐖𝐈𝐍! 👑

The LGU-Iligan proudly expresses its full support as you represent the city with intelligence, grace, and a commitment to service.

Miss World Philippines - Iligan City, https://www.facebook.com/share/p/1DqSVw14Ds/

#TheWORLDThroughCHRISTAL #BeautyWithAPurpose #MissWorldPhilippines2026 #IliganCityForTheWorld #ChristalBriseisPeralta

#AsensoIliganon #IliganCity

We would like to hear from you

Send us your feedback, comments and suggestions to help improve our services

Iligan City

What's Happening

612 TOTAL KITS: Kusog ug Paspas nga Tabang para sa Brgy. Saray 💪📦

𝐈𝐋𝐈𝐆𝐀𝐍 𝐆𝐈𝐏𝐀-𝐈𝐋𝐀𝐖𝐎𝐌 𝐒𝐀 𝐁𝐋𝐔𝐄 𝐀𝐋𝐄𝐑𝐓; 𝐄𝐎𝐂-𝐈𝐌𝐓 𝐆𝐈-𝐌𝐎𝐁𝐈𝐋𝐈𝐙𝐄

𝘾𝙊𝙉𝙂𝙍𝘼𝙏𝙐𝙇𝘼𝙏𝙄𝙊𝙉𝙎, 𝘾𝙃𝙍𝙄𝙎𝙏𝘼𝙇! 👑

𝐋𝐀𝐍𝐓𝐀𝐖𝐀 : LGU-Iligan, nangandam sa mga posibleng epekto sa Bagyong Basyang.

𝐔𝐏𝐃𝐀𝐓𝐄!

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

𝐑𝐄𝐏𝐑𝐎𝐃𝐔𝐂𝐓𝐈𝐕𝐄 𝐇𝐄𝐀𝐋𝐓𝐇 𝐀𝐍𝐃 𝐖𝐄𝐋𝐋𝐍𝐄𝐒𝐒 𝐂𝐄𝐍𝐓𝐄𝐑 𝐒𝐀 𝐈𝐋𝐈𝐆𝐀𝐍, 𝐆𝐈𝐁𝐀𝐋𝐇𝐈𝐍 𝐒𝐀 𝐓𝐓𝐌𝐅

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐖𝐄’𝐑𝐄 𝐌𝐎𝐕𝐈𝐍𝐆!

𝟑𝟔𝐓𝐇 𝐂𝐈𝐕𝐈𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐌𝐎𝐍𝐓𝐇

𝐈𝐋𝐈𝐆𝐀𝐍 𝐃𝐄𝐕𝐄𝐋𝐎𝐏𝐌𝐄𝐍𝐓 𝐆𝐎𝐀𝐋𝐒, 𝐆𝐈-𝐑𝐄𝐕𝐈𝐄𝐖, 𝐆𝐈-𝐔𝐏𝐃𝐀𝐓𝐄

𝐃𝐔𝐆𝐀𝐍𝐆 𝐅𝐀𝐌𝐈𝐋𝐘 𝐔𝐆 𝐇𝐘𝐆𝐈𝐄𝐍𝐄 𝐊𝐈𝐓𝐒, 𝐆𝐈𝐇𝐀𝐓𝐀𝐆 𝐒𝐀 𝐌𝐆𝐀 𝐍𝐀𝐊𝐀𝐋𝐈𝐍𝐆𝐊𝐀𝐖𝐀𝐒 𝐒𝐀 𝐒𝐔𝐍𝐎𝐆 𝐒𝐀 𝐒𝐀𝐑𝐀𝐘

𝐁𝐄𝐒𝐓 𝐎𝐅 𝐋𝐔𝐂𝐊, 𝐐𝐔𝐄𝐄𝐍 𝐓𝐑𝐄𝐗𝐘 𝐏𝐀𝐑𝐈𝐒 𝐑𝐎𝐗𝐀𝐒 👑

𝐈𝐓'𝐒 𝐂𝐇𝐑𝐈𝐒𝐓𝐀𝐋-𝐜𝐥𝐞𝐚𝐫, 𝐈𝐋𝐈𝐆𝐀𝐍 𝐂𝐈𝐓𝐘 𝐅𝐎𝐑 𝐓𝐇𝐄 𝐖𝐈𝐍! 👑