News

KON. ZALSOS MIPAHIGAYON OG LEGISLATIVE INQUIRY KUNG LUWAS UG MAAYO’NG PUY-AN ANG MIRADOR HOUSING

Buot sigurohun sa Lokal nga Kagamhanan nga luwas ug angayan na nga puy-an ang Mirador Ecoland Residences sa Barangay Tipanoy sa dili pa dawaton ni Mayor Frederick Siao ang nahuman nga mga balay sa National Housing Authority (NHA).

Panahon pa sa kanhi administrasyon nahuman ang 52 ka-balay sa NHA. Apan dihang gi-inspeksyon ang Ecoland ‘ning bag-o, guba ang dalan, walay tubig sa dapit ug walay mitigating measures aron mapaubsan ang risgo sa landslide.

Nasayran ni Konsehal Betsy Maria Zalsos, ang Chair sa Committee on Land Use, Housing and Urban Poor, gikan sa Mines and Geosciences Bureau (MGB) nga ga-bahaon ang creek sa dapit. Dako ‘sab ang posibilidad sa landslide sa Mirador base sa Landslide Susceptibility Map sa MGB. Gawas niini, posibleng matay-og ang yuta tungod duol kini sa Lanao Fault System.

“Shall we risk their lives for something that has already been paid nga highly susceptible to landslide considering wala man tay mitigating measures nga nabutang didto. Maayo unta naa tay slope protection. Ni back- out ang contractor, so wala nahimo,” sumala ni Zalsos.

Mopahigayon og ika-duha nga legislative inquiry si Zalsos labot sa proyekto umaabot nga mga adlaw. Apil sa gusto niya masayran kung pilay magasto sa LGU kung magpahimo og saktong kalsada riprap , slope protection ug drainage aron mahimong luwas sa landslide ang mga mamuyo dinhi. Ingon man kung angayan ba nga ipdayon ang Phase I sa proyekto diin ang LGU ang mi-implementar. Sukad gisugdan ang Phase I sa niaging asministrasyon, “skeletal” pa gihapon ang mga unit niini.

[Ronnie Enderes/CIO]

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan

LANTAWA:

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan.

Sumala niya, mo-tabang ‘sab siya sa mga Mosque ug balay alampoanan sa Born Again Christians.

Gitataw niya nga importante nga maatiman ang komunidad sa mga relihiyoso, mahimong kumportable ilang pagsimba ug ma-divert ang pundo sa mga simbahan sa mga kalihukan pagsangyaw imbis nga magasto lang sa pagpaayo sa istraktura.

Dili kini lakip sa mandato sa Bise Mayor apan alang niya, buot niya nga makatabang tungod importante ang papel sa mga simbahan paghulma sa pagtuo ug pamatasan sa katawhan.

Gatabang usab ang iyang buhatan sa paghatud og mga pasyente sa Amai Pakpak Medical Center matag Huwebes, gahatag wheelchair, jetmatic pump ug gapa-hulam og tent sa mga namatayan.

Sumala niya, nga gawas sa iyang trabaho isip presiding officer sa konseho, gusto niya nga maka-tampo sa paningkamot ni Mayor Frederick Siao nga ma-hatag ang ginagmay nga panginahanglanon sa katawhan.

[CIO]

EEDMO MI-KITA OG KAPIN 68 MILLION PESOS SA TUIG 2022

Mi-kitâ ang Economic Enterprise Development and Management Office (EEDMO) og 68, 845, 834.46 Million Pesos tuig 2022.

Sumala ni Virginia Junsan, ang Department Head sa EEDMO, nga kitâ kini sa abang sa stalls sa pampublikong merkado ug ilang bayad sa kuryente, fees sa CR sa mga terminals, sukay sa fish landing area, mga terminals, slaughter house, night market ug koleksyon sa sementeryo.

Target sa EEDMO nga maka-kolekta og 100 Million Pesos karung tuiga.

Ang kitâ sa EEDMO madugang sa panudlanan sa syudad diin kuhaon ang pundo alang sa mga programa ug proyekto.

[JESIE CHRIS QUINABATO/CIO]

2 DAKPAN SA DRUG BUYBUST, PUSIL UG KATORSE MIL NGA BALOR SA DROGA NAKUMPISKA

Dakpan si Jeffrey Pocong ug Gibson Balacuit Lobitaña sa buybust operations sa Iligan City Police Station (ICPS)-1 kagabii sa Zone 7, Barangay Bagong Silang.

