MGA GAPAMUTOL OG KAHOY, GIPAHIMANGNUAN NGA MANANGHID SA DENR, CENRO

DATE : Mar 28, 2023
Author • Asenso News Iligan City

MGA GAPAMUTOL OG KAHOY, GIPAHIMANGNUAN NGA MANANGHID SA DENR, CENRO



Nagpahimangno ang City Environment and Natural Resources Office (CENRO) nga kinahanglan mananghid sa ilang buhatan kung mamutol o kaha magtransport og kahoy bisan pa  og duna nay permit gikan sa Department Of Natural Resources (DENR). Kini human ma-diskubre sa CENRO ang 120 ka mga falcata nga gipa-anod sa suba sa Cabangahan, Brgy. Rogongon niaging semana. 

Aminado ang Cabangahan Rogongon Farmers Association (CAROFA) nga mga kahoy kini nga nangatumba gumikan sa kalamidad og ang uban napundo sa ila lugar sukad pa niadtong tuig 2012 human mihapak ang Bagyong Sendong.

Ibaligya na unta kini sa Sitio Cabaro Barangay Upper Hinaplanon.

Katuyoan sa pagpananghid ngadto sa CENRO, aron unta mapulihan og bag-ong tanom ang gipamutol o nangatumba nga punoan sa kahoy.

Temporaryo’ng gi-hold pa sa DENR ang mga kahoy sa Cabangahan Brgy.Rogongon samtang gipaabot ang desisyon sa rehiyonal nga buhatan sa DENR.

[JESIE CHRIS QUINABATO/CIO]

We would like to hear from you

Send us your feedback, comments and suggestions to help improve our services

Iligan City