SERBISYO ILIGANON CARAVAN SUGDAN SA BARANGAY SARAY

DATE : Mar 28, 2023
Author • Asenso News Iligan City

Magsugod sa Barangay Saray ang Serbisyo Caravan sa Abril 14, 2023.

Sumala ni Marlon Clapano, ang Head sa Barangay Affairs Office, gawas sa serbisyo medikal, dental, libreng tambal , ug feeding,  duna sab libreng serbisyo ligal ang City Legal Office." Kabalo kita mga constituents uhaw kaayo labi na gyud sa  mga advise ug legal counseling sanatong mga abogado so libre niana nga serbisyo sa atong mga abogado para awareness sa tanan,” matud ni Clapano.

Ang Economic Enterprise Development and Management Office sab magdala og mga vendors aron mamaligya.
Ang City Agriculturist manghatag ug libre nga seedling ug liso sa utan aron makapananom ang mga interesado nga mga lumolupyo.

Samtang ang Cooperative Development and Livelihood Office mopahigayon og therapeutic massage.
Mopahigayon sab ang  tanang departamento sa lokal nga kagamhanan og information education campaign aron masayod ang mga residente sa ilang mga serbisyo.

Mohatag sab ug libreng serbisyo sa alot ug tuli ang kapolisan ug kasundaluhan.

"Mao kini ang gipangandoy sa atong halangdong Mayor nga ang atong City of Iligan Departments ug Divisions mao nay manaug sa kabarangayan aron mapa-abot ang mga  serbisyo nga para sa atong katawhan sa Iligan,” matud ni Clapano.
Tibuok bulan kini nga ipahigayon ug gipaningkamutan nga maserbisyohan ang tanang barangay.

(Ronnie Enderes/CIO)
#IDG3
#IDG4
#IDG13

We would like to hear from you

Send us your feedback, comments and suggestions to help improve our services

Iligan City