Sumala ni Police Major Neil Mark Quipanes, ang Hepe sa ICPS 1, gi-baligyaan ni Lobitaña ang mga operatiba og shabu. Apan ni-tanyag ‘sab og droga sa mga operatiba ang kauban ni Lobitaña nga si Pocong.

Nakuha kang Lobitaña ang usa ka –pakete sa gituohang shabu, bust money ug pusil.

Samtang nakuha kang Pocong ang duha ka sachet sa gituohang shabu.

Mi-abot tanan og 2.1 ka- gramo ang nakumpiska nga droga ug gibana-banang mo-balor og P14,280.

Gi-sumiter ang mga ebedensya sa Iligan City Forensic Unit alang sa qualitative and quantitative examination. Gi-detinir ang mga suspek sa estasyon samtang gi-andam ang mga kasong paglapas sa Comprehensive Dangerous Drugs Act ug Illegal Possession of Firearms.

Sumala ni Quipanes, si Lobitaña usa ka Regional High Value Individual (HVI). Dugang niya, dili sila mohunong sa pag-gukod sa mga tao nga gapamaligya og iligal nga droga.

[R.A/ CIO]

📸 ICPS 1, Media Center

ILIGAN CITY NUTRITION COMMITTEE MI-PLANO’G MGA AKTIBIDAD PAGSULBAD SA MALNUTRISYON

Itudlo sa City Nutrition Council sa mga tawo unsay hinungdan sa malnutrisyon og paagi pag-likay niini.

Apil sa ilang plano ang pagbutang og lactating corner o kwarto sa mga establisyamento og opisina diin pwede magpasuso ang mga inahan sa ilang anak.

Gawas niini, gimanduan ni Dr. Glenn Manarpaac, ang Acting City Health Officer sa City Health Office (CHO), ang City Nutrition Committee (CNC) nga magplano og mga aktibidad may kalabutan sa nutrisyon, ug gahinan kini og pundo. Kini nga mga kalihukan ang maglangkob sa Local Nutrition Action Plan. Tumopng niini ang pagsulbad sa problema sa malnutrisyon sa syudad. I-implementar kini sulod sa tulo ka tuig. I-monitor sa CNC ang pagpatuman niini nga mga kalihukan.

[Florita Mae Cagula/CIO]

Food Safety Awareness lastMarch 11, 2023

Ang City Health Office-Iligan katambayong ang FICUVA Vendors Association ug Oplan Disiplina Partners thru the leadership of Mayor Siao nagpahigayon of Orientation on Food Safety Awareness lastMarch 11, 2023 diha sa FICUVA Multipurpose Academy. Kini gihimo sa CHO aron pagpahibalo sa atong Street Food Vendors sa ilang pagtuman alang sa luwas nga pagkaon sa mga pumapalit nga gimando sa Dept. of Health (DOH) sumala sa PD-856 ug RA-10611 nga mga balaod alang sa maayong panglawas sa katawhan.

Gipakita usab sa mga nanambong mga Street Vendors mahitungod sa paglikay sa ubang mga sakit sama sa TB o Tuberculosis, Rabis ug Dengue. Gipahinumdoman sila nga ang kalamposan sa maayong panglawas ug paglikay sa mga sakit mao ang pagtinabangay alang sa kahinlo sa pagkaon ug sa palibot nga nagsugod diha sa atong mga panimalay.

Asenso Iliganon!

LOOK: 𝐓𝐡𝐞 𝐌𝐀𝐉𝐄𝐒𝐓𝐈𝐂 𝐇𝐎𝐌𝐄𝐂𝐎𝐌𝐈𝐍𝐆 𝐨𝐟 𝐌𝐢𝐬𝐬 𝐂𝐡𝐚𝐫𝐦 𝟐𝟎𝟐𝟑 𝟏𝐬𝐭 𝐑𝐮𝐧𝐧𝐞𝐫-𝐔𝐩, 𝐌𝐬. 𝐀𝐍𝐀𝐁𝐄𝐋𝐋𝐄 𝐌𝐀𝐄 𝐓𝐀𝐓𝐄 𝐌𝐂𝐃𝐎𝐍𝐍𝐄𝐋𝐋

