The Official Website of the City Government of Iligan

𝐋𝐆𝐔 𝐈𝐋𝐈𝐆𝐀𝐍, 𝐓𝐄𝐒𝐃𝐀 𝐊𝐀𝐁𝐀𝐋𝐈𝐊𝐀𝐓 𝐀𝐖𝐀𝐑𝐃𝐄𝐄

DATE : Nov 25, 2025
Author • Asenso News Iligan City

Gidawat ni Mayor Frederick Siao ang pasidungog alang sa LGU Iligan isip 2025 TESDA Kabalikat Awardee nga gipahigayon sa Philippine Trade and Training Center Lobby, Pasay City. 

Kini tungod sa dedikasyon sa LGU sa pagpalambo sa kahanas ug edukasyon sa komunidad, ilabi na sa mga kabataan. Unang higayon nga nakadawat ang siyudad og national nga pasidungog gikan sa TESDA. 

Gihatag ang Kabalikat Award sa mga partners nga adunay dakong kontribusyon sa Technical Vocational Education and Training (TVET) programs sa Pilipinas. 

Napili ang Iligan tungod sa suporta niini sa TVET pinaagi sa paggahin og pondo sa scholarships, pagpasiugda sa mga programa sa kahanas, pagtabang sa mga graduates nga makakita og trabaho, ug pagtukod og mga programa nga tubag sa panginahanglan sa industriya. 

Gipasigarbo usab ang functional nga TESDA Council sa siyudad nga gisuportahan ni Mayor Frederick Siao.

[Nobyembre 25, 2025 | Janice Magsayo]

📷: Niwrad Manu (Darwin Manubag) FB account

We would like to hear from you

Send us your feedback, comments and suggestions to help improve our services

Iligan City