DATE : Nov 03, 2025

Gipahinumdoman ni Engr. Mark Arque Lacanaria, Officer in Charge sa Office of Building Official ang publiko sa importansya sa pagbaton og Building Permit sa dili pa magsugod sa bisan unsang proyekto sa pagtukod. 

Sumala ni Lacanaria adunay lima ka mahinungdanong rason nganong kinahanglan ang Building Permit, una, kinahanglan kini alang sa legal nga pagsunod (National Building Code), ikaduha kaluwasan sa kinabuhi ug kabtangan, ikatulo ang garantiya sa kalidad pinaagi sa mga lisensyado nga propesyonal, ikaupat ang  kaluwasan sa sunog (Fire Safety Evaluation Clearance gikan sa BFP), ug ikalima ang pagsunod sa zoning (Locational Clearance gikan sa CPDO).

Ang pagbaton og Building Permit dili lamang pagsunod sa balaod, apan usa ka paagi aron masiguro ang kaluwasan, kalidad, ug kahapsay sa pagtukod sa atong siyudad.

 Janice G. Magsayo