LOOK: 𝐓𝐡𝐞 𝐌𝐀𝐉𝐄𝐒𝐓𝐈𝐂 𝐇𝐎𝐌𝐄𝐂𝐎𝐌𝐈𝐍𝐆 𝐨𝐟 𝐌𝐢𝐬𝐬 𝐂𝐡𝐚𝐫𝐦 𝟐𝟎𝟐𝟑 𝟏𝐬𝐭 𝐑𝐮𝐧𝐧𝐞𝐫-𝐔𝐩, 𝐌𝐬. 𝐀𝐍𝐀𝐁𝐄𝐋𝐋𝐄 𝐌𝐀𝐄 𝐓𝐀𝐓𝐄 𝐌𝐂𝐃𝐎𝐍𝐍𝐄𝐋𝐋

City Government of Iligan, in partnership with the City Tourism Office, City Information Office, CMO-Youth Affairs, and other government and private agencies, hosted the Majestic Homecoming for Miss Charm 2023 1st Runner Up, Annabelle Mae Tate Mcdonnell.

Parts of event include the Homecoming Ceremony conducted during the Flag Raising Ceremony hosted by the City Social Welfare and Development Office where she was presented with a bouquet and Plaque of Recognition for her contributions to the City of Iligan. Followed by a motorcade and Press Conference at Fontina attended and participated by different television and radio media companies.

Thank you, Annabelle, for bringing honor and pride to our country most especially to Iligan City!

𝐕𝐢𝐯𝐚 𝐓𝐮𝐫𝐢𝐬𝐦𝐨 𝐈𝐥𝐢𝐠𝐚𝐧 𝐮𝐠 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

#MajesticHomecoming #IDG7 #MissCharmAnnabelle #IliganCityTourismOffice #VivaTurismoIligan

MGA SUSPEK SA PAGPUSIL-PATAY SA HABAL-HABAL DRIVER SA PUGAAN, GIKASUHAN NA

Gi-kumpirma ni Police Major Neil Mark Quipanes, ang Iligan City Police Station 1 Commander, nga na-ila na ang upat ka mga suspek sa pagpusil-patay sa habal-habal driver nga si Avelino Libres niadtong Enero 23, 2023 sa gabii sa Purok 1B, Barangay Pugaan.

Sumala ni Quipanes, na-ilhan ang mga suspek tungod sa CCTV footages ug testimonya sa mga saksi. Dugang niya, duha sa mga suspek ang nagpaka-aron ignun nga pasahero, samtang duha ‘sab ang nag-atang sa Pugaan nga maoy nipusil sa biktima ug nikuha sa motor niini.

Gi-kasohan sa pamilya ni Libres ug sa kapulisan ang mga suspek og carnapping with homicide. “Wala nato undangi sa pag-imbestigar og pagsulbad ang kaso. Gusto nato mahatagan og hustisya ang biktima ug masiguro nga dili na makahimo pa og laing krimen ang mga suspek,” sumala ni Quipanes.

[CIO]

📸 ICPS-1

INDEMNITY GI-DAWAT SA MGA MAG-UUMA UG MANAGAT NGA APEKTADO SA LPA NIAGING TUIG

Mi-dawat gikan sa Philippine Crop Insurance Corporation (PCIC) og tig P3,000 ngadto sa P7,000 ang singkwenta'y otso ka mag-uuma ug upat ka-mananagat sa Iligan nga apektado sa Shearline ug Low Pressure Area niaging tuig.

Kini human gi-validate sa City Agriculturist’s Office (CAG) ang mga nangadaut nga mga sakayan sa dagko nga balud og umahan tungod sa landslide.

Sumala ni Marie Ann Beley, ang Officer-In-Charge sa City Agriculturist’s Office, gamiton ang nadawat nga insurance sa mga mananagat pagpa-ayo o pagpahimo og bag-o nga sakayan, ingon man pagpalit og abono o binhi sa mga mag-uuma.

Naningkamot ang Agriculturist’s Office nga makakuha og lain pa nga grant para sa mga mag-uuma tungod dako ang kadaut sa ilang umahan.

[ Florita Mae Cagula / CIO ]

MGA BAG-ONG KONSULTA PACKAGES SA PHILHEALTH, GITUN-AN

Gitun-an sa Philhealth nga mapalapdan ang serbisyo sa dialysis gikan sa 45 ka-adlaw nga covered sa insurance, himuon na kini nga 90 ngadto sa 156 ka-adlaw.

