DATE : Feb 02, 2026

Gipahigayon ang ika-duhang public hearing alang sa ordinansa nga gipangamahanan ni Konsehal Thomas Derrick Siao, Committee Chairperson sa Social Services, nga mag-amendar sa pagmugna sa Iligan City People's Council.

Ang pag-amendar gihimo aron mapalambo ang partisipasyon sa katawhan sa lokal nga pagdumala ug aron ilhon ang mahinungdanong papel sa mga non-governmental organizations (NGOs) ug People's Organizations (POs) sa pagpalambo sa kaayohan sa katawhan ug sa pagpausbaw sa transparency, accountability, ug effectiveness sa serbisyo publiko.

Sumala ni Abelardo Moya, Chairperson sa Iligan City People's Council, ang gihimong lakang sa LGU Iligan sa pagpakusog sa People's Council maka-aghat sa ubang LGU nga mosunod sa susamang inisyatibo.

Dugang pa ni Moya nga mapasalamaton ang mga miyembro sa People's Council sa paghatag kanila og kahigayonan nga mahimong partner sa LGU Iligan sa pagsiguro sa maayong pagdumala sa siyudad.

Janice G. Magsayo