DATE : May 05, 2023

SERBISYONG ILIGANON CARAVAN DUNAY DUGANG MGA SERBISYO

Kapin usa ka gatos ka mga serbisyo gikan sa lokal ug nasudnong mga hensya ug buhatan ang hatud sa Serbisyong Iliganon Caravan apan gidugang ning bag-o ang pagpa-miyembro sa Philhealth, konsultasyon sa Department of Labor and Employment ug skills registration sa Public Employment Service Office. 

Naa sab ang pa-gwapa sa Gender and Development Office ingon man ang free reading glasses ug free assessment  for special children  gikan sa buhatan nI Councilor Atty.  Betsy Zalsos.

Sumala ni City Administrator Darwin Manubag, lakip sa paghatud sa mga serbisyo ngadto sa kabarangayan mao ang pagpaminaw usab sa molo sa katawhan. “Serbisyong tinud-anay ang atong pagpaningkamot mapa-abot ang tanang nga   serbisyo sa katawhan, “ matud ni Dr. Manubag.  

Kanunay ‘sab ang pag-assess sa mga serbisyo aron matagbo ang panginahanglanon sa komunidad.

[Ronnie Enderes/ CIO]