Lakip sa gitun-an nga idugang ang Acute Malnutrition Package ug Mental Health Package.

Sumala ni Christine Mae Magno, ang Hepe sa Philhealth sa Iligan ug Lanao del Norte, buot niya nga ma-implementar dayun dinhi ang bag-o ug gipalapdan nga mga programa kung mahuman na ang mga pagtuon kalabot niini. Mao ‘sab kini ang hangyo kaniya ni Mayor Frederick Siao. Dugang ni Magno, tanang meymbro sa Philhealth ang maka-avail niini.

Ang Iligan ug Lanao del Norte ang pinaka-daghan og Konsulta Program tibuok Mindanao.

[JESIE CHRIS QUINABATO/ CIO]

📸 Philhealth

MGA TAG-IYA OG IRO MULTAHAN KUNG DILI MAKAPA-REHISTRO, BAKUNA KONTRA RABIES SA ILANG HAYOP

Gi-awhag sa Iligan City Veterenarian’s Office (ICVO) ang mga nanag-iya og mga iro ug iring nga pabakunahan ilang mga hayop kontra rabies.

Ang rabies usa ka viral disease nga pwede’ng mapasa ngadto sa ubang hayop o sa tawo kung makapaak ang rabid nga iro o iring. Maka-apekto kini sa utok ug makamatay. Sa Anti-Rabies Act of 2007, gi-mando sa mga tag-iya nga ipa-rehistro sa ICVO ang mga iro ug iring, paghikot niini o dili buhi-an, regular nga pabakunahan kontra rabies ang mga hayop, i-report sulod sa 24 oras kung makapaak ang hayop aron ma-obserbaran kini, ug mo-tabang ingon man maoy mo-gasto sa pagpabakuna o pagpatambal sa napaakan.

Multahan og P25,000 ang tag-iya nga dili mo-gasto sa pagpatambal. Samtang, multahan ‘sab og P2,000 ang mga tag-iya nga wala mi-parehistro sa ilang hayop.

Dunay bayad nga P100 alang sa bakuna sa hayop. Sumala kang Dr. Maria Dahlia Valera, ang Department Head sa ICVO, ga-panakop ‘sab sila og mga la-aw aron dili kini makapaak.

Ang ICVO anaa sa sulod sa Tambo Terminal. Bukas ilang buhatan Lunes hangtud Byernes, alas 8:00 sa buntag hangtud alas 5:00 sa hapon. Mamahimo ‘sab sila nga tawagan sa numero 221-6752.

Ang Marso gideklara nga Rabies Awareness Month.

[Jesie Chris Quinabato/CIO]

ORDINANSA GA-MANDO PAG-INSTALAR OG CCTV SA GAGMAY NGA ESTABLISYAMENTO, GIDUSO

Mi-duso si Konsehal Atty. Providencio Abragan Jr., ang Chairman sa Committee on Peace and Order, og ordinansa nga mag-butang og CCTV ang mga establisyamento nga dunay P100,000 nga puhonan pataas. Sa daan nga ordinansa, ang mga establisyamento lang nga dunay P500,000 nga puhonan ang gimando-an nga magbutang og CCTV.

Apan nakita sa Lokal nga Kagamhanan ug mga pulis nga mas daghan ang mga negosyo nga ma-protektahan sa krimen kung mas daghan ang dunay CCTV tungod matahap ang mga dautan.

Makatabang ‘sab kini sa imbestigasyon sa mga krimen nga mahitabo sulod ug duol sa establisyamento.

Sa ordinansa, gi-mando nga tin-aw ang kuha nga video sa CCTV. Gi-mando nga i-preserbar ang video sa labing dugay 30 ka-adlaw. Gi-mando usab nga mohatag ang estalisyamento og kopya sa footage ngadto sa mga otoridad kung kinahanglanon. Mo-inspeksyon ang mga pulis, Punong Barangay, Permits and License Division, Iligan Chamber of Commerce ug Information and Communication Technology Center.

Mo-pahigayon pa og mga public hearing ug tuki-on sa konseho ang gisugyot nga ordinasa.

