DATE :May 16, 2023

Liboan ka mga partisipante ang misalmot sa Open Invitational Karatedo One-Upmanship niadtong Mayo 13-14 sa Robinson’s Place Iligan.

Kapin trenta (30) ka mga teams gikan sa nagkalain-laing teams o clubs sa nasud ang nagsangka ug nagpakita sa ilang kahanas sa maong sports, lakip na diri ang mga teams gikan sa Cebu City, Zamboanga City, Gingoog City, Panglao, Cabadbaran City, Koronadal City, Surigao City, Davao City, Bukidnon, Tacurong City, Marawi City, Jasaan, Cagayan de Oro City, ug Iligan City.

Kini nga aktibidad subay sa nagpadayon pa nga Sports and Recreation Month karong bulan sa Mayo. Laraw niini nga pakusgan ug suportahan ang natad sa sports dinhi sa dakbayan, lakip na ang pagsuporta sa mga lokal nga atleta pinaagi sa pagbuhat og mga aktibidad nga mapakita ang ilang talento.

 #SportsandRecreationMonth

#sports #basketball #AsensoSports

#AsensoIliganon #IliganCity