DATE :Aug 12, 2023

Mi-katkat sa Mount Agad-agad sa Barangay Pugaan ang 100 ka mga empleyado sa LGU-Iligan, City Environment Nature Resource Office (CENRO), Iligan City Disaster Risk Reduction Management Office, Department of Public Works and Highways, Philippine Statistics Authority, Traffic Section ug Iligan City Police Office ganihang buntag. Kini aron mananum og 200 ka puno-an sa Dao,600 ka Mangcono ug 300 ka-Lawaan.

Alayon kini sa Agri-Environment Month nga gi-obserbar sa Agusto.

Sumala ni Marie Claire Taguic, ang Information Officer sa CENRO Iligan, tinguha niini nga ma-promotar ang pagkonserbar ang kakahoyan sa bukid, ug aron sab mahibaloan sa mga Iliganon kung unsa ka-importante ang mga kahoy.

Sumala sab ni Virgilio Encabo, ang Department Head sa CENRO, ma-katabang ang mga kahoy pag-protektar sa watershed. “Adunay portion sa Agad-Agad nga wala pa gyud natamnan. In other words,makadugang kining mga tanom sa proteksyon sa water shed,"sumala niya.

Ang mga kahoy nga gipananum makatabang sab aron mo-daghan ang lain-laing tanom sa palibot.