[Jesie Chris Quinabato/ CIO]

SERBISYO’NG MEDIKAL IHATUD SA MGA BARANGAY TIBUOK BULAN SA ABRIL

Gihan-ay sa Lokal nga Kagamhanan ang plano sa paghatud og serbisyong medikal sa mga komunidad sa bulan sa Abril. Tibuok bulan nga ipakanaug sa mga barangay ang mga serbisyo isip pag-obserbar sa Serbisyo Iliganon Festival. Kaabag sa LGU niini ang mga Non-Government Organizations (NGO).

Gitun-an usab ang pag-apil sa mga legal services ug rehistro.

Apan gi-klaro ni City Administrator Darwin Manubag nga aron tibuok tuig nga dali ang pagpatambal sa mga anaa sa barangay, buot sa LGU nga paspasan ‘sab ang pagtukod og dugang Konsulta Centers. Kini bisan og ang Iligan ug Lanao del Norte ang pinakadaghan karun og Konsulta Centers sa Northern Mindanao. "We need to bring our health services closer to the people," sumala niya.

Dugang plano sa LGU nga mag-butang og Sanitation Officer sa kada barangay isip usa sa mga lakang sa pagsiguro nga ma-atiman ang kalimpyo sa palibot ug panglawas sa katawhan.

[Florita Mae Cagula/CIO]

Kamulo pagtukod sa Iligan Best Display Center

LANTAWA:

Kamolo’ng gitukod ang Iligan Best Display Center sulod sa Integrated Bus and Jeepney Terminal-East sa Tambo, Barangay Hinaplanon.

Sumala kang Engr. Magentheren Susitheren, ang Section Head sa Construction Division sa City Engineers Office, Pebrero karung tuiga nasugdan ang proyekto ug gipaningkamutan nga mahuman sa Mayo.

Sa Display Center ibutang ang mga produkto sa mga gagmay nga negosyante ug produkto sa mga livelihood projects nga suportado sa Lokal nga Kagamhanan.

[Ronnie Enderez/ CIO]

CITY VET: GI-DILI ANG PAGDALA’G KARNE GIKAN SA MGA LUGAR NGA APEKTADO SA ASF

Mi-pahimangno si Dr.Maria Dahlia Valera, ang Department Head sa Iligan City Veterinarian’s Office, nga dili magdala sa syudad og produkto’ng gama sa karneng baboy sama sa longganisa og chicharon gikan sa Cebu og Cotabato. Lakip sa mga i-dili ang mga livestocks gikan sa Zamboanga ug Pagadian nga apektado pa-gihapon sa African Swine Fever (ASF). Kini aron dili mokuyanap pagbalik ang ASF sa syudad. Apektado sa ASF ang Iligan Nobyembre 2022 diin daghan sa mga binuhing baboy ang gi-depopulate. Duha ka-tuig ang gipa-abot ayha gitugot ang pagpamuhi og balik.

Gipaningkamutan sa ICVO nga dili na mataptan og balik og ASF ang mga baboy sa Iligan tungod nakaapekto sa mga piggery ug meatshops ang pandemya.

Dunay 10 Million Pesos nga gibubo ang Department of Agriculture sa Iligan aron makapamuhi og balik ang mga hog raisers nga apektado kaniadto.

Ang African Swine Flu dili motakod sa tawo apan motakod kini og ikamatay sa ubang hayop. Posible nga derekta’ng matakdan ang baboy sa laing hayop o kaha kung makakaon kini og karne sa mananap nga infected sa sakit.

[Jesie Chris Quinabato/ CIO]

DILG MI-DASIG SA LGU NGA TARUNGON ANG SERBISYO ARON MAKUHA ANG SGLG

Gihangyo ni Maria Maida Daniot, ang Director sa Department of the Interior and Local Government (DILG) sa Iligan, ang mga empleyado ug mga opisina sa Lokal nga Kagamhanan nga maningkamot sa pag-serbisyo aron maabot ang standard governance. "Everytime ga-trabahuon nato ang atong trabaho, we always ensure nga level up gyud atong pagtrabaho-- naa gyud ‘ta in highest form of performance," sumala niya.

Ang kalidad sa serbisyo usa sa mga basehan aron makakuha ang Lokal nga Kagamhanan sa Seal of Good Local Governance o SGLG.

Apil sa basehan ang kapasidad sa LGU paghatud sa batakang serbisyo ngadto sa katawhan.

