DATE :Dec 01, 2025

Gisayran sa Task Force Bantay Dagat (TFBD) ang mga opisyal sa mga Fisherfolks Association sa Iligan labot Sea Garbage for Rice Program. Sumala ni Eric Capitan, ang Head sa TFBD, makadawat ang mga mananagat og 5 ka kilong bugas sa matag 10 ka kilo nga basura nga ilang makolekta gikan sa dagat. 

Dugang gipasabot ni Capitan ang papel sa mga mananagat sa paghimong limpyo, luwas ug balanse sa marine environment.

Ning bag-o, gisayran sab ni Capitan ang Human Asssitance Disaster Response First Responder Team sa 1002 Ready Reserve Infantry Battalion ug Savior of the Sea organization sa PNP Maritime Group sa lokal ug nasudnong mga balaud nga gaprotekta sa kinaiyahan ilabi na sa mga fisheries, sanctuaries ug kadagatan. Mahimo silang kaabag sa TFBD sa pagprotekta sa marine ug coastal resources.