DATE :Nov 04, 2025

Giawhag sa City Social Welfare and Development Office (CSWDO) ug Local Council for the Protection of Children (LCPC) tanang batan-on sa Iligan sa pag-apil sa "Palarong Batang Iliganon," usa ka festival sa tradisyonal nga mga dula nga Pilipino, isip kabahin sa selebrasyon sa National Children’s Month karong 2025.

Tumong sa kalihokan nga mapalambo ang teamwork, sportsmanship, ug kultura sa Pilipinas sa mga bata. 

Ipahigayon kini karong Nobyembre 15-16, 2025, gikan alas 8:00 sa buntag hangtod alas 3:00 sa hapon sa Iligan City Public Plaza. Pagadulaon ang mga dula nga patentiro, luksong tinik, tumba lata, ug takyan. 

Dunay mga premyo nga cash ang nagpaabot sa mga mananaog. Alang sa mga interesado nga morehistro o mangutana, ipadala ang inyong mensahe sa Facebook page sa CSWDO o bisitaha ang CSWD Main Office, Purok 4, Saray, Iligan City, gikan alas 8:00 sa buntag hangtod alas 5:00 sa hapon (Lunes hangtod Biyernes). Abli ang rehistrasyon gikan sa Nobyembre 3 hangtod 14, 2025.

Janice G. Magsayo

📷: LGU Iligan- City Social Welfare and Development Office FB Page