NOTORIOUS NGA SUSPEK SA CARNAP, DAKPAN

DATE :Jan 28, 2023
Author • CIO

Gidakop sa mga pulis ang suspek sa carnap kinsa dunay warrant of arrest gikan sa korte. Sumala ni Police Maj. Marvin Cajegas, ang Station Commander sa Iligan City Police Office 4,  naaktuhan ang suspek sa barangay Tambacan kagahapon. 
Miangkon ang suspek nga siya ang tigpa-andar ug tigkuha sa motor apan laing kauban niya ang mosakay niini. 
Nagtuo si Cajegas nga dakong tabang ang pagkadakop sa suspek sa pagpakgang sa carnapping sa syudad. Sa upat ka kasong carnapping sa ilang estasyon tuig 2022, tanang suspek niini nakasuhan. 
Tambag usab ni Cajegas nga mag-instalar ang mga motorista og Global Positioning System o GPS nga makatabang aron ma-track kung asa ilang motor uganing ma-carnap kini. Makatabang sab ang anti-theft devices sama sa kadena, disc lock, alarm system og uban pa. Mas secure usab ang motor kung anaa kini sa insaktong garahe-an ug hayag nga parkingan. 
Dugang ni Cajegas, mas maayo nga moagi ang mga motorista sa hayag ug secure nga agi-anan. 
Kasamtangan nga ga-ronda ang mga pulis makadlawon diin giingon kasagarang mahitabo ang kawat sa motor. Pangitaan nila sa papeles sa motor ang mga motorista nga maaktuhan sa dalan nianang mga orasa.

We would like to hear from you

Send us your feedback, comments and suggestions to help improve our services

Iligan City