Iligan City Government, Mo-Paabot Og Tabang Sa Pamilya Sa Namatay Nga Sidewalk Vendor

DATE : Nov 13, 2022
Author •

Mipadangat sa iyang pahisubo si Mayor Frederick Siao ngadto sa pamilya sa nagpakamatay nga sidewalk vendor.

Sumala sa iyang Chief of Staff nga si Jules Verne Padilla, mo-hatag ang lokal nga kagamhanan og tabang pinansyal ug mortuary assistance ngadto sa pamilya sa ginang.

Sumala ni Padilla, suta-on ‘sab nila kung unsa pa ang kinahanglan sa pamilya sa pagpahiluna sa namatay.

Gipahayag ni Padilla nga walay nalipay sa nahitabo. Apan sumala sab niya, walay gipili kung kang kinsa ipatuman ang mando sa Department of Interior and Local Government nga i-clear ang dalan. Gi-imporsar sa Oplan Disiplina ang balaud sa tanang sidewalk vendors.

Alang kang Dr. Rey Sage, Medical Consultant ug Psychiatrist sa City Health Office (CHO), posibleng dunay depresyon ang ginang. Dili matud pa maka huna-huna ang tawong dunay depresyon sa paghunos sa kinabuhi sa usa lang ka-rason. Pamilya mismo ang unang makatabang sa tawong dunay depresyon kung mamatikdan nga dunay kausaban sa iyang batasan o nausab ang naandan niyang gimbuhaton, ug mas pilion niining magpakahilom ug mag inusara. Sumala ni Sage, kinahanglan sa tawong dunay depresyon ang medikal ug propesyunal nga tabang. [CIO]

https://www.facebook.com/asensonewsiligan

We would like to hear from you

Send us your feedback, comments and suggestions to help improve our services

Iligan City