The Official Website of the City Government of Iligan

EMERGENCY MEETING | ILIGAN CITY DRRMC

DATE : Nov 03, 2025
Author • Freddie Siao Page

Nagpatawag kita ganinang buntag og emergency meeting kauban ang mga miyembro sa Iligan City Disaster Risk Reduction and Management Council (ICDRRMC) aron hisgutan ang pinakabag-ong update sa Tropical Cyclone “Tino” ug sa shear line conditions nga posibleng makaapekto sa atong dakbayan.

Apil sa mitambong ang mga representante sa DepEd, MSU-IIT, ILPI, DPWH, City Engineer’s Office, ug uban pang mga ahensya ug response clusters — kauban usab ang DOST-PAGASA Iligan nga naghatag sa aktuwal nga weather update ug forecast aron masiguro nga atong mga desisyon base sa tinuod nga datos.

Akong gusto ipaabot nga ang atong desisyon dili lang gikan sa mayor, kundili resulta sa kolektibong assessment ug rekomendasyon sa ICDRRMC. 

Gikasabutan sa council ang suspension sa klase ugma, Nobyembre 4, 2025, aron makapreparar ug malikayan ang kadaut. Gina-awhag usab nato ang tanang barangay nga maglunsad ug clean-up drives karong adlawa, labi na sa mga creek ug kanal, aron malikayan ang pagbaha tungod sa basura nga nagtapok.
Magpabilin ta nga alerto, magtinabangay, ug mag-ampo para sa kaluwasan sa tanan.

Padayon, Asenso Iliganon! 💙
#ICDRRMC
#AsensoIliganon
#TropicalCycloneTino
#BantayIligan
#DisasterPreparedness
#TeamworkInAction
#FreddieSiao
#MayorSiao

#SerbisyongSiaoSerbisyongWow

We would like to hear from you

Send us your feedback, comments and suggestions to help improve our services

Iligan City