MGA SMUGGLED NGA SIGARILYO, GISUNOG

DATE : May 24, 2023
Author • Asenso News Iligan City

MGA SMUGGLED NGA SIGARILYO, GISUNOG

Gisunog kagahapon sa kapulisan ang 342 ka-reams ug 534 ka-pack nga smuggled nga sigarilyo.

Sumala ni Police Captain Connie Lee, ang Police Station 5 Deputy Commander, na-kumpiskar ang mga sigarilyo sa operasyon sa kapolisan sa Police Station 5 ug Oplan Disiplina sa Aguinaldo Street Extension sa Barangay Pala-o.

Gi-inspeksyon ang mga namaligya kilid sa dalan sugod Marso hangtud Mayo katorse karong tuiga.

Nasuta sa kapolisan walay dokumento ug wala kapasar sa qualitative standards sa mga tinuod nga brand ang maong sigarilyo.

"Ga-display sila sa sidewalk. Pag naay operasyon ang PNP, biyaan nila," matud ni Police Captain Lee.

Gibutyag ‘sab ni Lee nga nalapas sa mga namaligya ang Republic Act 4712 o Tariff and Customs Code of the Philippines.

Parte usab kini sa paningkamot sa Oplan Disiplina nga mahapsay ang kadalanan.

(Ronnie Enderes/CIO)

We would like to hear from you

Send us your feedback, comments and suggestions to help improve our services

Iligan City