News Details

SOBRA 2K RESIDENTE SA ILIGAN NGA APEKTADO SA PANDEMYA, MAKADAWAT OG AYUDA

Mihatag og cash assistance alang sa unang 799 ka mga benipisyaryo sulod sa 16 ka barangay sa Iligan City ang opisina ni Senator Aquilino "Koko" Pimentel kagahapon .

Programa kini sa Department of Social Welfare and Development (DSWD) nga Assistance to Individuals in Crisis Situations (AICS) pinaagi usab sa paningkamot ni City Mayor Frederick Siao.

Adunay singkwenta (50) ka mga benipisyaryo kada barangay nga maka-dawat og tig 2000 Pesos.

Sumala ni Sittie Ayrrah Razak, ang Social Welfare Officer II sa DSWD, nga tumong sa ilang programa nga maka hatag og tabang para sa mga indibidwal o grupo nga nag atubang sa krisis ug kalamidad.

"Maka tulong ang food assistance para sa inyung araw-araw na gastusin, lalo pa tumataas ang gastusin ng ating mga bilihin at patuloy pa din tayo nga apektado ng pandemya hindi lang sa ating kalusugan pati na rin sa ating buhay" dugang pa niya.

Sumala sab ni Oliva Oliquino Abadies nga taga Barangay Acmac ug usa sa benipisyaryo sa AICS, dugang tabang kini sa iyang pagpanganak. Makadugang sab kini sa pang adlaw-adlaw nga konsumo.

Ang ipahigayong pay-out himuon sulod sa tulo (3) ka adlaw sugod Mayo 9 hangtud 11 ning tuiga ug maka-dawat niini ang 2,189 ka mga benipisyaryo sa Iligan City.

[ Florita Mae Cagula/CIO ]

We would like to hear from you

Send us your feedback, comments and suggestions to help improve our services

Iligan City