DATE : Dec 01, 2025

Gihatag ngadto sa 21 ka barangay sa Iligan ang ilang 40% nga bahin sa garbage fee nga gibayaran sa mga business owners sa ilang pag-renew sa business permits. 

Ang mga barangay nga nakadawat sa maong bahin mao ang Abuno, Acmac, Bagong Silang, Del Carmen, Ditucalan, Luinab, Maria Cristina, Mahayahay, Pala-o, Poblacion, Puga-an, San Miguel, Sta. Filomena, Saray, Suarez, Tambacan, Tipanoy, Tubod, Ubaldo Laya, Upper Hinaplanon, ug Villaverde. 

Sumala ni KP Maquiling, Division Head sa Research, Planning, IEC, Monitoring and Enforcement (RPIME) sa Iligan City Environment and Natural Resources Office (ICENRO), duha na ka tuig nila nga gipatuman ang paghatag og 40% nga bahin ngadto sa mga barangay nga nakatuman sa mga rekisitos aron makuha ang maong bahin. 

Dugang pa ni Maquiling nga magpadayon ang ilang coaching and mentoring sa ilang mga barangay partners alang sa saktong paghipos sa mga basura sa ilang mga lugar.

 Janice Magsayo