DATE : Aug 14, 2023

Gipahigayon sa LGU-Iligan ang duha ka-adlaw nga Smart City Innovation Workshop didto sa MSU-IIT gym.

Tumong niini ang paghisgot sa mga digital solutions nga gi-gamit sa Cauayan City, Sta. Rosa, Rehiyon 10, MSU-IIT, ingon man mga Smart Programs sa Department of Science and Technology (DOST).

Gi-presentar sab ni Mayor Frederick Siao ang direksyon sa Iligan aron mahimong Smart Industropolis City of the South. Usa sa mga lakang sa LGU nga iyang gipresentar mao ang Ilig-On-Novation. 

Sumala niya, ang Ilig-On-Novation dili lang digital ug technological innovations apan duna usab social innovations ug galambigit sa mga stakeholders sa pagpalambo sa turismo, agrikultura, manufacturing, edukasyon ug uban pang mga problema sa syudad nga nagkinahanglan og developmental interventions.

Hisgutan sa ika-duhang adlaw sa workshop ang pag-localize sa United Nations Sustainable Development Goals nga maoy gi-sundan sa Iligan Development Goals, pagdani ug mga imbestor, Smart Healthcare, Smart Cities Youth Network ug uban pa. 

Usa sa speakers sa workshop si Kok-Chin Tay, ang Director sa ASEAN Smart Cities Council.