Dugang ni Daniot, kinahanglan mapasar sa LGU ang napulo ka governance areas-- Financial Administration and Sustainability, Disaster Preparedness, Social Protection and Sensitivity, Safety, Peace and Order, Health Compliance and Responsiveness, Sustainable Education, Business Friendliness and Competitiveness, Environmental Management, Tourism, Heritage Development, Culture and the Arts, ug Youth Development.

Kinahanglan ‘sab ang physical accomplishments.

Dugang niya, kung aduna nay plano ug pundo alang sa mga istraktura o pisikal nga proyekto, siguraduhon nga mahuman kini base sa plano.

Makadawat og insentibo ug programa ang LGU nga dunay SGLG.

Karung bulana, mosumiter ang LGU sa mga dokumento nga kinahanglan sa pag-apply og SGLG ngadto sa DILG. Sa Abril i-assess ang performance sa LGU base sa gisumiter nga mga dokumento.

[Florita Mae Cagula/CIO]

ONLINE NGA PAGPANGUMPRA SA MERKADO, SUGDAN KARUNG BULANA

Mahimo na nga mangumpra online sa mga baligya sa Central Market sa Poblacion ug Tambo Market sugod karung bulana.

Sumala ni Virginia Junsan, ang Department Head sa Economic Enterprise Development and Management Office (EEDMO), online ang tanang transaksyon sa Electronic Marketing.

Pareho ra sab ang presyo sa produktong gibaligya online sa presyo niini sa merkado. Delivery fee lang ang dugang nga isingil.

Gi-planohan na lang karun kung kinsa ang mga partner riders nga mo-hatud sa mga order.

Tinguha sa Electronic Marketing nga mapasayon ang pagpangumpra sa mga residente ug mo-dako ang kita sa mga mamaligyaay.

[Jesie Chris Quinabato/ CIO]

DUGANG PABALAY SA MGA SENDONG SURVIVORS, TUKURON SA MANDULOG

Sugdan og tukod ang 100 ka-units sa Abril karung tuiga. Sulod sa GMA Kapuso Village sa Barangay Mandulog tukuron ang mga balay.

Kahinumduman nga dunay nahabilin nga 156 Million Pesos nga Core Shelter Assistance gikan sa Department of Social Welfare and Development(DSWD). Gihatag kini sa panahon ni kanhi-Mayor Lawrence Cruz apan wala magamit ang tibuok kantidad. Mihangyo lang si Mayor Frederick Siao sa DSWD nga dili bawion ang nahabilin sa pundo aron mapahimuslan sa wala pa maka-balay nga mga survivors.

Sumala sa Housing and Resettlement Office (HRO), kato lang mga survivors nga nakarehistro sa DSWD ang pwedeng maka-avail niini.

Duna nay singkwenta’y nuebe ka mga nakalingkawas sa bagyong Sendong nga una’ng makabenipisyo sa housing project.

Prayoridad nga hatagan og balay silang mga wala pa kapahimulos sa housing program sa gobyerno, mga renters, sharers ug namuyo sa danger zone.

Mi-himo og deliberasyon ug aktwal nga pagsusi ang Beneficiary Selection and Awards Committee (BSAAC) sa kahimtang sa mga survivors aron ma-una ang wala pay permanente nga balay.

[Florita Mae Cagula/ CIO]

MGA PAMILYA’NG APEKTADO SA LPA NIAGING BULAN, MIDAWAT OG AYUDA

MGA PAMILYA’NG APEKTADO SA LPA NIAGING BULAN, MIDAWAT OG AYUDA

Gihatag karung adlawa sa Department of Social Welfare and Development ang hygiene kits, sleeping kits, kitchen kits, family kits ug food packs sa mga pamilya sa Iligan nga apektado sa Shearline ug LPA Enero ug Pebrero ning tuiga.

Niadtong Enero 12, dunay pagdahili sa yuta sa Zone Matinabangon,Barangay Suarez, Pebrero 14 sa Purok 3 Barangay Bonbonon, ug Pebrero 19 sa Zone 16-Mascariñas, Barangay Abuno.

Apektado niini ang 16 ka-pamilya sa Barangay Bonbonon, ug 36 ka-pamilya sa Barangay Suarez, 16 ka-pamilya sa Barangay Abuno.

Kaabag sa distribusyon sa relief goods ang Iligan Disaster Risk Reduction and Management Office nga gipangulohan ni Armien Alorro, ang Officer-in-Charge sa nasangpit nga buhatan.

