MGA ILIGANONG ATLETA NGA MISALMOT SA BATANG PINOY NATIONAL CHAMPIONSHIP, GIPASIDUNGGAN

DATE : Jan 04, 2023
Author •

Gipasidunggan sa lokal nga kagamhanan  ang 23 ka mga batan-ong atleta atol sa gipahigayong flag ceremony kagahapon adlawa, Enero 3, 2023. Kini tungod sa ilang garbo nga nahatag sa syudad atol sa Batang Pinoy National Championship niadtong Disyembre 17 hangtud 22 , 2022 sa Vigan City.
Nakakuha og medalya ang mga atleta nga pambato sa Iligan sa dula nga  Arnis, Taekwondo, Karatedo ug Pencak Silat.
Nadala nila ang lima (5) ka gold, dose (12) ka silver, ug walo (8 ) ka bronze medals.
Sumala ni Vincenro King Belmonte, ang City Sports Director,  bisan pa man og gamay ang delegasyon, nakuha gihapon sa syudad ang ika 22 nga rank sa 112 kabouk syudad nga mi-apil.
Gipasalig ‘sab niya nga mas mo daghan pa ang mga delegates nga mo representa sa syudad karong tuig 2023.
Nakakuha usab ang syudad og katorse (14) ka gold medal, kinse (15) ka silver ug dose (12) ka bronze sa gipahigayong Open Invitational Eskrema/Arnis and Karatedo niadtong Disyembre 9 - 11, 2022 sa Libertad Misamis Oriental.
Anaa usab ang Philippine Eskrima Kali Arnis Federation ( PEKAF ) 2022 Mindanao Qualifying Lead nga nahitabo sa Sultan Kudarat, nakakuha ang Iligan og upat ( 4) ka gold, walo (8 ) ka silver ingon man upat (4) ka bronze.

#AsensoIliganon

We would like to hear from you

Send us your feedback, comments and suggestions to help improve our services

Iligan City