MGA ESTABLISYAMENTO NGA DUNAY 100K O SOBRA NGA KAPITAL, SUSIHON KUNG DUNAY CCTV

DATE : Mar 21, 2023
Author • Asenso News Iligan City

MGA ESTABLISYAMENTO NGA DUNAY 100K O SOBRA NGA KAPITAL, SUSIHON KUNG DUNAY CCTV

Ga-pahigayon og survey ang Iligan City Monitoring and Inspection Task Force kung dunay mga Closed-Circuit Television (CCTV) ang mga establisyamento nga 100 thousand pesos pataas ang kapital. 

Apil sa i-survey kung dunay business permit ang mga establisyamento ug unsay kalidad sa gi-instalar nila nga CCTV.

“Padalhan nato og letter ang mga establishments nga kinahanglan mo-comply gyud sila and reminding them nga dili aprubahan ilang business permit sa 2024 kung dili sila ka-comply ani nga ordinance,” sumala kang Romeo Villanura, ang Head sa Task Force.

Dugang niya, dakong tabang ang CCTV aron matahap ang mga dautan, ug aron masulbad ang mga krimen nga mahitabo sulod sa mga establisyamento.

Sa ordinansa ni Konsehal Atty. Provedencio Abragan Jr., ang Chair sa Committee on Peace and Order and Security,  lakip sa gimanduan nga magbutang og CCTV ang mga bus terminals, gasoline station, department stores, entertainment placeS, groceries, hotels, lending firms, hospitals, internet cafes, pawnshops, malls, restaurants, mga eskwelahan, seaportS, ug sports center o mga lugar nga tapukanan sa publiko.

[R.A/ CIO]

We would like to hear from you

Send us your feedback, comments and suggestions to help improve our services

Iligan City