Mo-hatag sab ang Lokal nga Kagamhanan og cash assistance ug dugang materyales sa pagbuhat sa balay sama sa sin, semento ug inudoro.

Gipasalamatan sab si Mayor Frederick Siao ang tanan mitabang ilabi na ang DSWD ug mga health workers. "Sa mga insidente nga sama niini, kita magpasalamat sa mga tabang og ang padayon nga suporta gikan sa katawhan mismo", sumala sa Mayor.

[Dhannica Joy Romarez/CIO]

𝐋𝐀𝐍𝐓𝐀𝐖𝐀: 𝐈𝐋𝐈𝐆𝐀𝐍 𝐂𝐈𝐓𝐘, 𝐌𝐈𝐒𝐀𝐋𝐌𝐎𝐓 𝐒𝐀 𝐍𝐒𝐄𝐃 𝟐𝟎𝟐𝟑

Misalmot ang Iligan City sa gipahigayong Nationwide Simultaneous Earthquake Drill 2023 kagahapong adlawa, Marso 9.

Abtik nga mi-partisipar ang mga empleyado sa Iligan City Hall ug Sangguniang Panlungsod, Iligan City National High School, Tambo Central School, ug Department of Public Works and Highways.

Tumong sa maong aktibidad nga mapalapdan ang kahibalo ug pagpangandam sa mga Iliganon sa panahon sa linog.

#earthquake #earthquake2023 #NSED2023 #ResiliencePH

#proactive #AsensoIliganon #IliganCity

We would like to hear from you

Send us your feedback, comments and suggestions to help improve our services

Iligan City

What's Happening

KON. ZALSOS MIPAHIGAYON OG LEGISLATIVE INQUIRY KUNG LUWAS UG MAAYO’NG PUY-AN ANG MIRADOR HOUSING

Gipa-ayo ni Iligan Vice Mayor Marianito “Dodong” Alemania ang mga daan nga parte sa kapilya sa Barangay Tipanoy ug Digkilaan

EEDMO MI-KITA OG KAPIN 68 MILLION PESOS SA TUIG 2022

2 DAKPAN SA DRUG BUYBUST, PUSIL UG KATORSE MIL NGA BALOR SA DROGA NAKUMPISKA

ILIGAN CITY NUTRITION COMMITTEE MI-PLANO’G MGA AKTIBIDAD PAGSULBAD SA MALNUTRISYON

Food Safety Awareness lastMarch 11, 2023

MGA SUSPEK SA PAGPUSIL-PATAY SA HABAL-HABAL DRIVER SA PUGAAN, GIKASUHAN NA

INDEMNITY GI-DAWAT SA MGA MAG-UUMA UG MANAGAT NGA APEKTADO SA LPA NIAGING TUIG

MGA BAG-ONG KONSULTA PACKAGES SA PHILHEALTH, GITUN-AN

MGA TAG-IYA OG IRO MULTAHAN KUNG DILI MAKAPA-REHISTRO, BAKUNA KONTRA RABIES SA ILANG HAYOP

ORDINANSA GA-MANDO PAG-INSTALAR OG CCTV SA GAGMAY NGA ESTABLISYAMENTO, GIDUSO

SERBISYO’NG MEDIKAL IHATUD SA MGA BARANGAY TIBUOK BULAN SA ABRIL

Kamulo pagtukod sa Iligan Best Display Center

CITY VET: GI-DILI ANG PAGDALA’G KARNE GIKAN SA MGA LUGAR NGA APEKTADO SA ASF

DILG MI-DASIG SA LGU NGA TARUNGON ANG SERBISYO ARON MAKUHA ANG SGLG

ONLINE NGA PAGPANGUMPRA SA MERKADO, SUGDAN KARUNG BULANA

DUGANG PABALAY SA MGA SENDONG SURVIVORS, TUKURON SA MANDULOG

MGA PAMILYA’NG APEKTADO SA LPA NIAGING BULAN, MIDAWAT OG AYUDA

𝐋𝐀𝐍𝐓𝐀𝐖𝐀: 𝐈𝐋𝐈𝐆𝐀𝐍 𝐂𝐈𝐓𝐘, 𝐌𝐈𝐒𝐀𝐋𝐌𝐎𝐓 𝐒𝐀 𝐍𝐒𝐄𝐃 𝟐𝟎𝟐𝟑