DATE :Oct 13, 2025

Gipasabot ni Atty. Abdul Gaffur Madki Howard M. Alonto, OIC City Prosecutor, ang mga balaod nga nanalipod sa mga kabatan-onan atol sa Capacity Building Session sa Local Council for the Protection of Children (LCPC). 

Lakip sa mga balaod nga gihisgutan mao ang: RA 9262 o Anti-Violence Against Women and their Children Act nga nagprotektar sa mga babaye ug ilang mga anak gikan sa pagpanlupig; RA 11313 o Safe Spaces Act nga gitawag usab nga Bawal Bastos Law nga nagtakda og mga lugar nga luwas gikan sa harasment ug diskriminasyon; RA 7610 o Special Protection of Children Against Abuse, Exploitation and Discrimination nga nanalipod sa mga bata batok sa pag-abuso, pagpahimulos, ug diskriminasyon lakip na niini ang Child Labor ug Sexual Abuse; RA 11596 o Prohibition of Child Marriage nga nagdili sa pagpakasal sa mga bata; ug RA 10930 o Anti-Online Sexual Abuse or Exploitation of Children (OSAEC) ug Anti-Child Sexual Abuse or Exploitation Materials (CSAEM) Act nga nagpugong sa online sexual abuse ug exploitation sa mga bata. 

Matud ni Evelyn Madrio, Head sa City Social Welfare and Development (CSWD), nga ang pagpasabot sa mga balaod nga nanalipod sa mga kabatan-onan importante alang sa mga miyembro sa LCPC aron masabtan ang mga balaod alang sa mga biktima. 

Gipahimangnoan ni Atty. Alonto ang mga miyembro sa LCPC ug sa CSWD nga kinahanglan konsiderahon ang best interest sa mga kabataan sa tanang panahon.

 Janice G. Magsayo