NEGOSYANTE NGA GA-BILIN OG BASURA GAWAS SA ESTABLISYAMENTO, GI-MULTAHAN

DATE :Mar 21, 2023
Author • Asenso News Iligan City

NEGOSYANTE NGA GA-BILIN OG BASURA GAWAS SA ESTABLISYAMENTO,  GI-MULTAHAN

Mi-pahimangno ang Barangay Poblacion og City LGU nga seryoso kini sa pag-gukod sa mga ga-pataka og labay og basura. 

Nasapon sa Barangay LGU ang negosyante nga tag-iya sa basura dihang gisubay ang CCTV footage nga kuha sa dapit. 

Sa footage, nakita ang sakyanan sa negosyante nga ga-diskarga og daghan nga basura sa eskina sa Quezon Avenue ug Baslayan Creek niadtong Marso 9, 2023 sa gabii.

Mi-atubang ang negosyante kang Punong Barangay Anton Pacana ug mi-saad nga dili na kini ma-usab.

Sa City Environment Code, gi-dili ang paglabay og basura gawas sa Solid Waste Facility, ingon man ang paglabay og wala gilahi-lahi nga basura. 
Gi- multahan og P5,000 ang negosyante.  

[R.A/ CIO]

We would like to hear from you

Send us your feedback, comments and suggestions to help improve our services

Iligan City